Al-'Adiyat

¹Ninaapa kwa farasi waendao mbio wakipumua.

²Na wakitoa moto kwa kupiga kwato zao chini.

³Wakishambulia wakati wa asubuhi.

⁴Huku wakitimua vumbi.

⁵Na wakijitoma kati ya kundi.

⁶Hakika mwanadamu ni mtovu wa fadhila kwa Mola wake Mlezi!

⁷Na hakika yeye mwenyewe bila ya shaka ni shahidi wa hayo!

⁸Naye hakika bila ya shaka ana nguvu za kupenda mali!

⁹Kwani hajui watakapofufuliwa waliomo makaburini?

¹⁰Na yakakusanywa yaliyomo vifuani?

¹¹Hakika Mola wao Mlezi siku hiyo bila ya shaka atakuwa na habari zao wote!