Al-Qari'ah

¹Qalbii rukuttuun (Qiyaamaan).

²Qalbii rukuttuun maali?

³Qalbii rukuttuun maal akka taate maaltu si beeksise?

⁴Guyyaa namni akka billaacha faffacaafamee ta’u.

⁵(Guyyaa) gaarreen akka jirbii iddamee (qaasasame) ta'u.

⁶Namni madaalli (hojii) isaa ulfaatte,

⁷Inni jireenya jaalatamtuu keessa ta'a.

⁸Namni madaalli (hojii) isaa salphatte immoo,

⁹Qubannoonni isaa “Haawiyaa”dha.

¹⁰Isheen (Haawiyaan) maal akka taate maaltu si beeksise?

¹¹(Isheen) ibidda gubduudha.