At-Tariq

¹Mianiana amin’ny lanitra, sy amin’ny kintana fitarik’andro Aho.

²Moa mba fantatrao va izany kintana fitarik’andro izany?

³Ilay kintana feno famirapiratana.

⁴Eny! Tsy misy fanahy ka tsy manana mpiambina,

⁵Koa tokony handinika ny olombelona, avy amin'inona tokoa moa no nahariana azy?

⁶Nohariana avy amin'ny ranon'aina mifantsitsitra izy.

⁷izay mivoaka avy eo anelanelan'ny taolan-damosina sy ny tehezana.

⁸tena marina fa Izy Allah dia mahafehy amin'ny fananganana azy amin'ny maty,

⁹amin'ny Andro izay hamborahana ireo miafina rehetra tao am-po,

¹⁰ka tsy hananan'ny olombelona hery sy mpamonjy,

¹¹Mianiana Aho amin'ny lanitra izay mampisy ny orana,

¹²sy ny tany izay mampitsiry ireo zava-maniry,

¹³fa ny Koroany masina dia teny manavaka ny marina amin'ny lainga,

¹⁴ary tsy vazivazy tsy misy fotony velively akory,

¹⁵Mampiasa ny hafetsen-dratsiny tokoa izy ireo (ireo tsy mpino),

¹⁶Izaho koa anefa dia mamaly azy ireo ny amin'izany,

¹⁷Koa omeo fe-potoana ireo tsy mpino, fe-potoana kely ihany.