Al-A'la

¹Ankalazao ny anaran'ny Tomponao, ilay Avo indrindra!

²izay nahary sy nandavorary,

³Ilay nandahatra sy nitantana,

⁴Izay nampitsiry ny vilona,

⁵ka nanao izany ho maina sy malazo avy eo,

⁶hampamakianay ianao mba tsy hanadino,

⁷afa-tsy izay sitrak'I Allah ho hadinonao ihany satria Izy no mahalala ny mibaribary sy izay miafina,

⁸Eny! Hotarihiko ianao ho any amin'ny lalan'ny fahamorana,

⁹Ary mampahatsiahiva ! Raha toa ka ilaina ny fampahatsiahivana.

¹⁰fa hahatsiaro izany izay manam-pahatahorana

¹¹Hanalavitra izany kosa ireo olon'ny fijaliana,

¹²izay ho dorana amin'ny afo be,

¹³avy eo dia sady tsy ho faty izy ireo ao no sady tsy ho velona ihany koa!

¹⁴Nahazo fandresena tokoa izay manadio ny tenany,

¹⁵sy nahatsiaro ny anaran'ny Tompony ka nivavaka,

¹⁶nefa indrisy! Ankafizinareo kokoa ny fiainana ety an-tany,

¹⁷kanefa ny fiainana any ankoatra dia tsara lavitra no mandrakizay.

¹⁸Izany rehetra efa voalaza tamin’ireo rakitsoratra Masina teo aloha,

¹⁹dia ny rakitsoratr’i Abrahama sy ny an’i Mosesy