'Abasa

¹Nagkunot-noo siya[1] at tumalikod siya

²dahil dumating sa kanya ang bulag.[2]

³Ano ang magpapaalam sa iyo na marahil siya[3] ay magpapakabusilak [sa kasalanan]

⁴o magsasaalaala para magpakinabang sa kanya ang paalaala?

⁵Tungkol sa nag-akalang nakasasapat [para mangailangan ng pananampalataya],

⁶ikaw ay sa kanya nag-aasikaso.

⁷Ano [ang maisisisi] sa iyo na hindi siya magpakabusilak [sa kasalanan]?

⁸Hinggil naman sa dumating sa iyo na nagpupunyagi [sa paghahanap ng kabutihan]

⁹habang siya ay natatakot [kay Allāh],

¹⁰ikaw ay sa kanya nagwawalang-bahala.

¹¹Aba’y hindi! Tunay na ang mga [talatang] ito ay isang pagpapaalaala;

¹²kaya ang sinumang lumuob ay mag-aalaala siya nitong [ Qur’ān].

¹³[Ito ay] nasa mga pahinang pinarangalan,

¹⁴na inangat na dinalisay,

¹⁵na nasa mga kamay ng mga [anghel na] tagatala,

¹⁶na mararangal na mabubuting-loob.

¹⁷Sumpain ang tao [na tagatangging sumampalataya]; anong palatangging sumampalataya nito!

¹⁸Mula sa aling bagay lumikha Siya nito?

¹⁹Mula sa isang patak lumikha Siya nito saka nagtakda Siya rito.

²⁰Pagkatapos sa landas[4] ay nagpadali Siya nito.

²¹Pagkatapos nagbigay-kamatayan Siya rito saka nagpalibing Siya rito.

²²Pagkatapos kapag niloob Niya ay bubuhay Siya rito.

²³Aba’y hindi! Hindi pa ito gumanap sa ipinag-utos Niya rito.

²⁴Kaya tumingin ang tao sa pagkain nito –

²⁵na Kami ay nagbuhos ng tubig sa pagbubuhos,

²⁶pagkatapos bumiyak Kami sa lupa nang biyak-biyak [para sa halaman],

²⁷saka nagpatubo Kami rito ng mga butil,

²⁸at ubas at kumpay,

²⁹at oliba at datiles,

³⁰at mga harding malago,

³¹at prutas at damo –

³²bilang tinatamasa para sa inyo at para sa mga hayupan ninyo.

³³Ngunit kapag dumating ang Dagundong[5]

³⁴sa Araw na tatakas ang tao mula sa kapatid niya,

³⁵at ina niya at ama niya,

³⁶at asawa niya at mga anak niya.

³⁷Ukol sa bawat tao kabilang sa kanila sa Araw na iyon ay isang kaukulang sasapat sa kanya.

³⁸May mga mukha sa Araw na iyon na nagliliwanag,

³⁹na tumatawa na nagagalak.

⁴⁰May mga mukha sa Araw na iyon na sa mga ito ay may alabok.

⁴¹May lulukob sa mga ito na isang panglaw.

⁴²Ang mga iyon ay ang mga tagatangging sumampalataya na masasamang-loob.