Ar-Rahman

¹Ang Napakamaawain [na si Allāh]

²ay nagturo ng Qur’ān,

³lumikha ng tao,

⁴nagturo rito ng paglilinaw.

⁵Ang araw at ang buwan ay ayon sa [itinakdang] pagtutuus-tuos.

⁶Ang bituin at ang punong-kahoy ay nagpapatirapa.

⁷Ang langit ay inangat Niya ito at inilagay Niya ang timbangan

⁸upang hindi kayo magmalabis sa timbangan.

⁹Magpanatili kayo ng pagtitimbang ayon sa pagkamakatarungan at huwag kayong manlugi sa timbangan.

¹⁰Ang lupa ay inilagay Niya para sa mga kinapal.

¹¹Dito ay may bungang-kahoy at ang mga [punong] datiles na may mga saha,

¹²at ang mga butil na may mga uhay at ang mga mabangong halaman.

¹³Kaya sa alin sa mga biyaya ng Panginoon ninyong dalawa magpapasinungaling kayong dalawa?

¹⁴Lumikha Siya ng tao mula sa kumakalansing na luwad gaya ng palayukan.

¹⁵Lumikha Siya sa jinn mula sa walang usok na liyab ng apoy.

¹⁶Kaya sa alin sa mga biyaya ng Panginoon ninyong dalawa magpapasinungaling kayong dalawa?

¹⁷[Siya] ang Panginoon ng dalawang silangan at ang Panginoon ng dalawang kanluran [sa tag-init at taglamig].

¹⁸Kaya sa alin sa mga biyaya ng Panginoon ninyong dalawa magpapasinungaling kayong dalawa?

¹⁹Nagpaugnay Siya sa dalawang dagat habang nagtatagpo.

²⁰Sa pagitan ng dalawang ito ay may isang halang na hindi nilalampasan ng dalawang ito.

²¹Kaya sa alin sa mga biyaya ng Panginoon ninyong dalawa magpapasinungaling kayong dalawa?

²²Lumalabas mula sa dalawang ito ang mga perlas at ang mga koral.

²³Kaya sa alin sa mga biyaya ng Panginoon ninyong dalawa magpapasinungaling kayong dalawa?

²⁴Sa Kanya ang mga daong na mga nakataas [ang mga layag] sa dagat gaya ng mga bundok.

²⁵Kaya sa alin sa mga biyaya ng Panginoon ninyong dalawa magpapasinungaling kayong dalawa?

²⁶Ang bawat sinumang nasa ibabaw ng [lupang] ito ay malilipol.

²⁷Mamamalagi naman ang mukha ng Panginoon mo, ang ukol sa pagkapinagpipitaganan at pinagpaparangalan.

²⁸Kaya sa alin sa mga biyaya ng Panginoon ninyong dalawa magpapasinungaling kayong dalawa?

²⁹Nanghihingi sa Kanya ang sinumang nasa mga langit at lupa; sa bawat araw Siya ay nasa isang pumapatungkol.

³⁰Kaya sa alin sa mga biyaya ng Panginoon ninyong dalawa magpapasinungaling kayong dalawa?

³¹Mag-aatupag Kami para sa inyo, O dalawang mabigat.[1]

³²Kaya sa alin sa mga biyaya ng Panginoon ninyong dalawa magpapasinungaling kayong dalawa?

³³O katipunan ng jinn at tao, kung nakaya ninyo na lumagos sa mga purok ng mga langit at lupa ay lumagos kayo. Hindi kayo lalagos kundi sa pamamagitan ng isang kapangyarihan [na ibinigay ni Allāh].

³⁴Kaya sa alin sa mga biyaya ng Panginoon ninyong dalawa magpapasinungaling kayong dalawa?

³⁵May isusugo sa inyong dalawa na isang purong lagablab ng apoy at isang [lusaw na] tanso, kaya hindi kayong makapag-aadyaan.

³⁶Kaya sa alin sa mga biyaya ng Panginoon ninyong dalawa magpapasinungaling kayong dalawa?

³⁷Saka kapag nabiyak ang langit saka ito ay naging kulay rosas gaya ng kumukulong langis.

³⁸Kaya sa alin sa mga biyaya ng Panginoon ninyong dalawa magpapasinungaling kayong dalawa?

³⁹Kaya sa araw na iyon ay walang tatanungin, tungkol sa pagkakasala nito, na isang tao ni isang jinn.

⁴⁰Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁴¹Makikilala ang mga salarin sa mga tatak nila, saka dadaklutin sila sa mga buhok ng noo at mga paa.[2]

⁴²Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁴³Ito ay ang Impiyerno na nagpapasinungaling dito ang mga salarin.

⁴⁴Iikot sila sa pagitan nito at ng nakapapasong tubig.

⁴⁵Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁴⁶Ukol sa sinumang nangamba sa katayuan sa [pagtutuos ng] Panginoon niya ay dalawang hardin.

⁴⁷Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁴⁸[Ang mga ito ay] may maraming sanga.

⁴⁹Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁵⁰Sa dalawang ito ay may dalawang bukal na dumadaloy.

⁵¹Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁵²Sa dalawang ito, bawat prutas ay magkapares.

⁵³Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁵⁴Mga nakasandal sa mga supa na ang aporo ng mga ito ay mula sa makapal na sutla at ang ani ng dalawang hardin ay naabot.

⁵⁵Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁵⁶Sa mga iyon ay may mga babaing naglilimita ng sulyap [sa mga asawa nila], na walang nakipagtalik sa mga ito na isang tao bago nila ni isang jinn.

⁵⁷Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁵⁸Para bang sila ay mga rubi at mga koral.

⁵⁹Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁶⁰Ang ganti kaya sa paggawa ng maganda ay iba pa sa paggawa ng maganda?

⁶¹Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁶²Sa paanan ng dalawang ito ay may dalawang hardin.

⁶³Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁶⁴Matingkad na luntian [ang dalawang ito].

⁶⁵Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁶⁶Sa dalawang ito ay may dalawang bukal na bumubuga.

⁶⁷Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁶⁸Sa dalawang ito ay may prutas, mga punong datiles, at mga granada.

⁶⁹Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁷⁰Sa mga ito ay may mga babaing mabubuti na magaganda.

⁷¹Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁷²May mga dilag na mga nakalimita sa mga kubol.

⁷³Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁷⁴Walang nakipagtalik sa mga ito na isang tao bago nila ni isang jinn.

⁷⁵Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁷⁶Mga nakasandal sa mga almohadon na luntian at mga kutson na magaganda.

⁷⁷Kaya sa alin sa mga biyaya ng Panginoon ninyong dalawa magpapasinungaling kayong dalawa?

⁷⁸Napakamapagpala ang pangalan ng Panginoon mo, ang ukol sa pagkapinagpipitaganan at pinagpaparangalan.