Al-Waqi'ah

¹Kapag naganap ang Magaganap,

²para sa pagkaganap nito ay walang isang tagapagpasinungaling,

³na magbababa [ng mananampalataya], mag-aangat [ng tagatangging sumampalataya].

⁴Kapag inalog ang lupa sa isang pag-aalog

⁵at dinurog ang mga bundok sa isang pagdurog,

⁶kaya magiging alikabok na kumakalat.

⁷Kayo ay magiging tatlong uri.

⁸Kaya ang mga kasamahan sa dakong kanan, ano ang mga kasamahan sa dakong kanan?

⁹Ang mga kasamahan sa dakong kaliwa, ano ang mga kasamahan sa dakong kaliwa?

¹⁰Ang mga tagapanguna [sa mga kabutihan] ay ang mga tagapanguna [sa Paraiso].

¹¹Ang mga iyon ay ang mga inilapit [kay Allāh]

¹²sa mga hardin ng kaginhawahan.

¹³Isang pangkat mula sa mga nauna [na yumakap sa Islām]

¹⁴at kaunti mula sa mga nahuli,

¹⁵sa mga kamang pinalamutian [ng ginto],

¹⁶na mga nakasandal sa mga ito habang mga naghaharapan.

¹⁷May iikot sa kanila na mga batang lalaki na mga pinamalaging [bata],

¹⁸na may mga baso, mga pitsel, at isang kopa mula sa isang alak [na dalisay] na dumadaloy,

¹⁹na hindi sila pasasakitan [sa ulo] dahil sa mga ito at hindi sila lalanguin,

²⁰at bungang-kahoy mula sa pinili-pili nila,

²¹at karne ng ibon kabilang sa ninanasa nila,

²²at may mga dilag na magaganda ang mga mata,

²³na gaya ng mga tulad ng mga perlas na itinatago,

²⁴bilang ganti sa dati nilang ginagawa [na maganda].

²⁵Hindi sila makaririnig doon ng kabalbalan ni ng pagpapakasalanan

²⁶maliban sa pagsasabi ng [pagbati ng] kapayapaan, kapayapaan!

²⁷Ang mga kasamahan ng kanan, ano ang mga kasamahan ng kanan?

²⁸[Sila ay] nasa mga [punong] Sidrah na pinutulan [ng mga tinik]

²⁹at mga [punong] saging na nagkapatung-patong [ang mga bunga],

³⁰at sa lilim na inilatag,

³¹at tubig na pinadaloy,

³²at prutas na marami,

³³hindi pinuputol at hindi pinipigilan,

³⁴at sa mga higaang iniangat.

³⁵Tunay na Kami ay nagpaluwal sa kanila[1] sa isang [pambihirang] pagpapaluwal,

³⁶saka gumawa sa kanila na mga birhen,

³⁷na malalambing na magkakasinggulang,

³⁸para sa mga kasamahan sa kanan.

³⁹Isang pangkat mula sa mga nauna

⁴⁰at isang pangkat mula sa mga nahuli.

⁴¹Ang mga kasamahan sa dakong kaliwa,[2] ano ang mga kasamahan sa dakong kaliwa?

⁴²[Sila ay] nasa nakapapasong hangin at nakapapasong tubig,

⁴³at isang lilim ng isang usok na pagkaitim-itim,

⁴⁴hindi malamig at hindi marangal.

⁴⁵Tunay na sila dati bago niyon ay mga pinariwasa.

⁴⁶Sila dati ay nagpupumilit ng kabuktutang sukdulan.[3]

⁴⁷Sila dati ay nagsasabi: “Kapag namatay ba kami at kami ay naging alabok at mga buto, tunay bang kami ay talagang mga bubuhayin,

⁴⁸at ang mga ninuno naming sinauna?”

⁴⁹Sabihin mo: “Tunay na ang mga sinauna at ang mga nahuli

⁵⁰ay talagang mga titipunin sa isang takdang oras ng isang araw na nalalaman.”

⁵¹Pagkatapos tunay na kayo, O mga naliligaw na mga nagpapasinungaling [sa Pagkabuhay]

⁵²ay talagang mga kakain mula sa mga puno ng Zaqqūm,

⁵³saka mga magpupuno mula sa mga iyon ng mga tiyan,

⁵⁴saka mga iinom sa mga ito mula sa nakapapasong tubig,

⁵⁵saka mga iinom nang pag-inom ng mga uhaw na kamelyo!”

⁵⁶Ito ay pang-aliw nila sa Araw ng Pagtutumbas.

⁵⁷Kami ay lumikha sa inyo kaya bakit kaya hindi kayo naniniwala?

⁵⁸Kaya nagsaalang-alang ba kayo sa ipinupulandit ninyo [na punlay]?

⁵⁹Kayo ba ay lumilikha niyon [bilang tao] o Kami ay ang Tagalikha?

⁶⁰Kami ay nagtakda sa gitna ninyo ng kamatayan at Kami ay hindi nauunahan

⁶¹na magpalit Kami ng mga tulad [ng mga anyo] ninyo at [muling] magpaluwal Kami sa inyo sa [mga anyong] hindi ninyo nalalaman.

⁶²Talaga ngang nalaman ninyo ang unang pagpapaluwal, kaya bakit kaya hindi kayo nagsasaalaala?

⁶³Kaya nagsaalang-alang ba kayo sa ipinupunla ninyo?

⁶⁴Kayo ba ay nagtatanim niyon o Kami ay ang Tagapagtanim?

⁶⁵Kung sakaling niloloob Namin ay talaga sanang ginawa Namin iyon na ipa saka kayo ay magiging nagugulantang,

⁶⁶[na magsasabi]: “Tunay na kami ay talagang mga mamultahan;[4]

⁶⁷bagkus kami ay mga pinagkaitan!”

⁶⁸Kaya nagsaalang-alang ba kayo sa tubig na iniinom ninyo?

⁶⁹Kayo ba ay nagpababa niyon mula sa mga ulap o Kami ay ang Tagapagpababa?

⁷⁰Kung sakaling niloloob Namin ay ginawa sana Namin iyon na maalat, kaya bakit kaya hindi kayo nagpapasalamat?

⁷¹Kaya nagsaalang-alang ba kayo sa apoy na pinaniningas ninyo?

⁷²Kayo ba ay nagpapaluwal ng punong-kahoy [na nagpapaningas] nito o Kami ay ang Tagapagpaluwal?

⁷³Kami ay gumawa nito bilang pagpapaalaala at bilang natatamasa para sa mga naglalakbay.

⁷⁴Kaya magluwalhati ka sa pangalan ng Panginoon mo, ang Sukdulan.

⁷⁵Kaya nanunumpa Ako sa mga lubugan ng mga bituin,

⁷⁶at tunay na ito ay talagang isang panunumpa – kung sakaling nalalaman ninyo – na sukdulan.

⁷⁷Tunay na ito ay talagang isang Qur’ān marangal,

⁷⁸na nasa isang Aklat na itinatago,[5]

⁷⁹na walang nakasasaling dito kundi ang mga [anghel na] dinalisay,

⁸⁰na isang pagbababa mula sa Panginoon ng mga nilalang.

⁸¹Kaya sa salaysay na ito ba kayo ay mga nagwawalang-bahala?

⁸²Gumagawa kayo [sa pagpapasalamat] sa panustos ninyo na kayo ay nagpapasinungaling.

⁸³Kaya bakit hindi [kayo magpabalik ng kaluluwa] kapag umabot ito sa lalamunan

⁸⁴habang kayo sa sandaling iyon ay nakatingin?

⁸⁵Kami[6] ay higit na malapit sa kanya kaysa sa inyo subalit hindi ninyo nakikita.

⁸⁶Kaya bakit hindi – kung kayo ay hindi mga pananagutin –

⁸⁷kayo nagpapabalik [ng kaluluwa sa katawan] nito kung kayo ay mga tapat.

⁸⁸Kaya hinggil naman sa kung siya ay kabilang sa mga inilapit [kay Allāh],

⁸⁹[ukol sa kanya ay] kapahingahan, kaloob, at hardin ng kaginhawahan.

⁹⁰Hinggil naman sa kung siya ay kabilang sa mga kasamahan ng kanan,

⁹¹[magsasabi ang mga anghel sa kanya]: “Kapayapaan ay ukol sa iyo na kabilang sa mga kasamahan ng kanan.”

⁹²Hinggil naman sa kung siya ay kabilang sa mga tagapagpasinungaling na naliligaw,

⁹³[ukol sa kanya ay] isang pang-aliw mula sa nakapapasong tubig

⁹⁴at isang pagpapasok sa Impiyerno.

⁹⁵Tunay na ito ay talagang ito ang katotohanan ng katiyakan.

⁹⁶Kaya magluwalhati ka sa ngalan ng Panginoon mo, ang Sukdulan.