An-Najm

¹Sumpa man sa bituin kapag lumubog ito,

²Hindi naligaw ang kasamahan ninyo [na si Propeta Muḥammad] at hindi siya nalisya.

³Hindi siya bumibigkas ayon sa [sariling] pithaya.

⁴Walang iba ito kundi isang kasi na ikinakasi sa kanya.

⁵Nagturo sa kanya ang [anghel na] matindi ang lakas,

⁶[si Anghel Gabriel] na may kapangyarihan saka tumindig [ayon sa anyo ng pagkakalikha],

⁷habang ito ay nasa [bahagi ng] abot-tanaw na pinakamataas.

⁸Pagkatapos lumapit ito saka pumanaog ito.

⁹Kaya ito ay naging nasa layo ng dalawang pana o higit na malapit.

¹⁰Kaya nagkasi Siya sa lingkod Niya ng ikinasi Niya.

¹¹Hindi nagsinungaling ang puso [ng Propeta] sa nakita niya.

¹²Kaya makikipagtaltalan ba kayo sa kanya sa nakikita niya?

¹³Talaga ngang nakita niya [si Gabriel na] ito sa iba pang pagkababa,

¹⁴sa tabi ng [punong] Sidrah ng Pinagwawakasan,

¹⁵sa tabi nito ang Hardin ng Kanlungan,

¹⁶noong bumabalot sa [punong] Sidrah ang bumabalot.

¹⁷Hindi lumiko ang paningin [ni Propeta Muḥammad] at hindi ito lumampas.

¹⁸Talaga ngang may nakita siya mula sa pinakamalaking mga tanda ng Panginoon Niya.

¹⁹Kaya nakaisip ba kayo [O mga tagapagtambal] kina Allāt at Al`uzzā,[1]

²⁰at kay Manāh, ang ikatlong iba pa?

²¹Ukol ba sa inyo ang lalaki at ukol sa Kanya ang babae?

²²Iyon, sa makatuwid, ay isang paghahating liku-liko.

²³Walang iba ang mga [diyus-diyusang] ito kundi mga pangalang ipinangalan ninyo mismo at ng mga ninuno ninyo. Hindi nagpababa si Allāh kaugnay sa mga ito ng anumang katunayan. Hindi sila sumusunod maliban sa pagpapalagay at pinipithaya ng mga sarili. Talaga ngang dumating sa kanila mula sa Panginoon nila ang patnubay.

²⁴O ukol ba sa [bawat] tao ang anumang [tagapamagitang] minithi niya?

²⁵Ngunit sa kay Allāh ang huling buhay at ang unang buhay.

²⁶Kay rami ng anghel sa mga langit na hindi nakapagdudulot ang pamamagitan nila ng anuman maliban nang matapos na magpahintulot si Allāh sa sinumang niloloob Niya at kinalulugdan Niya.

²⁷Tunay na ang mga hindi sumasampalataya sa Kabilang-buhay ay talagang nagpapangalan sa mga anghel ng pagpapangalan sa babae.[2]

²⁸Walang ukol sa kanila rito na anumang kaalaman. Wala silang sinusunod kundi ang pagpapalagay. Tunay na ang pagpapalagay ay hindi nakapagdudulot kapalit ng katotohanan ng anuman.

²⁹Kaya umayaw ka sa sinumang tumalikod sa [Qur’ān na] paalaala Namin [mula sa Qur’ān] at hindi nagnais kundi ng buhay na pangmundo.

³⁰Iyon ay ang inaabot nila mula sa kaalaman. Tunay na ang Panginoon mo ay higit na maalam sa sinumang naligaw palayo sa landas Niya at higit na maalam sa sinumang napatnubayan.

³¹Sa kay Allāh ang anumang nasa mga langit at ang anumang nasa lupa upang gumanti Siya sa mga gumawa ng masagwa ayon sa anumang ginawa nila at gumanti Siya sa mga gumawa ng maganda ayon sa pinakamaganda.

³²Ang mga umiiwas sa mga malaki sa kasalanan at mga mahalay maliban sa mga kasalanang maliit, tunay na ang Panginoon mo ay malawak ang kapatawaran. Siya ay higit na maalam sa inyo noong nagpaluwal Siya sa inyo mula sa lupa at noong kayo ay mga bilig sa mga tiyan ng mga ina ninyo. Kaya huwag kayong magbusilak ng mga sarili ninyo; Siya ay higit na maalam sa sinumang nangilag magkasala.

³³Kaya nakita mo ba ang tumalikod [sa Islām],

³⁴at nagbibigay ng kaunti at nagmaramot?

³⁵Taglay ba niya ang kaalaman sa nakalingid kaya siya ay nakakikita?

³⁶O hindi siya binalitaan hinggil sa nasa mga kalatas ni Moises

³⁷at [mga kalatas] ni Abraham na tumupad:

³⁸na hindi magpapasan ang isang tagapasan ng pasanin ng iba,[3]

³⁹na walang ukol sa tao kundi ang pinagpunyagian niya,

⁴⁰at na ang pagpupunyagi niya ay makikita.

⁴¹Pagkatapos gagantihan siya ng ganting pinakasapat.

⁴²Na tungo sa Panginoon mo ang pinagwawakasan [matapos ng kamatayan].

⁴³Na Siya ay nagpatawa at nagpaiyak.

⁴⁴Na Siya ay nagbigay-kamatayan at nagbibigay-buhay.

⁴⁵Na Siya ay lumikha sa magkaparis, ang lalaki at ang babae,

⁴⁶mula sa patak kapag ibinuhos ito.

⁴⁷Na nasa Kanya ang pagpapaluwal na iba pa.[4]

⁴⁸Na Siya ay nagpayaman at nagbigay-kasiyahan.

⁴⁹Na Siya ay ang Panginoon ng [bituing] Sirius.[5]

⁵⁰Na Siya ay nagpahamak sa [liping] `Ād na sinauna

⁵¹at [liping] Thamūd, kaya hindi Siya nagtira.

⁵²[Nagpahamak Siya] sa mga kababayan ni Noe bago pa niyan; tunay na sila dati ay higit na tagalabag sa katarungan at higit na tagapagmalabis.

⁵³Ang itinaob ay pinalagpak Niya,

⁵⁴saka bumalot Siya sa mga ito ng ibinalot Niya.

⁵⁵Kaya hinggil sa alin sa mga grasya ng Panginoon mo nagtataltalan ka?

⁵⁶[Ang Sugong] ito ay isang mapagbabala kabilang sa mga mapagbabalang sinauna.

⁵⁷Nalapit ang Papalapit.

⁵⁸Walang ukol dito bukod pa kay Allāh na isang tagahawi.

⁵⁹Kaya ba sa salaysay na ito nagtataka kayo?

⁶⁰Tumatawa kayo at hindi kayo umiiyak,

⁶¹habang kayo ay mga nagsasaya.

⁶²Kaya magpatirapa kayo kay Allāh at sumamba kayo.