Al-Balad

¹Ninaapa kwa Mji huu!

²Nawe unaukaa Mji huu.

³Na ninaapa kwa mzazi na alichokizaa.

⁴Hakika tumemuumba mtu katika taabu.

⁵Ati anadhani hapana yeyote atakayemuweza?

⁶Anasema: Nimeteketeza chungu ya mali.

⁷Ati anadhani ya kuwa hapana yeyote anayemwona?

⁸Kwani hatukumpa macho mawili?

⁹Na ulimi, na midomo miwili?

¹⁰Na tukambainishia zote njia mbili?

¹¹Lakini hakujitoma kwenye njia ya vikwazo vya milimani.

¹²Na nini kitakachokujuvya ni nini njia ya vikwazo vya milimani?

¹³Kumkomboa mtumwa.

¹⁴Au kumlisha siku ya njaa,

¹⁵Yatima aliye jamaa.

¹⁶Au masikini aliye vumbini.

¹⁷Tena awe miongoni mwa walioamini na wakausiana kusubiri na wakausiana kuhurumiana.

¹⁸Hao ndio watu wa kheri wa kuliani.

¹⁹Lakini waliozikataa Ishara zetu, hao ndio watu wa shari wa kushotoni.

²⁰Juu yao utakuwa Moto uliofungiwa kila upande.