الأعلى
The Most High • 19 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1د خپل ډېر اوچت پالونکي د نوم پاکي دې بيانوه.
2هغه چې پيداکړي او برابر کړي يې دي.
3او هغه چې تقدير يې وټاکلو بيا يې لارښوونه وکړه.
4او هغه چې شنه ګيا يې را واېستله.
5بيا يې وچ تور وګرځول.
6دا دی موږ يې درباندې لولو بيا به يې نه هېروې.
7مګر داچې الله وغواړي بېشکه هغه پر ښکاره هم پوهيږي او پر هغه څه هم چې پټ دي.
8او تا ته به د اسانۍ لار اسانه کړو.
9نو نصیحت وکړه که نصیحت څه ګټه کوي.
10څوک چې وېريږي ژر به هغه نصيحت ومني.
11او ډډه به ترې کوي څوک چې ډېر بدبخته وي.
12هغه چې لوی اور ته ننوځي.
13بيا به نه پکې مري او نه به ژوند کولای شي.
14په حقيقت کې هغه څوک بريالی شو چې پاک شو.
15او د خپل پالونکي نوم یې ياد کړ او لمونځ يې وکړ.
16خو تاسې د دنيا ژوند غوره ګڼئ.
17او حال داچې آخرت غوره او پايېدونکی دی.
18دغه خبرې په رېښتيا په پخوانيو صحيفو کې هم وې.
19(يعني) د ابراهيم او موسی په صحيفو کې.