Al-Infitar

¹Yeroo samiin dhodhoote,

²Yeroo urjiiwwan harcaate,,

³Yeroo galaanonni walitti makaman,

⁴Yeroo qabroonni gara gaggalfamtee du’aa ishee keessa jiru ol baafte,

⁵(Yeroo san) lubbuun hundi waan dabarfatte (hojjattee)fi baada aansite ni beekti.

⁶Ati Yaa nama! Gooftaa kee kan Arjaa ta'etti (amanuu irraa) maaltu si dage?

⁷Isa si uumee, ergasii si guutee, si sirreesse,

⁸Boca fedhe keessatti walitti si qabe (sanarraa maaltu si gowwoomse)?

⁹Dhorgamaa! Dhugumatti, guyyaa murtii ni sobsiiftu.

¹⁰Isin irra to’attootatu jiru.

¹¹Kabajamoo, barreessitoota kan ta’an.

¹²Waan isin dalagdan ni beeku.

¹³Dhugumatti, warri toltuu hojjatan qananii keessa jiraatu

¹⁴Warri hamtuu hojjatan immoo ibidda keessa jiraatu.

¹⁵Guyyaa murtii ishee seenu.

¹⁶Isaan ishee irraa hin fagaatanu.

¹⁷Sila guyyaan murtii maal akka ta'e maaltu si beeksise?

¹⁸Ergasii guyyaan murtii maal akka ta'e maaltu si beeksise?

¹⁹(Inni) guyyaa lubbuun takka lubbuu biraatiif homaa gochuu hin dandeenye. Guyyaa san wanti (hundi) kan Rabbiiti.