At-Takwir

¹Yeroo aduun maramte,

²Yeroo urjiin harcaate,

³Yeroo gaarreen bakkaa oofamte,

⁴Yeroo gaalli rimaan baatii kudhanii dhiifamte (tiksitee malee hafte),

⁵Yeroo bineensonni bosonaa walitti qabamte,

⁶Yeroo galaanni qabsiifamte (akka ibiddaatti boba'an),

⁷Yeroo lubbuuleen hundi qindeeffamte.

⁸Yeroo durbi jirtuun awwaalamte gaafatamte,

⁹Balleessa kamiif akka ajjeefamte;

¹⁰Yeroo galmeen (hojii) raabsamte,

¹¹Yeroo samiin buqqifamtee maramte,

¹²Yeroo ibiddi qabsiifamte,

¹³Yeroo jannanni dhiheeffamte,

¹⁴Lubbuun waan dalagatte beekteetti.

¹⁵(Urjiiwwan) guyyaa badanii halkan mul'ataniinin kakadha.

¹⁶(Urjiiwwan) yaa’aa seenaa ta’aniinin (kakadha).

¹⁷Halkaniinis yeroo inni dukkanaa’en (kakadha),

¹⁸Bariittillee yeroo inni hafuura baafate (ife) (kakadha),

¹⁹Inni (Qur'aanni) kun jecha Ergamaa kabajamaati [1]

²⁰(Ergamaa) abbaa humnaa ta'e, kan Gooftaa Arshii biratti iddoo jabaa qabu.

²¹Bakka sanatti ajajni isaa fudhatamaafi amanamaa kan ta'e.

²²Saahibni keessan (Muhammad SAW!) maraataa miti.

²³Dhugumatti, inni moggaa ol aanaa (samii) ifa galaa (gara Bahaa) keessatti isa argee jira.

²⁴Inni (Nabiyyiin) beekumsa fagoo irratti don'aa miti (hin dhoksu).

²⁵Inni (Qur'aanni) jecha sheeyxaana darbamaa miti.

²⁶Mee eessuma deemtu?

²⁷Inni aalama hundaaf gorsa malee hintaane.

²⁸Nama isin irraa qajeeluma fedheef (gorsa ta'a).

²⁹Yoo Rabbiin aalama hundaa fedhe malee isin homaa hin feetanu.