'Abasa

¹Fuula guuree gara gale.

²Sababa jaamaan isatti dhufeef.

³Maaltu si beeksise? Qulqullaa’uun isaa ni kajeelama.

⁴Yookiin gorfameeti gorsi isa fayyaddi.

⁵Nama duroome immoo,

⁶Ati [akka amananuuf jecha] gara isaa gara galta.

⁷Haala qulqullaa'uu dhiisuun isaa homaa sirra hin jirreen.

⁸Nama fiigaa sitti dhufe immoo,

⁹Kan Rabbiin sodaatu ta’ee,

¹⁰Ati isa irraa dagatta.

¹¹Dhorgami! Isheen gorsa.

¹²Nama fedhetu isa (Qur'aana) yaadata.

¹³Galmeewwan kabajamtuu keessa jira.

¹⁴Ol fuudhamtuu, qulqulleeffamtuu (keessa jira).

¹⁵Harka barressitootaa (maleykotaa) jira.

¹⁶Kabajamoo, ajajamtoota (harka jira).

¹⁷Namni abaarame! Sila maaltu isa kafarsiise?

¹⁸(Rabbiin) waan akkamii irraa isa uume? (hin xiinxaluu?)

¹⁹Bishaan saalaa irraa isa uumeeti, ergasii isa sirreesse.

²⁰Ergasii karaa (inni ittiin dhalatu) isaaf laaffise.

²¹Ergasii isa ajjeeseti isa awwaalchise.

²²Ergasii yeroo fedhe isa kaasa.

²³Dhugumatti, (namni) waan Rabbiin isa ajaje ammallee hin raawwanne.

²⁴Namni gara nyaata isaa haa ilaalu.

²⁵Nuti bishaan buusiinsa baay’inaan buufne.

²⁶Ergasii dachii dhodhoosiinsa dhodhoofne.

²⁷Achumaan Ishee keessatti firii magarsine.

²⁸Inabaafi margas,

²⁹Zeytunaafi muka timiraas,

³⁰Ashaakiltiilee muka baay’atanis,

³¹Fuduraafi kaloo [akka nuti uumne haa ilaalu].

³²Isiniifi beylada keessanis qanansiisuuf.

³³Yeroo gurra duuchituun (Qiyaamaan) dhufte,

³⁴Guyyaa namni obboleessa isaa irraa dheessu,

³⁵Haadha isaatiifi abbaa isaa irraas,

³⁶Niitii isaatiifi ijoollee isaa irraas (baqatu san dhufti).

³⁷Nama Isaan irraa ta’e hundaaf guyyaa sana dhimma isa duroomsutu jira.

³⁸Fuulli gariin guyyaa san ni ifti.

³⁹Kolfituu, gammadduudha.

⁴⁰Fuulli gariin immoo guyyaa san dhukkeetu (quttootu) irra jira.

⁴¹Gurraachinni ishee haguuga.

⁴²Isaan sun warra Rabbitti kafaranii, balleessa hojjataniidha.