At-Takwir

¹Rehefa tsy hisy fahazavana intsony ny masoandro,

²rehefa hanjavona ny famirapiratan'ireo kintana,

³rehefa hihetsika hiala amin'ny toerany ireo tendrombohitra,

⁴rehefa tsy raharahiana intsony ireo rameva akaiky hiteraka,

⁵rehefa tafavory ireo bibidia,

⁶rehefa manjary nirehitra ny ranomasina,

⁷rehefa voatambatra araka ny sokajiny avy ny fanahy,

⁸rehefa hanontaniana ireo zazavavy nalevim-belona hoe:

⁹mba fahotana inona loatra no antony namonoana azy?

¹⁰rehefa nampahalalana ireo takela-piraketana ny asa vita,

¹¹rehefa voaesotra ny lanitra,

¹²rehefa haredareda ny afo,

¹³rehefa hampanantonina ny mpino ny Paradisa,

¹⁴dia samy hahafantatra ny nataony ny tsirairay avy!

¹⁵Tsia! Mianiana Aho amin'ireo andian-kintana.

¹⁶Izay mandeha amin'ny lalana izorany ka indraindray mipoitra ary indraindray manjavona.

¹⁷Sy amin'ny alina rehefa mandrakotra,

¹⁸ny maraina rehefa miposaka mitondra tsio-drivotra,

¹⁹tena marina, izany dia tenin'ilay iraka mendrika,

²⁰izay matanjaka sy manan-danja lehibe eo anatrehan'ny tompon'ny fiandrianana,

²¹Mpakato izy sady itokisana,

²²tsy marary saina velively akory ny sakaizanareo,

²³izay efa nahita ny anjely Gabriela tokoa teny am-param-bodi-lanitra mazava.

²⁴Ary izy dia tsy kahihitra ka hitana ho azy irery ny faminaniana izay tonga taminy,

²⁵izany dia tsy tenin'ilay demony izay voahozona!

²⁶koa aiza ary no hombanareo,

²⁷Tsy inona akory ity faminaniana ity afa-tsy fampahatsiahivana an'izao tontolo izao,

²⁸Ho an'izay manam-paniriana ny hanaraka ny fahitsiana aminareo,

²⁹Tsy hanam-pahefana ny amin'izany ianareo raha tsy sitrak'I Allah tompon'izao tontolo izao.