Ar-Rum

الروم

The Romans • 60 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

الٓمٓ﴿١﴾

1ელიფ ლაამ მიიმ.

غُلِبَتِ ٱلرُّومُ﴿٢﴾

2მარცხი განიცადეს რომაელებმა

فِيٓ أَدۡنَى ٱلۡأَرۡضِ وَهُم مِّنۢ بَعۡدِ غَلَبِهِمۡ سَيَغۡلِبُونَ﴿٣﴾

3უახლოეს მიწაზე [სპარსებსა და არაბებთან ახლოს მდებარე ქვეყანაში, პალესტინაში], მაგრამ ისინი [რომაელები] მათი [სპარსთა] გამარჯვების შემდეგ [ისევ] გაიმარჯვებენ.

فِي بِضۡعِ سِنِينَۗ لِلَّهِ ٱلۡأَمۡرُ مِن قَبۡلُ وَمِنۢ بَعۡدُۚ وَيَوۡمَئِذٖ يَفۡرَحُ ٱلۡمُؤۡمِنُونَ﴿٤﴾

4რამდენიმე წლის შემდეგ. ალლაჰსეკუთვნის [მთელი] ძალაუფლება როგორც მანამდე, ასევე მის შემდეგაც. და იმ დღეს [როცა რომაელები გაიმარჯვებენ სპარსელებზე] მორწმუნენი გაიხარებენ

بِنَصۡرِ ٱللَّهِۚ يَنصُرُ مَن يَشَآءُۖ وَهُوَ ٱلۡعَزِيزُ ٱلرَّحِيمُ﴿٥﴾

5ალლაჰის დახმარებით. ის ეხმარება, ვისაც ისურვებს და ის არის ყოვლისშემძლე და შემწყალებელი

وَعۡدَ ٱللَّهِۖ لَا يُخۡلِفُ ٱللَّهُ وَعۡدَهُۥ وَلَٰكِنَّ أَكۡثَرَ ٱلنَّاسِ لَا يَعۡلَمُونَ﴿٦﴾

6[და რომაელები გაიმარჯვებენ სპარსელებზე] ალლაჰის დაპირებისამებრ [რომელიც მან მუჰამმად შუამავალს და მორწმუნეებს მისცა]. ალლაჰი არასოდეს ცვლის თავის დანაპირებს, მაგრამ ადამიანთა უმეტესობამ არ იცის.

يَعۡلَمُونَ ظَٰهِرٗا مِّنَ ٱلۡحَيَوٰةِ ٱلدُّنۡيَا وَهُمۡ عَنِ ٱلۡأٓخِرَةِ هُمۡ غَٰفِلُونَ﴿٧﴾

7ისინი იცნობენ მხოლოდ ამქვეყნიური ცხოვრების გარეგნულ მხარეს, ხოლო საიქიოს შესახებ დაუდევარნი არიან [არ ფიქრობენ მასზე]

أَوَلَمۡ يَتَفَكَّرُواْ فِيٓ أَنفُسِهِمۗ مَّا خَلَقَ ٱللَّهُ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّ وَأَجَلٖ مُّسَمّٗىۗ وَإِنَّ كَثِيرٗا مِّنَ ٱلنَّاسِ بِلِقَآيِٕ رَبِّهِمۡ لَكَٰفِرُونَ﴿٨﴾

8ნუთუ ისინი საკუთარ თავებში არ დაფიქრდნენ?! ალლაჰმა შექმნა ცა, მიწა და ის, რაც მათ შორისაა, ჭეშმარიტებითა და განსაზღვრული ვადით, სინამდვილეში მრავალი ადამიანი ურწმუნოა თავის უფალთან შეხვედრის მიმართ

أَوَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۚ كَانُوٓاْ أَشَدَّ مِنۡهُمۡ قُوَّةٗ وَأَثَارُواْ ٱلۡأَرۡضَ وَعَمَرُوهَآ أَكۡثَرَ مِمَّا عَمَرُوهَا وَجَآءَتۡهُمۡ رُسُلُهُم بِٱلۡبَيِّنَٰتِۖ فَمَا كَانَ ٱللَّهُ لِيَظۡلِمَهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ﴿٩﴾

9ნუთუ ისინი არ დადიოდნენ დედამიწაზე, რათა ეხილათ, როგორი აღსასრული ჰქონდა მათზე წინ მცხოვრებთ [რომლებიც არ დაემორჩილნენ ალლაჰს]?! ისინი მათზე ძლიერები იყვნენ ძალით, უფრო მეტად ამუშავებდნენ მიწას და აშენებდნენ მასზე [სასახლეებს], ვიდრე ესენი [მექქელები] აშენებენ. და მოვიდნენ მათთან მოციქულები ცხადი სასწაულებით, ალლაჰი არ მოექცეოდა მათ უსამართლოდ, არამედ ისინი თვითონვე იქცეოდნენ უსამართლოდ საკუთარი თავის მიმართ

ثُمَّ كَانَ عَٰقِبَةَ ٱلَّذِينَ أَسَٰٓـُٔواْ ٱلسُّوٓأَىٰٓ أَن كَذَّبُواْ بِـَٔايَٰتِ ٱللَّهِ وَكَانُواْ بِهَا يَسۡتَهۡزِءُونَ﴿١٠﴾

10ბოლოს, მათ, ვინც ცუდ ქმედებას სჩადიოდნენ[შირქსა და სხვა ცოვებს], დასასრულიც ბოროტი მოუვიდათ [მათ დაეწიათ ჯოჯოხეთის სატანჯველი] იმის გამო, რომ უარყვეს ალლაჰის ნიშნები [არ ირწმუნეს ისინი] და დასცინოდნენ მათზე [ალლაჰის ნიშნებზე].

ٱللَّهُ يَبۡدَؤُاْ ٱلۡخَلۡقَ ثُمَّ يُعِيدُهُۥ ثُمَّ إِلَيۡهِ تُرۡجَعُونَ﴿١١﴾

11ალლაჰი იწყებს გაჩენას [არარაობიდან ქმნის], შემდეგ კვლავ იმეორებს მას [ხელახლა ქმნის], ხოლო ბოლოს თქვენ მასთანვე დაბრუნდებით [ანგარიშებისა და საზღაურისათვის]!

وَيَوۡمَ تَقُومُ ٱلسَّاعَةُ يُبۡلِسُ ٱلۡمُجۡرِمُونَ﴿١٢﴾

12იმ დღეს, როცა დადგება საათი [განკითხვის დღე], დამნაშავენი [მრავალღმერთიანნი, ურწმუნონი] სასოწარკვეთილნი დარჩებიან [ალლაჰის სასჯელისგან ხსნას ვეღარ დაინახავენ].

وَلَمۡ يَكُن لَّهُم مِّن شُرَكَآئِهِمۡ شُفَعَٰٓؤُاْ وَكَانُواْ بِشُرَكَآئِهِمۡ كَٰفِرِينَ﴿١٣﴾

13და არ ეყოლებათ მათ [მრავალღმერთიანებს] იმ დღეს [სასამართლო დღეს] თავიანთ თანამოზიარეებს შორის [ვისაც თაყვანს სცემდნენ] მფარველები და შუამდგომლები [ცრუ ღვთაებები ვერ დაიცავენ მათ]. და [თავად იმ] თანამოზიარეებს [მრავალღმერთიანებს], რომლებიც მათ თაყვანს სცემდნენ, [ეს ცრუ ღვთაებები] უარყოფენ [და მათგან განუდგებიან].

وَيَوۡمَ تَقُومُ ٱلسَّاعَةُ يَوۡمَئِذٖ يَتَفَرَّقُونَ﴿١٤﴾

14და იმ დღეს, როცა დადგება საათი [სასამართლო დღე], ისინი [მორწმუნენიც და ურწმუნონიც] განცალკევდებიან [(ანგარიშის შემდეგ): ერთნი მიემართებიან სამოთხისკენ, ხოლო მეორენი — ჯოჯოხეთისკენ].

فَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَهُمۡ فِي رَوۡضَةٖ يُحۡبَرُونَ﴿١٥﴾

15ხოლო რაც შეეხება მათ, ვინც ირწმუნა და აკეთებდა კეთილ საქმეებს [ასრულებდა იმას, რასაც ალლაჰი უბრძანა, და თავს იკავებდა იმისგან, რასაც მან აუკრძალა], ისინი სამოთხის ბაღებში ნეტარ იქნებიან.

وَأَمَّا ٱلَّذِينَ كَفَرُواْ وَكَذَّبُواْ بِـَٔايَٰتِنَا وَلِقَآيِٕ ٱلۡأٓخِرَةِ فَأُوْلَٰٓئِكَ فِي ٱلۡعَذَابِ مُحۡضَرُونَ﴿١٦﴾

16ხოლო რაც შეეხება მათ, ვინც არ ირწმუნეს და უარყვეს ჩვენი ნიშნები და შეხვედრა მარადიულ ცხოვრებაში [არ ირწმუნეს სასჯელის დღე, ჯოჯოხეთი და სამოთხე], ისინი [ასეთნი] ჩაყრილნი იქნებიან [ანგელოზების მიერ] მარადიულ სატანჯველში [ჯოჯოხეთში].

فَسُبۡحَٰنَ ٱللَّهِ حِينَ تُمۡسُونَ وَحِينَ تُصۡبِحُونَ﴿١٧﴾

17ამგვარად [ადიდეთ თქვენი უფალი], თქვით: დიდებულია ალლაჰი! [იგი წმინდაა ყოველგვარი ნაკლისგან და აღმატებულია ყოველივეზე] როცა თქვენზე საღამო ჩამოეფინება და როცა გაგითენდებათ [განთიადისას].

وَلَهُ ٱلۡحَمۡدُ فِي ٱلسَّمَٰوَٰتِ وَٱلۡأَرۡضِ وَعَشِيّٗا وَحِينَ تُظۡهِرُونَ﴿١٨﴾

18მისია დიდება და ქება ცათა სივრცეშიც და მიწაზეც, ღამითაც[ანუ ასრის ლოცვის დროს ადიდეთ და აქეთ ალლაჰი] და მაშინაც, როცა თქვენზე შუადღე დადგება!

يُخۡرِجُ ٱلۡحَيَّ مِنَ ٱلۡمَيِّتِ وَيُخۡرِجُ ٱلۡمَيِّتَ مِنَ ٱلۡحَيِّ وَيُحۡيِ ٱلۡأَرۡضَ بَعۡدَ مَوۡتِهَاۚ وَكَذَٰلِكَ تُخۡرَجُونَ﴿١٩﴾

19მას [ალლაჰს] გამოჰყავს ცოცხალი მკვდარიდან [ადამი წვეთიდან, ფრინველი კვერცხიდან, მცენარე თესლიდან] და გამოჰყავს მკვდარი ცოცხლიდან [თესლი ადამიანიდან, კვერცხი ფრინველიდან]. და ის აცოცხლებს მიწას მას შემდეგ, რაც იგი უსიცოცხლო გახდება [წვიმით და მცენარეებით აცოცხლებს და ამშვენებს მას]. სწორედ ასე, [ამგვარი გაცოცხლებით] თქვენც აღგადგენენ თქვენი სამარხებიდან აღდგომის დღეს!

وَمِنۡ ءَايَٰتِهِۦٓ أَنۡ خَلَقَكُم مِّن تُرَابٖ ثُمَّ إِذَآ أَنتُم بَشَرٞ تَنتَشِرُونَ﴿٢٠﴾

20და მის სასწაულებს შორის არის ის, რომ მან შეგქმნათ თქვენ [თქვენი წინაპარი ადამი] მიწისგან. შემდეგ, როცა ადამიანები [თაობიდან თაობამდე] გახდით მოდგმა, თქვენ მიმოიფანტეთ მიწაზე [ალლაჰის წყალობის ძიებაში].

وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجٗا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةٗ وَرَحۡمَةًۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ﴿٢١﴾

21და მის სასწაულებს შორის არის ის, რომ თქვენთვის [ო, მამაკაცნო] თქვენივე არსებიდან [ადამიანთა მოდგმიდან] შექმნა წყვილი [ქალი], რათა სიმშვიდე ჰპოვოთ მათთან. და დაამკვიდრა თქვენს შორის სიყვარული და გულმოწყალება. ჭეშმარიტად, ამაში არის ნიშნები [ნათელი მტკიცება და შეგონება] მათთვის, ვინც ფიქრობს [მსჯელობს]!

وَمِنۡ ءَايَٰتِهِۦ خَلۡقُ ٱلسَّمَٰوَٰتِ وَٱلۡأَرۡضِ وَٱخۡتِلَٰفُ أَلۡسِنَتِكُمۡ وَأَلۡوَٰنِكُمۡۚ إِنَّ فِي ذَٰلِكَ لَأٓيَٰتٖ لِّلۡعَٰلِمِينَ﴿٢٢﴾

22და მის სასწაულებს შორისაა ცათა [უსაზღვრო სამყაროს, ვარსკვლავთა და პლანეტათა სიმრავლის] და მიწის [სიცოცხლისათვის ასე სრულად მოწყობილი] შექმნა, ასევე თქვენი ენების სხვადასხვაობა [რომლითაც საუბრობთ] და თქვენი ფერების [კანის] მრავალფეროვნება. ჭეშმარიტად, ამაში უდავოდ არის ნიშნები [სასწაულები] მცოდნეთათვის.

وَمِنۡ ءَايَٰتِهِۦ مَنَامُكُم بِٱلَّيۡلِ وَٱلنَّهَارِ وَٱبۡتِغَآؤُكُم مِّن فَضۡلِهِۦٓۚ إِنَّ فِي ذَٰلِكَ لَأٓيَٰتٖ لِّقَوۡمٖ يَسۡمَعُونَ﴿٢٣﴾

23და (ასევე) მის სასწაულებს შორისაა თქვენი ძილი ღამითაც და დღითაც [როცა ძალას იკრებთ] და თქვენი შრომა, რომ მოიძიოთ ის წყალობანი, რასაც იგი გასცემს. ჭეშმარიტად, ამაში უდავოდ არის სასწაულები მათთვის, ვინც ისმენს [იღებს შეგონებას].

وَمِنۡ ءَايَٰتِهِۦ يُرِيكُمُ ٱلۡبَرۡقَ خَوۡفٗا وَطَمَعٗا وَيُنَزِّلُ مِنَ ٱلسَّمَآءِ مَآءٗ فَيُحۡيِۦ بِهِ ٱلۡأَرۡضَ بَعۡدَ مَوۡتِهَآۚ إِنَّ فِي ذَٰلِكَ لَأٓيَٰتٖ لِّقَوۡمٖ يَعۡقِلُونَ﴿٢٤﴾

24და მის ნიშნებს შორისაა ისიც, რომ ის გაჩვენებთ ელვას [და თქვენ ხედავთ მას] შიშითაც [მეხის დაცემის შიში] და იმედითაც [რომ ნოყიერი წვიმა მოიტანოს]. და იგი ციდან წყალს [წვიმას] გადმოავლენს და მისით აცოცხლებს მიწას მას შემდეგ, რაც იგი უსიცოცხლო იყო. ჭეშმარიტად, ამაში უდავოდ არის სასწაულები მოაზროვნე ხალხთათვის.

وَمِنۡ ءَايَٰتِهِۦٓ أَن تَقُومَ ٱلسَّمَآءُ وَٱلۡأَرۡضُ بِأَمۡرِهِۦۚ ثُمَّ إِذَا دَعَاكُمۡ دَعۡوَةٗ مِّنَ ٱلۡأَرۡضِ إِذَآ أَنتُمۡ تَخۡرُجُونَ﴿٢٥﴾

25მისი სასწავლებიდანაა ის, რომ ცა და მიწა დგანან მისი ბრძანებით. შემდეგ კი, როცა ის მოგიხმობთ მიწიდან ძახილით, მაშინვე გამოხვალთ [სასაფლაოებიდან] [გაცოცხლებულნი]

وَلَهُۥ مَن فِي ٱلسَّمَٰوَٰتِ وَٱلۡأَرۡضِۖ كُلّٞ لَّهُۥ قَٰنِتُونَ﴿٢٦﴾

26მას [ალლაჰს] ეკუთვნის ის, რაც ცაშია და მიწაზე. ყველანი მორჩილნი არიან მისი.[ურწმუნონიც კი მორჩილნი არიან ალლაჰისა იმ განმარტებით, რომ სიცოცხლე და სიკვდილი, დაღლილობა და დასვენება, სიკვდილის შემდეგ გაცოცხლება ... ეს ყველაფერი ადამიანის არჩევით არ არის, პირიქით მის ორგანიზმზე ალლაჰის ნება მოქმედებს].

وَهُوَ ٱلَّذِي يَبۡدَؤُاْ ٱلۡخَلۡقَ ثُمَّ يُعِيدُهُۥ وَهُوَ أَهۡوَنُ عَلَيۡهِۚ وَلَهُ ٱلۡمَثَلُ ٱلۡأَعۡلَىٰ فِي ٱلسَّمَٰوَٰتِ وَٱلۡأَرۡضِۚ وَهُوَ ٱلۡعَزِيزُ ٱلۡحَكِيمُ﴿٢٧﴾

27ის არის, ვინც იწყებს შექმნას, შემდეგ კი მას კვლავ აღადგენს [აღდგომის დღეს]. და ეს მისთვის [ალლაჰისთვის] კიდევ უფრო ადვილია. მას ეკუთვნის უმაღლესი აღწერა [სრულყოფილება] ცასა და მიწაზე. ის ყოვლისშემძლე, ყოვლადბრძენია

ضَرَبَ لَكُم مَّثَلٗا مِّنۡ أَنفُسِكُمۡۖ هَل لَّكُم مِّن مَّا مَلَكَتۡ أَيۡمَٰنُكُم مِّن شُرَكَآءَ فِي مَا رَزَقۡنَٰكُمۡ فَأَنتُمۡ فِيهِ سَوَآءٞ تَخَافُونَهُمۡ كَخِيفَتِكُمۡ أَنفُسَكُمۡۚ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَعۡقِلُونَ﴿٢٨﴾

28მან მაგალითი მოგიყვანათ[კერპთაყვანისმცემლებო] თქვენივე თავებიდანვე: ნუთუ გყავთ ისინი, ვისაც თქვენი მარჯვენა ფლობს [თქვენი მონები], თანამონაწილედ იმაში, რაც ჩვენ გიბოძეთ, ისე რომ თქვენ თანასწორუფლებიანნი იყოთ მათთან? და გეშინიათ მათი[თქვენი მონებისა] ისე, როგორც გეშინიათ საკუთარი თავებისა[ერთმანეთისა ქონების გაყოფაში]?! [როგორც თქვენ არ გყავთ მონაწილე თქვენს ქონებაში და ცოლშვილში, ამგვარად ალლაჰსაც არ ჰყავს მონაწილე თავის მფლობელობაში]ამგვარად ვხსნით სასწაულებს მოაზროვნე ხალხისთვის

بَلِ ٱتَّبَعَ ٱلَّذِينَ ظَلَمُوٓاْ أَهۡوَآءَهُم بِغَيۡرِ عِلۡمٖۖ فَمَن يَهۡدِي مَنۡ أَضَلَّ ٱللَّهُۖ وَمَا لَهُم مِّن نَّٰصِرِينَ﴿٢٩﴾

29პირიქით, ისინი, ვინც უსამართლონი არიან [მრავალღმერთიანნი], მიჰყვნენ საკუთარ ვნებებს ცოდნის გარეშე, ხოლო ვისაც ალლაჰი გზას ააცდენს, ვინ დაადგენს მას სწორ გზაზე?! და მათ არ ეყოლებათ დამხმარენი

فَأَقِمۡ وَجۡهَكَ لِلدِّينِ حَنِيفٗاۚ فِطۡرَتَ ٱللَّهِ ٱلَّتِي فَطَرَ ٱلنَّاسَ عَلَيۡهَاۚ لَا تَبۡدِيلَ لِخَلۡقِ ٱللَّهِۚ ذَٰلِكَ ٱلدِّينُ ٱلۡقَيِّمُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ﴿٣٠﴾

30მიმართე შენი სახე [მხოლოდ] ჭეშმარიტ სარწმუნოებას [დაემორჩილე მხოლოდ მას], [იყავი] ჰანიფი [ერთღმერთიანი], [რაც შეესაბამება] მოწყობას/ბუნებას [ადამიანისა], რომლითაც ალლაჰმა შექმნა ხალხი თავიდანვე [შექმნა ადამიანი მიდრეკილი ჭეშმარიტი სარწმუნოებისკენ და მისი სრული მორჩილებისკენ]. არ შეიძლება ალლაჰის ქმნილების შეცვლა [ნუ შეცვლით ერთღმერთობას მრავალღმერთობით]. ეს [ერთღმერთობა და ალლაჰის კანონის შესრულება] არის სწორი [მართალი] სარწმუნოება, მაგრამ ხალხთა უმეტესობა ამას ვერ ხვდება [არ იცის]

۞ مُنِيبِينَ إِلَيۡهِ وَٱتَّقُوهُ وَأَقِيمُواْ ٱلصَّلَوٰةَ وَلَا تَكُونُواْ مِنَ ٱلۡمُشۡرِكِينَ﴿٣١﴾

31მიმართეთ მას [მონანებით] და ერიდეთ მას [მის სასჯელს] [შეასრულეთ ის, რაც მან გიბრძანათ და გაშორდით იმას, რაც მან აგიკრძალათ], აღასრულეთ ლოცვა [სწორად] [დროის დაცვით, უფლის წინაშე სიმდაბლით და სულით მინდობილი] და ნუ იქნებით მრავალღმერთიანთაგან

مِنَ ٱلَّذِينَ فَرَّقُواْ دِينَهُمۡ وَكَانُواْ شِيَعٗاۖ كُلُّ حِزۡبِۭ بِمَا لَدَيۡهِمۡ فَرِحُونَ﴿٣٢﴾

32იმათგან, ვინც დაანაწევრეს თავიანთი სარწმუნოება [შეცვალეს იგი] და იქცნენ დაჯგუფებებად. ყოველი დაჯგუფება ხარობს იმით, რაც მასთანაა [თვლის, რომ მხოლოდ ისინი არიან ჭეშმარიტებაზე, ხოლო სხვანი — შეცდომაში].

وَإِذَا مَسَّ ٱلنَّاسَ ضُرّٞ دَعَوۡاْ رَبَّهُم مُّنِيبِينَ إِلَيۡهِ ثُمَّ إِذَآ أَذَاقَهُم مِّنۡهُ رَحۡمَةً إِذَا فَرِيقٞ مِّنۡهُم بِرَبِّهِمۡ يُشۡرِكُونَ﴿٣٣﴾

33და როცა ხალხს უბედურება შეეხებათ [სიძნელე ან ზარალი], ისინი მიმართავენ თავიანთ უფალს და მხოლოდ მას ევედრებიან [ტოვებენ სხვას, ვისაც ადრე თაყვანს სცემდნენ]. ხოლო როცა იგი დააგემოვნებინებს თავის წყალობას [ბედს შეუმსუბუქებს, უბედურებას მოაცილებს და სიკეთეს აძლევს], — მაშინვე მათგან ნაწილი თავის უფალს თანამოზიარეს უჩენს [კვლავ უბრუნდება მრავალღმერთიანობას და ევედრება სხვას ალლაჰის გარდა].

لِيَكۡفُرُواْ بِمَآ ءَاتَيۡنَٰهُمۡۚ فَتَمَتَّعُواْ فَسَوۡفَ تَعۡلَمُونَ﴿٣٤﴾

34რათა უგულვებელყონ და უმადურობა გამოხატონ იმ წყალობის მიმართ, რაც ჩვენ ვარგუნეთ მათ. ისარგებლეთ (ო, მრავალღმერთიანებო) [ამ წუთისოფლის სიამოვნებით], მაგრამ მერე თავად შეიტყობთ [რა სასჯელი დაგეწევათ]!

أَمۡ أَنزَلۡنَا عَلَيۡهِمۡ سُلۡطَٰنٗا فَهُوَ يَتَكَلَّمُ بِمَا كَانُواْ بِهِۦ يُشۡرِكُونَ﴿٣٥﴾

35ან ნუთუ ჩვენ მივგზავნეთ მათ [მრავალღმერთიანებს] რაიმე მტკიცებულება [საბუთი და გამართლება], რომელიც აუწყებდა მათ იმას, რომ ნებადართულია ალლაჰს სხვა შეადარონ [თანამოზიარებად მიიჩნიონ]?

وَإِذَآ أَذَقۡنَا ٱلنَّاسَ رَحۡمَةٗ فَرِحُواْ بِهَاۖ وَإِن تُصِبۡهُمۡ سَيِّئَةُۢ بِمَا قَدَّمَتۡ أَيۡدِيهِمۡ إِذَا هُمۡ يَقۡنَطُونَ﴿٣٦﴾

36და როცა ჩვენ ვაგემოვნებინებთ ადამიანებს [უმეტესობას] ჩვენს წყალობას [ჯანმრთელობას, მშვიდ ცხოვრებას, ნაყოფიერებას...], ისინი ხარობენ მასზე ამპარტავნულად [მადლიერების ნაცვლად]. ხოლო თუ უბედურება შეემთხვევათ [დაავადება, სიღარიბე, შიში] იმ ყველაფრის გამო, რაც მათმა ხელებმა მოიმოქმედეს [ცოდვების გამო], — მაშინვე სასოწარკვეთილნი ხდებიან [ალლაჰის წყალობის მიმართ]!

أَوَلَمۡ يَرَوۡاْ أَنَّ ٱللَّهَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ﴿٣٧﴾

37ნუთუ ვერ ხედავენ, რომ ალლაჰი ვისაც ისურვებს თავის მსახურთაგან, იმას ფართო საზრდოს აძლევს, ხოლო ვისაც ისურვებს უზღუდავს? ჭეშმარიტად, ამაში [საზრდოს გაფართოებასა და შეზღუდვაში] უდავოდ არის სააწაული მორწმუნეთათვის [ვინც იცნობს ალლაჰის სიბრძნესა და წყალობას]!

فَـَٔاتِ ذَا ٱلۡقُرۡبَىٰ حَقَّهُۥ وَٱلۡمِسۡكِينَ وَٱبۡنَ ٱلسَّبِيلِۚ ذَٰلِكَ خَيۡرٞ لِّلَّذِينَ يُرِيدُونَ وَجۡهَ ٱللَّهِۖ وَأُوْلَٰٓئِكَ هُمُ ٱلۡمُفۡلِحُونَ﴿٣٨﴾

38მაშ, მიეცი, [მორწმუნეო] ნათესავს მისი უფლება [შეინარჩუნე მასთან ნათესაური კავშირი, გაუწიე დახმარება], ასევე მიეცი ღარიბს და მგზავრს [ვინც გზაში გამოლეულია]. ეს უმჯობესი საქმეა მათთვის, ვისაც [თავისი კეთილი ქმედებებით] ალლაჰის სახე [ხილვა] სურს. და სწორედ ასეთნი არიან ნეტარნი [ამ ქვეყანაშიც და მარადიულ ცხოვრებაშიც].

وَمَآ ءَاتَيۡتُم مِّن رِّبٗا لِّيَرۡبُوَاْ فِيٓ أَمۡوَٰلِ ٱلنَّاسِ فَلَا يَرۡبُواْ عِندَ ٱللَّهِۖ وَمَآ ءَاتَيۡتُم مِّن زَكَوٰةٖ تُرِيدُونَ وَجۡهَ ٱللَّهِ فَأُوْلَٰٓئِكَ هُمُ ٱلۡمُضۡعِفُونَ﴿٣٩﴾

39და ის, რასაც თქვენ გაასესხებთ [გააპროცენტებთ] იმისთვის, რომ გამრავლდეს [რომ სარგებელი მოგიტანოთ, იქნება ეს საპროცენტი სესხი ან თუნდაც საჩუქარი], — ალლაჰთან იგი არ გამრავლდება. ხოლო ის, რასაც თქვენ იძლევით ზაქათიდან, ალლაჰის სახის [მისი კეთილგანწყობისა და ხსნის] სურვილით, — სწორედ ისინი არიან, ვინც მართლა ამრავლებენ [საკუთარ ქონებას და ჯილდოს].

ٱللَّهُ ٱلَّذِي خَلَقَكُمۡ ثُمَّ رَزَقَكُمۡ ثُمَّ يُمِيتُكُمۡ ثُمَّ يُحۡيِيكُمۡۖ هَلۡ مِن شُرَكَآئِكُم مَّن يَفۡعَلُ مِن ذَٰلِكُم مِّن شَيۡءٖۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ﴿٤٠﴾

40ალლაჰია ის, ვინც შეგქმნათ თქვენ [ადამიანნო] შემდეგ გამოგკვებათ, მერე მოგაკვდინებთ და კვლავაც გაგაცოცხლებთ [აღგადგენთ აღდგომის დღეს ანგარიშისა და საზღაურისათვის]. ნუთუ თქვენს თანამოზიარებში [ვისაც თაყვანს სცემთ ალლაჰის გარდა] არის ვინმე, ვინც ამ საქმეებიდან რამეს გააკეთებს თქვენთვის? დიდებულია იგი და აღმატებულია იმაზე, რასაც ისინი [მრავალღმერთიანები] თანაზიარებად უდგენენ!

ظَهَرَ ٱلۡفَسَادُ فِي ٱلۡبَرِّ وَٱلۡبَحۡرِ بِمَا كَسَبَتۡ أَيۡدِي ٱلنَّاسِ لِيُذِيقَهُم بَعۡضَ ٱلَّذِي عَمِلُواْ لَعَلَّهُمۡ يَرۡجِعُونَ﴿٤١﴾

41მიწაზე და ზღვაზე გაჩნდა არეულობა [გვალვა, სენები და ავადმყოფობანი] იმის გამო, რაც ადამიანთა ხელებმა მოიმოქმედეს [მათ ცოდვათა გამო]. რათა აგემოვნებინოთ მათ მცირე ნაწილი იმიდან, რასაც თავადვე სჩადიოდნენ, რათა [გონს მოეგონ, მოინანიონ და] დაუბრუნდნენ ალლაჰის მორჩილებას!

قُلۡ سِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلُۚ كَانَ أَكۡثَرُهُم مُّشۡرِكِينَ﴿٤٢﴾

42თქვი: [ო, მუჰამმად, (ურწმუნოებს)]: მოიარეთ მიწა და შეხედეთ, როგორი დასასრული ეწიათ მათ, ვინც თქვენამდე იყო [ნუჰის ხალხი, ადი, სამუდი და სხვანი]! უმეტესობა მათგანი მრავალღმერთიანი იყო [და სწორედ მათი ურწმუნოებისა და მრავალღმერთიანობის გამო დაღუპულნი იქნენ].

فَأَقِمۡ وَجۡهَكَ لِلدِّينِ ٱلۡقَيِّمِ مِن قَبۡلِ أَن يَأۡتِيَ يَوۡمٞ لَّا مَرَدَّ لَهُۥ مِنَ ٱللَّهِۖ يَوۡمَئِذٖ يَصَّدَّعُونَ﴿٤٣﴾

43და მიმართე შენი სახე [გული და მთელი არსება] მხოლოდ ჭეშმარიტ სარწმუნოებას, სანამ დადგება ის დღე [სასამართლოს დღე], რომელსაც არ ჰყავს გამბრუნებელი ალლაჰისაგან [ვერავინ ვერ შეაჩერებს მის მოსვლას]. იმ დღეს [ადამიანები] გაიყოფიან (ორ ბანაკად).

مَن كَفَرَ فَعَلَيۡهِ كُفۡرُهُۥۖ وَمَنۡ عَمِلَ صَٰلِحٗا فَلِأَنفُسِهِمۡ يَمۡهَدُونَ﴿٤٤﴾

44ვინც ურწმუნო გახდა — მის წინააღმდეგვე შემოუტრიალდება მისი ურწმუნოება. ხოლო ვინც კეთილ საქმეს სჩადიოდა, მათ მოიმზადეს თავიანთთვის სამყოფელი სამოთხეში.

لِيَجۡزِيَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ مِن فَضۡلِهِۦٓۚ إِنَّهُۥ لَا يُحِبُّ ٱلۡكَٰفِرِينَ﴿٤٥﴾

45(ეს მოხდება იმისათვის,) რომ ალლაჰმა დააჯილდოს ისინი, ვინც ირწმუნეს და კეთილ საქმეებს სჩადიოდნენ, თავისი უდიდესი წყალობითა [გაუზარდოს მათ საზღაური იმაზე მეტით, ვიდრე თავად მოიმოქმედეს]. ჭეშმარიტად, ალლაჰს არ უყვარს ურწმუნონი!

وَمِنۡ ءَايَٰتِهِۦٓ أَن يُرۡسِلَ ٱلرِّيَاحَ مُبَشِّرَٰتٖ وَلِيُذِيقَكُم مِّن رَّحۡمَتِهِۦ وَلِتَجۡرِيَ ٱلۡفُلۡكُ بِأَمۡرِهِۦ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ﴿٤٦﴾

46და მისი ნიშნებიდანაა ისიც, რომ ალლაჰი [წვიმამდე] გზავნის ქარებს [ღრუბლიან ტალღებს მიაქროლებენ] კეთილი უწყების მახარობლად, რათა აგემოვნებინოთ მისი წყალობა [წვიმის სახით, რომელიც აცოცხლებს მიწას მცენარეებით]; რათა ხომალდები მის ბრძანებას დაემორჩილონ და ზღვებზე დაიარონ; რათა თქვენ იპოვოთ საზრდო მისი უდიდესი წყალობიდან და რათა ეგების მადლიერნი იყოთ [მის მიერ ბოძებული ამ სიკეთეებისათვის].

وَلَقَدۡ أَرۡسَلۡنَا مِن قَبۡلِكَ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَٱنتَقَمۡنَا مِنَ ٱلَّذِينَ أَجۡرَمُواْۖ وَكَانَ حَقًّا عَلَيۡنَا نَصۡرُ ٱلۡمُؤۡمِنِينَ﴿٤٧﴾

47ჩვენ უკვე წარმოვგზავნეთ შენამდე (ო, მუჰამმად) (წინამორბედი) მოციქულნი თავიანთ ხალხებთან. ისინი მოდიოდნენ მათთან ნათელი ნიშნებით (ალლაჰისგან) [სასწაულებითა და მტკიცებულებებით] (და მოუწოდებდნენ ერთღმერთიანობისკენ). (მაგრამ ბევრმა მათგანმა არ ირწმუნეს) და ჩვენ შური ვიძიეთეთ მათზე, რომლებმაც არ ირწმუნეს (იმით, რომ დავღუპეთ ისინი). და ჩვენზეა (ვალდებულებაა), დახმარება მორწმუნეთათვის (ვინც მოციქულებს მიჰყვნენ).

ٱللَّهُ ٱلَّذِي يُرۡسِلُ ٱلرِّيَٰحَ فَتُثِيرُ سَحَابٗا فَيَبۡسُطُهُۥ فِي ٱلسَّمَآءِ كَيۡفَ يَشَآءُ وَيَجۡعَلُهُۥ كِسَفٗا فَتَرَى ٱلۡوَدۡقَ يَخۡرُجُ مِنۡ خِلَٰلِهِۦۖ فَإِذَآ أَصَابَ بِهِۦ مَن يَشَآءُ مِنۡ عِبَادِهِۦٓ إِذَا هُمۡ يَسۡتَبۡشِرُونَ﴿٤٨﴾

48ალლაჰია ვინც გზავნის ქარებს[და არა სხვა ვინმე], (რომლებიც) შემდეგ აღამაღლებენ [ამოძრავებენ] ღრუბლებს. იგი განფენს [გაავრცელებს] მათ [ღრუბლებს] ცაზე, როგორც ის ინებებს, და აქცევს მათ ნაწილებად. და შენ ხედავ, როგორ გამოდის წვიმის წვეთები ღრუბლებიდან. ხოლო როცა იგი უგზავნის მას [წვიმას] თავის მსახურთაგან იმას, ვისაც ისურვებს, – მაშინ, ისინი ხარობენ.

وَإِن كَانُواْ مِن قَبۡلِ أَن يُنَزَّلَ عَلَيۡهِم مِّن قَبۡلِهِۦ لَمُبۡلِسِينَ﴿٤٩﴾

49თუმცა მანამდე, ვიდრე ეს მათზე მოივლინებოდა [მანამდე, ვიდრე წვიმა გადმოვიდოდა], ისინი სასოწარკვეთილნი იყვნენ.

فَٱنظُرۡ إِلَىٰٓ ءَاثَٰرِ رَحۡمَتِ ٱللَّهِ كَيۡفَ يُحۡيِ ٱلۡأَرۡضَ بَعۡدَ مَوۡتِهَآۚ إِنَّ ذَٰلِكَ لَمُحۡيِ ٱلۡمَوۡتَىٰۖ وَهُوَ عَلَىٰ كُلِّ شَيۡءٖ قَدِيرٞ﴿٥٠﴾

50და შეხედე (ო, ადამიანო) ალლაჰის წყალობის კვალს [იმას, რაც წვიმის შემდეგ ხდება]: როგორ აცოცხლებს მას [მიწას] (მცენარეთა ამოყვანით) მისი უსიცოცხლობის შემდეგ! ჭეშმარიტად, ის [ალლაჰი, ვინც აცოცხლებს მიწას] აცოცხლებს მკვდრებსაც (აღდგომის დღეს), და იგი ყოვლისშემძლეა!

وَلَئِنۡ أَرۡسَلۡنَا رِيحٗا فَرَأَوۡهُ مُصۡفَرّٗا لَّظَلُّواْ مِنۢ بَعۡدِهِۦ يَكۡفُرُونَ﴿٥١﴾

51და თუ ჩვენ გავაგზავნით ქარს (მავნებელს მათი ნათესებისთვის), და ისინი დაინახავენ ამას [თავიანთ ნათესებს] გაყვითლებულად [გამხმარად], (მაშინ) ისინი, უეჭველად, ამის შემდეგ უმადურები აღმოჩნდებიან (იმ წყალობების მიმართ, რაც მანამდე ალლაჰმა უბოძა).

فَإِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ﴿٥٢﴾

52ვინაიდან, ჭეშმარიტად, შენ (ო, წინასწარმეტყველო) ვერ შეასმენ მკვდრებს, და ვერ შეასმენ ყრუებს ძახილს[ხმას], როცა ისინი ზურგს აქცევენ [ვერ შემოაბრუნებ მათ ჭეშმარიტებისაკენ].

وَمَآ أَنتَ بِهَٰدِ ٱلۡعُمۡيِ عَن ضَلَٰلَتِهِمۡۖ إِن تُسۡمِعُ إِلَّا مَن يُؤۡمِنُ بِـَٔايَٰتِنَا فَهُم مُّسۡلِمُونَ﴿٥٣﴾

53და შენ (ო, წინასწარმეტყველო) არ ხარ ის, [ვინც შეძლებს] ბრმების თავიანთ გზააბნეულობიდან გამოყვანას. შენ შეძლებ ალლაჰის სიტყვა გააგონო მხოლოდ მათ, ვინც ირწმუნებს ჩვენს ნიშნებს და (ამასთანავე) (არის) სრულად მინდობილი (ალლაჰს).

۞ ٱللَّهُ ٱلَّذِي خَلَقَكُم مِّن ضَعۡفٖ ثُمَّ جَعَلَ مِنۢ بَعۡدِ ضَعۡفٖ قُوَّةٗ ثُمَّ جَعَلَ مِنۢ بَعۡدِ قُوَّةٖ ضَعۡفٗا وَشَيۡبَةٗۚ يَخۡلُقُ مَا يَشَآءُۚ وَهُوَ ٱلۡعَلِيمُ ٱلۡقَدِيرُ﴿٥٤﴾

54ალლაჰია ის, ვინც შეგქმნათ თქვენ სისუსტიდან [სპერმის წვეთისგან], შემდეგ სისუსტის (ბავშვობის) შემდეგ მოგანიჭათ ძალა (სრულწლოვნობისა), მერე კი ძალის შემდეგ გაძლევთ სისუსტეს [მოხუცებულობას] და ჭაღარას. ის ქმნის, რასაც ინებებს. და ის არის ყოვლისმცოდნე, ყოვლისშემძლე!

وَيَوۡمَ تَقُومُ ٱلسَّاعَةُ يُقۡسِمُ ٱلۡمُجۡرِمُونَ مَا لَبِثُواْ غَيۡرَ سَاعَةٖۚ كَذَٰلِكَ كَانُواْ يُؤۡفَكُونَ﴿٥٥﴾

55იმ დღეს, როცა დადგება საათი [სასამართლოს დღე] (და ალლაჰი აღადგენს თავის ქმნილებებს), ბოროტმოქმედნი [ურწმუნოები] დაიფიცებენ, რომ მათ (სამარხებში) ერთი საათიც არ დაუყოვნებიათ [ძალიან მოკლედ მოეჩვენებათ საფლავებში გატარებული დრო]. სწორედ ასე იყვნენ ისინი გადახრილნი (ჭეშმარიტებისგან) (მიწიერ ცხოვრებაში)!

وَقَالَ ٱلَّذِينَ أُوتُواْ ٱلۡعِلۡمَ وَٱلۡإِيمَٰنَ لَقَدۡ لَبِثۡتُمۡ فِي كِتَٰبِ ٱللَّهِ إِلَىٰ يَوۡمِ ٱلۡبَعۡثِۖ فَهَٰذَا يَوۡمُ ٱلۡبَعۡثِ وَلَٰكِنَّكُمۡ كُنتُمۡ لَا تَعۡلَمُونَ﴿٥٦﴾

56და ეტყვიან ისინი, ვისაც ნაბოძები ჰქონდათ ცოდნა და რწმენა [ანგელოზები და წინასწარმეტყველნი]: თქვენ იყავით (თქვენს სამარხებში) (შესაბამისად) ალლაჰის განგებისა აღდგომის დღემდე. აი – ეს არის აღდგომის დღე, მაგრამ თქვენ (მიწიერ ცხოვრებაში) არ იცოდით (იმის შესახებ, რომ ის ნამდვილად დადგებოდა).

فَيَوۡمَئِذٖ لَّا يَنفَعُ ٱلَّذِينَ ظَلَمُواْ مَعۡذِرَتُهُمۡ وَلَا هُمۡ يُسۡتَعۡتَبُونَ﴿٥٧﴾

57და იმ დღეს არ შეეწევათ მათ, ვინც უსამართლობას სჩადიოდა, მათი მტკიცება (გამართლება), და არც მოეთხოვებათ მათ რაიმე მონანიება[და ალლაჰის დაკმაყოფილება].

وَلَقَدۡ ضَرَبۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖۚ وَلَئِن جِئۡتَهُم بِـَٔايَةٖ لَّيَقُولَنَّ ٱلَّذِينَ كَفَرُوٓاْ إِنۡ أَنتُمۡ إِلَّا مُبۡطِلُونَ﴿٥٨﴾

58და აჰა, ჩვენ უკვე მოვუყვანეთ ადამიანებს ამ ყურანში ყველანაირი მაგალითი. და თუ შენ (ო, წინასწარმეტყველო) მათ [ხალხს] მიუახლოვდები (რომელიმე) ნიშნით [დამამტკიცებელი საბუთით] (რომლითაც დადასტურდება, რომ ჭეშმარიტებას ქადაგებ), უეჭველად იტყვიან ისინი, ვინც ურწმუნონი გახდა: "თქვენ მხოლოდ სიცრუის მიმდევარნი ხართ!"

كَذَٰلِكَ يَطۡبَعُ ٱللَّهُ عَلَىٰ قُلُوبِ ٱلَّذِينَ لَا يَعۡلَمُونَ﴿٥٩﴾

59ასე დალუქავს ალლაჰი იმათ გულებს, რომელთაც არ იციან (რომ ის ნიშნები და შეგონებები, რითაც შენ მათთან ალლაჰისგან მოსული ხარ, არის ჭეშმარიტება)!

فَٱصۡبِرۡ إِنَّ وَعۡدَ ٱللَّهِ حَقّٞۖ وَلَا يَسۡتَخِفَّنَّكَ ٱلَّذِينَ لَا يُوقِنُونَ﴿٦٠﴾

60და მოითმინე (ო, წინასწარმეტყველო) (ის წყენა, რასაც შენი ხალხი გაყენებს), ვინაიდან, ჭეშმარიტად, ალლაჰის აღთქმა (იმის შესახებ, რომ შენ დაგეხმარება და დაგაჯილდოებს) ჭეშმარიტებაა (და ამაში ეჭვი არ არის). და ნუ დაგასუსტებენ ისინი, ვინც არ არიან დარწმუნებულნი (აღდგომაში,და არ გამოვიყვანონ მოთმინებიდან)!

← Al-'AnkabutLuqman→

RELATED SURAHS

13

Ar-Ra'd

The Thunder

41

Fussilat

Explained in Detail

44

Ad-Dukhan

The Smoke

1

Al-Fatiha

The Opening

Browse all 114 surahs