Al-A'la

¹Ka tsarkake sũnan Ubangijinka Mafi ɗaukaka.

²Wanda Yã yi halitta sa'an nan Ya daidaita abin halittar.

³Kuma Wanda Ya ƙaddara (abin da Ya so) sannan Ya shiryar, (da mutum ga hanyar alhẽri da ta sharri).

⁴Kuma Wanda Ya fitar da makiyãyã.

⁵Sa'an nan Ya mayar da ita ƙeƙasassa, baƙa.

⁶Za mu karantar da kai (Alƙur'ãni) sabõda haka bã zã ka mantã (shi) ba.

⁷Fãce abin da Allah Ya so, lalle ne Shi (Allah) Ya san bayyane da abin da yake bõye.

⁸Kuma za Mu sauƙaƙe maka (al'amari) zuwa ga (Shari'a) mai sauƙi.

⁹Sabõda baka, ka tunãtar, idan tunatarwa zã ta yi amfãni.

¹⁰Wanda yake tsõron (Allah) Zai tuna.

¹¹Kuma shaƙiyyi, zai nisanceta,

¹²Wanda zai shiga wutar da tã fi girma.

¹³Sa'an nan bã zai mutu ba a cikinta, kuma bã zai rãyu ba.

¹⁴Lalle ne wanda ya tsarkaka (da ĩmãni) yã sãmu babban rabo.

¹⁵Kuma ya ambaci sũnan[1] Ubangijinsa, sa'an nan yã yi salla.

¹⁶Ba haka ba! Kunã zãɓin rãyuwa ta kusa dũniya.[1]

¹⁷Alhãli Lãhira ita ce mafi alheri kuma mafi wanzuwa.

¹⁸Lalle ne, wannan[1] yanã a cikin littafan farko.

¹⁹Littaffan Ibrãhĩm da Mũsã.