Al-Ghashiyah

¹Lalle ne labãrin (¡iyãma) mai rufe mutãne da tsoronta yã zo maka?

²Wasu huskõki a rãnar nan ƙasƙantattu ne.

³Mãsu aikin wahala ne, mãsu gajiya.

⁴Zã su shiga wata wuta mai zãfi.

⁵Ana shãyar da su daga wani marmaro mai zãfin ruwa.

⁶Ba su da wani abinci fãce dai daga danyi.

⁷Bã ya sanya ƙiba, kuma bã zai wadãtar daga yunwa ba.

⁸Wasu huskõki a rãnar nan mãsu ni'ima ne.

⁹Game da aikinsu, masu yarda ne.

¹⁰(Suna) a cikin Aljanna maɗaukakiya.

¹¹Bã zã su ji yãsassar magana ba, a cikinta.

¹²A cikinta akwai marmaro mai gudãna.

¹³A cikinta akwai gadãje maɗaukaka.

¹⁴Da kõfuna ar'aje.

¹⁵Da filõli[1] jẽre,

¹⁶Da katifu shimfiɗe.

¹⁷Ashe to bã zã su dũbãwa ba ga rãƙumã yadda aka halitta su?

¹⁸Da zuwa ga sama yadda aka ɗaukaka ta?

¹⁹Da zuwa ga duwãtsu yadda aka kafa su?

²⁰Da zuwa ga ƙasa yadda aka shimfiɗã ta?

²¹sabõda haka, ka yi wa'azi, kai mai yin wa'azi ne kawai.

²²Ba ka zama mai ĩkon tanƙwasãwa a kansu ba.

²³Fãce dai duk wanda ya jũya bãya, kuma ya kãfirta.

²⁴To, Allah zai yi masa azãba, azãbar nan da take mafi girma.

²⁵Lalle ne, zuwa gare Mu kõmõwarsu take.

²⁶Sa'an nan lalle ne aikinMu ne Mu yi musu hisãbi.