Al-Jinn

¹ Скажы: «Мне адкрыта, што некалькі джынаў пачулі гэта і сказалі: сапраўды, мы слухалі дзіўны Каран,

² які паказвае на дарогу простую; мы паверылі ў яго і не станем да¬даваць нашаму Госпаду нікога ў пакланеннi.

³ Наш Госпад вышэй за ўсё; Ён не браў сабе ні жонкі, ні дзіцяці.

⁴ Неразумны сярод нас казаў пра Аллага празмернае,

⁵ а мы думалі, што ні людзі, ні джыны не будуць узводзіць намову на Аллага.

⁶ Мужчыны сярод людзей шукалі абарону ў джынаў-мужчын, але тыя толькі павялічвалi iхны грэх.

⁷ Яны думалі таксама, як i вы, што Аллаг нікога не адродзіць.

⁸ Мы дасягнулі неба, але ўбачылі, што яно запоўнена суворымі вар-тавымі і палаючымі свяціламi.

⁹ Раней мы сядзелі ў засадзе, каб падслухоўваць. Але хто падслу¬хае цяпер, той знойдзе, што на яго чакае палаючае свяціла.

¹⁰Мы не ведаем, ці жадалася ліха для тых, хто на зямлі, ці iхны Го¬спад пажадаў ім простага шляху.

¹¹Ёсць сярод нас праведныя, а таксама іншыя. Мы ідзём рознымі шляхамі.

¹²Мы ведаем, што не здолеем выратавацца ад Аллага на зямлі, i што не здолеем уцячы ад Яго.

¹³Калі мы пачулі пра шлях просты, дык паверылі ў яго. А хто ве¬рыць у Госпада свайго, той не палохаецца ні стратаў, ні прыгнёту.

¹⁴Ёсць сярод нас як адданыя Аллагу, так i тыя, якія адхіліліся. А хто звярнуўся да ісламу, той накіраваўся простым шляхам.

¹⁵Тыя, якія адхіліліся, будуць палівам для пекла».

¹⁶Калі б яны неадчэпна трымаліся шляху, дык Мы далі б ім досы¬ць вады,

¹⁷каб гэтым выпрабаваць іх. А таго, хто адхінаецца ад напаміну Госпада свайго, Ён вядзе да цяжкага пакарання.

¹⁸Месцы пакланення належаць Аллагу, таму не клічце побач з Ал¬лагам нікога!

¹⁹Калі раб Аллага падняўся і заклікаў Яго, яны згуртаваныя вакол яго.

²⁰Скажы: «Я заклікаю Аллага i не дадаю Яму нікога ў пакланеннi!»

²¹Скажы: «Я не маю ўлады ні прычыніць вам шкоду, ні накірава¬ць вас на просты шлях».

²²Скажы: «Ніхто не абароніць мяне ад Аллага, i я не знайду пры¬тулак ні ў каго іншага.

²³Я толькі прынёс тое, што перадае Аллаг, а таксама Ягонае паслан¬не. А хто не паслухаецца Аллага і Ягонага Пасланца, на тых чакае агонь пекла, дзе яны будуць павек».

²⁴Калі яны ўбачаць тое, што ім абяцана, дык даведаюцца, чые па¬магатыя кволыя і малыя па колькасці.

²⁵Скажы: «Я не ведаю, блізка тое, што вам абяцана, альбо Госпад адтэрмінаваў яго».

²⁶Ён ведае таемнае і не адкрывае яго нікому,

²⁷апроч тых пасланцоў, якімі Ён задаволены і да якіх прыстаўляе варту – спераду і з тылу,

²⁸каб даведацца, ці данеслі яны пасланне Госпада свайго. Ён спас¬цігае ўсё, што здараецца з імі, Ён палічыў кожную рэч.