Qaf

¹ Каф. Клянуся Каранам слаўным!

² Але яны здзіўленыя тым, што з’явіўся ўгаворшчык з асяродзьдзя іх саміх, i кажуць нявернiкi: «Гэта – дзіўная рэч.

³ Няўжо, калі мы сканаем i станем прахам, [дык адродзімся?] Гэ¬тае вяртанне – неверагоднае».

⁴ Мы ведаем, што зямля адымае ў іх, але Мы маем захоўваемае Пі¬санне.

⁵ Але адкінулі яны праўду, калі яна з’явілася ім, i сумеліся яны.

⁶ Хiба не глядзелі яны на неба, што над імі, якім чынам узвялі Мы яго і ўпрыгожылі, i што няма ў ім расколін?

⁷ I распасцерлі Мы зямлю, усталяваўшы ўстойлівыя горы на ёй, i выгадавалі на ёй разнастайныя выдатныя расліны,

⁸ каб бачыў i памятаў гэта кожны раб, якi звяртаецца [да Аллага].

⁹ I паслалi Мы з неба ваду блаславёную, i выгадавалi ёй сады і збожжа пасеваў,

¹⁰i высокія пальмы – з плёнам, якi звісае шэрагамi,

¹¹у якасцi ежы для [Нашых] рабоў. Мы адраджаем вадою нежы¬вую зямлю, i такім жа будзе і выхад [з магіл].

¹²задаўга да іх народ Нуха, жыхары ар-Расса і самудыты,

¹³адыты і народ Фараона, i браты Лута,

¹⁴i жыхары аль-Айкi, i народ Тубба – усе яны не прызналі паслан¬цоў i спраўдзілася тое, што Я абяцаў.

¹⁵Хіба стаміліся Мы ад першага стварэння? Але яны знаходзяцца ў ваганнях адносна стварэння новага.

¹⁶Сапраўды, стварылі Мы чалавека, i ведаем, што шэпча яму душа, i Мы бліжэй да яго за шыйную жылу.

¹⁷двое пісараў запісваюць, седзячы справа i злева.

¹⁸Не вымавіць ані слова чалавек, каб наглядчык не быў гатовы за¬пiсаць яго.

¹⁹I наступяць праўдзівыя перадсмяротныя пакуты. Вось тое, што ты спрабаваў пазбегнуць.

²⁰I затрубяць у рог: «Гэта – дзень абяцанага пакарання».

²¹Прыйдзе кожная душа, а з ёй – паганяты i сведка.

²²Сапраўды, не зважалі вы на гэтае, але знялі Мы пакрыццё з вас, таму зрок ваш востры сёння.

²³I скажа спадарожнік душы: «Вось тое, што запісана мною».

²⁴Абодва вы кідайце ў пекла кожнага нявернiка, упартага,

²⁵супраціўніка дабра, злачынца, таго, хто вагаецца,

²⁶хто паставіў сабе іншага бога разам з Аллагам.

²⁷Скажа сябра-[шатан]: «Госпадзе наш! Я не збіваў яго са шляху праўды, ён сам знаходзiцца ў глыбокай памылцы».

²⁸Не спрачайцеся ў маёй прысутнасці, бо Я ўжо папярэдзіў вас.

²⁹Не скасоўваецца слова Маё i Я не прыгнятаю сваіх рабоў.

³⁰У той дзень спытаем Мы ў пекла: «Цi ты запоўненае?» Яно ад¬кажа: «Ці няма дадатку?»

³¹Наблізіцца рай да збожных, i не будзе выдаленым.

³²Гэта тое, што было абяцанае кожнаму, хто вінаваціцца i трыма¬ецца веры,

³³таму, хто палохаецца Літасцівага таемна, i прыйшоў з сэрцам, якое звяртаецца.

³⁴Уваходзьце ў яго з мiрам, гэта – дзень Вечнасці.

³⁵Iм – усё, што яны пажадаюць, а ў Нас – яшчэ больш за тое.

³⁶Як шмат пакаленняў, мацней за іх, Мы знішчылі яшчэ раней. Шукалі яны прытулак па ўсёй зямлі. дык цi магчыма ўцячы?

³⁷Сапраўды, у гэтым – напамін таму, хто мае сэрца, хто слухае i хто з’яўляецца сведкам.

³⁸Сапраўды, стварылі Мы нябёсы, зямлю і тое, што паміж імі, за шэсць дзён; i не кранула Нас стомленасць.

³⁹Будзь трывучым да таго, што яны кажуць, i ўслаўляй Госпада твайго да ўзыходу сонца i перад мерапрыемствам.

⁴⁰I ноччу ўслаўляй Яго, i пасля паклонаў!

⁴¹Прыслухайся ў той дзень, калі вяшчальнік пачне клікаць з бліжэйшага месца,

⁴²у той дзень, калі пачуюць гоман сапраўдна. Гэта i будзе дзень Выйсця [з магіл].

⁴³Сапраўды, гэта Мы даём жыццё i скананне, i да Нас вяртанне.

⁴⁴У той дзень зямля хутка расколецца для іх, калi яны будуць спя¬шацца. I згуртаваць іх – латва для Нас.

⁴⁵Мы лепш ведаем, што яны кажуць, і ты не прымушай іх. засце¬рагай жа Каранам тых, хто палохаецца Маёй пагрозы.