Ar-Rum

¹ Алiф. Лям. Мім.

² Пераможаныя рамэі

³ у бліжэйшых землях. Але пасля сваёй паразы перамогуць яны,

⁴ за некалькі гадоў. Улада належала Аллагу раней i будзе належаць далей. У той дзень вернікі ўсцешацца

⁵ дапамозе Аллага. Ён дапамагае, каму пажадае. Ён – Велічны, Міласэрны.

⁶ Такая абяцанка Аллага. Бог не парушае Сваёй абяцанкі, але боль¬шасць людзей не ведае.

⁷ Яны ведаюць пра зямное жыццё толькі відавочнае, а да жыцця наступнага яны нядбайныя.

⁸ Няўжо яны не задумляліся пра сябе? Аллаг стварыў нябёсы, зям¬лю і тое, што паміж імі, толькі ў праўдзе і на пэўны тэрмін. Але боль¬шасць людзей не верыць у сустрэчу са сваім Госпадам.

⁹ Няўжо яны не падарожнічалі зямлёю і не бачылі, якім быў канец тых, якія жылі раней за іх? Яны перавышалі іх моцаю, лепш апра¬цоўвалі зямлю ды абжывалі яе. Іхныя пасланцы прыходзілі да іх з вы¬разнымі знакамі. Аллаг не зрабіў з імі няслушна – яны самі былі ня-слушнымі да сябе.

¹⁰Канцом тых, якія рабілі ліха, стала ліха, бо яны лічылі знакі Ал¬лага хлуснёю і здзекаваліся з іх.

¹¹Аллаг пачынае тварэнне, потым паўтарае яго, а потым да Яго вы паварочаецеся.

¹²Калі прыйдзе Час, разгубяцца грэшнікі.

¹³Ніхто з іхных саўдзельнікаў не заступіцца за іх i яны адхіляць тых саўдзельнікаў.

¹⁴У той дзень, калі наступіць Час, усе падзеляцца.

¹⁵Тыя, якія паверылі і здзяйснялі дабро, будуць атрымліваць аса¬лоду ў садах,

¹⁶а тыя, якія не паверылі і лічылі хлуснёю Нашыя знакі і спаткан¬не ў наступным жыцці, зведаюць пакаранне.

¹⁷дык вось, слаўце Аллага, калі надыходзіць вечар i калі настае раніца!

¹⁸Яму належыць слава на нябёсах i на зямлі. Слаўце Яго ўвечары і апоўдні!

¹⁹Ён выводзіць жывое з нежывога, а нежывое з жывога. Ён адрад¬жае зямлю пасля ейнага сканання; таксама і вас вывядуць з магіл.

²⁰Сярод Ягоных знакаў – тое, што Ён стварыў вас з праху. Пасля гэтага вы сталі людзьмі і рассяляецеся.

²¹Сярод Ягоных знакаў – тое, што Ён стварыў вам жонак з вас саміх, каб вы знаходзілі ў іх супакой, i ўсталяваў паміж вамі любоў i літасць. Сапраўды, у гэтым – знак для людзей, якія разважаюць.

²²Сярод Ягоных знакаў – стварэнне нябёсаў i зямлі, а таксама адрозненні паміж мовамі і кветкамі. Сапраўды, у гэтым – знак для жы¬хароў светаў.

²³Сярод Ягоных знакаў – ваш сон ноччу і днём, а таксама пошукі Ягонае шчодрасці. Сапраўды, у гэтым – знак для людзей, якія здоль¬ныя слухаць.

²⁴Сярод Ягоных знакаў – тое, што Ён паказвае вам маланку, каб выклікаць сполах i надзею, а таксама пралівае з неба ваду, каб ажыві¬ць ёй зямлю пасля ейнага сканання. Сапраўды, у гэтым – знак для люд¬зей, якія разумеюць.

²⁵Сярод Ягоных знакаў – тое, што неба і зямля трымаюцца па Яго¬ным загадзе. Толькі Ён пакліча вас, вы адразу выйдзеце з зямлі.

²⁶Яму належыць усё, што на нябёсах i на зямлі. Усе пакорлівыя Яму.

²⁷Ён – Той, Хто пачынае тварэнне, а потым паўтарае яго. I гэта для Яго латва. Аллагу належаць самыя высокія якасці, i Ён – Велічны, Му¬дры.

²⁸Аллаг прывёў вам як прыпавесць вас саміх. Ці ёсць сярод пры¬гонных, якімі авалодалі вашыя правіцы, саўдзельнікі ў тым, чым Мы надзялілі вас, і якіх вы палохаецеся так, як палохаецеся адно аднаго? Вось так Мы тлумачым знакі для людзей, якія разумеюць.

²⁹дык не. Тыя, якія робяць няслушна, ідуць за сваімі жаданнямі без усялякага ведання. Хто ж павядзе простым шляхам тых, каго Ал¬лаг увёў у аблуду? Няма ў іх памагатых.

³⁰Скіруй свой твар да веры, як ханiф. Гэта – прыроджаная якас¬ць, з якое Аллаг стварыў людзей. Няма змены ў тварэнні Аллага. Гэта простая вера – але большасць людзей не ведае.

³¹Кайцеся перад Ім, палохайцеся Яго, рабіце малітву і не будзьце аднымі з паганаў,

³²аднымі з тых, якія раскалолі сваю веру і зрабіліся рознымі гур¬тамі, і кожны цешыцца з таго, што мае.

³³Калі чалавека тычыцца ліха, яны клічуць свайго Госпада, звяр¬таючыся да Яго з каяннем. А калі Ён дае ім магчымасць паспрабаваць Сваёй літасці, дык частка з іх пачынае дадаваць сутаварышаў свайму Госпаду.

³⁴Так яны прымеюць праявіць сваю няўдзячнасць за тое, што Мы ім даравалі. Таму атрымлівайце асалоду ад дабротаў і борзда вы даве¬даецеся.

³⁵Хіба Мы паслалі ім доказ, які кажа пра роўных Яму?

³⁶Калі Мы дамо людзям паспрабаваць літасці, яны цешацца. А калі іх дзівіць ліха за тое, што яны падрыхтавалі сваімі рукамі, дык яны ўпадаюць у роспач.

³⁷Хіба яны не бачаць, што Аллаг павялічвае і памяншае долю, каму пажадае? Сапраўды, у гэтым – знакі для вернікаў.

³⁸давай належнае сваяку, бедаку і падарожніку. Так будзе лепей для тых, хто жадае задавальнення Аллага. Менавіта яны мецьмуць по¬спех.

³⁹Тое, што вы распазычыце людзям, імкнучыся прымножыць сваю маёмасць за іхны кошт, не прымножыцца ў Аллага. Будзе прымножа¬на тое, што вы даяце як закят, жадая задавальнення Аллага.

⁴⁰Аллаг – Той, Хто вас стварыў, а потым надзяліў сродкамі да жыц¬ця. Пасля Ён заб’е вас, а потым нанова верне да жыцця. Ці ёсць сярод вашых саўдзельнікаў- стодаў тыя, хто зрабіў хоць што-небудзь з гэта¬га? Усячысты Ён i вышэй за тое, што вы дадаяце Яму ў пакланенні.

⁴¹Ліха з’яўляецца на сухазем’і і на моры дзякуючы таму, што люд¬зі робяць сваімі рукамі, – дык няхай паспрабуюць частку таго, што на¬рабілі. Магчыма, яны паварочаюцца.

⁴²Скажы: «Ідзіце зямлёю і паглядзіце, якім быў канец тых, якія жылі раней за вас! Большасць з іх былі паганымі».

⁴³звярні свой твар да правільнае веры – раней за той момант, калі ад Аллага прыйдзе няўхільны дзень. У той дзень яны будуць падзеленыя –

⁴⁴Хто быў нявернікам, няверства адгукнецца супраць яго. А тыя, якія рабілі дабро, падрыхтавалі яго для сябе –

⁴⁵каб Ён з шчодрасці Сваёй узнагародзіў тых, якія паверылі і зд-зяйснялі дабро. Сапраўды, Ён не любіць нявернікаў.

⁴⁶Сярод Ягоных знакаў – тое, што Ён пасылае вятры добрымі веснікамі, каб даць паспрабаваць Сваёй літасці; па Ягоным загадзе плывуць караблі, каб вы маглі шукаць Яго шчодрасці. Магчыма, вы будзеце ўдзячныя.

⁴⁷Раней за цябе Мы пасылалі пасланцоў да іх народаў, i яны пры¬носілі ім выразныя знакі. Мы пакаралі беззаконнікаў, бо Нашым аба¬вязкам было дапамагаць вернікам.

⁴⁸Аллаг – Той, Хто пасылае вецер, які гоніць аблокі. Ён расцягвае іх на небе так, як пажадае, i раздзірае іх на кавалкі. Ты бачыш дождж, які выходзіць з-паміж іх. Калі Ён пралье яго на тых Сваіх рабоў, на якіх пажадае, яны пачынаюць цешыцца,

⁴⁹Хоць перад тым, як ён паслаў яго, яны былі ў роспачы.

⁵⁰Паглядзі на прыкметы літасці Аллага, на тое, як Ён адраджае зямлю пасля ейнага сканання. Сапраўды, Ён адраджае нежывых i Ён здольны на кожную рэч.

⁵¹Калі Мы выправім вецер, i яны ўбачаць, што [ніва] пажоўкла, дык пасля гэтага яны стануць няўдзячнымі.

⁵²Сапраўды, ты не прымусіш нежывых чуць, а глухіх не прымусіш пачуць заклік, калі яны адхінуцца.

⁵³Ты не выведзеш невідушчых з аблуды. Ты прымееш прымусіць чуць толькі тых, хто верыць у Нашыя знакі і аддадзены [мусульманін] Нам.

⁵⁴Аллаг – Той, Хто стварыў вас кволымі, з кволых зрабіў вас моц¬нымі, а потым, пасля моцы, зрабіў вас нанова кволымі і яшчэ і сівымі. Ён стварае, што пажадае. Ён – Усеведаючы, Велічны.

⁵⁵У той дзень, калі прыйдзе Час, беззаконнікі будуць прысягаць, што прабылі не больш за гадзіну. Як яны заблукалі.

⁵⁶Тыя, каму дадзеныя веды і вера, скажуць: «Па загадзе Аллага вы былі там да самага дня Адраджэння. I вось настаў дзень Адраджэн¬ня, але вы гэтага не ведалі».

⁵⁷У той дзень няслушным не прынясуць карысці іхныя апраўдан¬ні, і не патрабуюць ад іх каяння.

⁵⁸У гэтым Каране Мы прыводзім людзям розныя прыпавесці. Калі ты пакажаш ім знак, дык тыя, якія не паверылі, абавязкова скажуць: «Вы толькі прыхільнікі хлусні!»

⁵⁹Так Аллаг запячатаў сэрцы тых, якія не маюць ведання.

⁶⁰Трывай, бо абяцанка Аллага праўдзівая! Няхай не зробяць цябе кволым не ўпэўненыя!