Ash-Shams

¹Mede Awia ne ne nhyerεnee,

²Ne bosome, εberε a ɛbɛdi awia akyi,

³Ne adekyeε, εberε a εbεda (awia) animuonyam no adi,

⁴Ne adesaeε, εberε a εbεkata (abͻdeε) soͻ,

⁵Ne ͻsoro ne Nea Osii (ͻsoro no), anaa adeε a yεde yεε ͻsoro no,

⁶Ne Asaase ne Nea Ɔtrεε (asaase no) mu,

⁷Ne (onipa) kraa, ne Nea Osiesiee no pεpεεpε,

⁸Na Oyii deε εyε bͻne, ne deε εyε papa adi kyerεε (ͻkra) no, di nse sε:

⁹Nokorε, obi a ͻbεyε ne kraa kronkron no adi nkonim.

¹⁰Na nea ɔbɛtia ne kraa soͻ (anaa obegu ne kraa ho fii) no adi nkoguo.

¹¹Samuudfoͻ de wͻn atuateε poo (wͻn Nkͻmhyεni Soalihu).

¹²Ɛberε a, wͻn mu tibͻneεni no sͻre tee atua,

¹³Nyankopͻn Somafoͻ (Soalihu) ka kyerεε wͻn sε: “(Aboa no) yε Nyankopͻn yoma bedeε, enti moma no kwan na ͻnom nsuo (no bi).

¹⁴Nanso wͻbuu no ᴐtorofo, na wͻkum (yoma bedeε) no. Enti wͻn Wura Nyankopͻn de wͻn bͻne sεee wͻn pasaa kataa wͻn so pεpεεpε.

¹⁵Na Nyankopͻn deε Ɔnsuro (deε Ɔyε biara) akyire asεm.