An-Nazi'at

¹Mede (Soro abͻfoͻ a wͻyi abͻneεfoͻ no nkwa wͻ) ahometeε soͻ,

²Ne (Soro abͻfoͻ a wͻyi apapafoͻ no nkwa) wͻ anigyeε ne ahosεpε soͻ,

³Ne (Soro abͻfoͻ a), wͻdware sε asudwarefoͻ de Nyankopͻn ahyεdeε no ba,

⁴Na wͻyε ntεntεm sε akansifoͻ,

⁵Na wͻtoto Nyankopͻn Ahyεdeε no di nse sε:

⁶Ɛda a awosoͻ no bεwoso deε edikan,

⁷Na deε εtͻso mmienu no bεtoa soͻ no,

⁸Saa Da no, akoma bεbͻ binim (ama onipa ho awoso).

⁹Ebinom ani bɛwu.

¹⁰Wͻka sε: “Enti yεbεsan anyane aba nkwa tebea mu bio?

¹¹Aberε a (yawu) ayε nnompe a, ahunu?”

¹²Wͻka sε: “Sε (Wusͻreε no yε nokorε ampa a), εneε na yεresan aba nkwa mu bio no bεyε brεguo (ama yεn Kaafirfoͻ no)“.

¹³(Owusͻreε no) yε Nteamu baako pε.

¹⁴Na deε wͻbɛhunu ara ne sε, wͻanyane afiri owuo mu na wͻn wͻ asaase soͻ.

¹⁵Enti Mose ho asεm no abeduru wo hͻ?

¹⁶Ɛberε a ne Wura Nyankopͻn frεε no wͻ Bonhwa kronkron Tuwa mu hͻ no.

¹⁷Ɔka kyerεε no sε: “Kͻ Farao hͻ, na nokorε sε wate atua, ayε bͻne atra so “.

¹⁸Na ka kyerε no sε: “Wopε sε woyε kronkron?

¹⁹Na menkyerε wo kwan nkͻ wo Wura Nyankopͻn hͻ na nya Ne ho suro?”

²⁰Ɔde Nsεnkyerεnee akεseε no kyerεε no.

²¹Nanso ᴐfaa no atorᴐsԑm, yεε asoͻden nso.

²²Afei ͻdanee n’akyi maae, bͻͻ mmͻden (sε ͻbεko atia Mose ne ne Nyankopͻn).

²³Ɔboaboaa ne nkorͻfoͻ ano paee mu (de too wͻn anim),

²⁴Ɔkaa sε: “Me ne mo wura kokuroko no “.

²⁵Enti Nyankopͻn de daakye ne seseei (wiase) asotwee no twee n’aso.

²⁶Nokorε sε, adesua wͻ woi mu de ma obi a osuro Nyankopͻn.

²⁷Enti (nnipa), mo mmͻeε na εyε den anaasε ͻsoro? Ɔno na Ɔbͻeε,

²⁸Pagyaa ne soro kͻ, siesieε, totoo no pεpεεpε,

²⁹Ɛna n’anadwo no nso Wayε no esum, εna Wama n’adekyeε nso nhyerεnee,

³⁰Ɛna εno akyiri no, Ɔde asaase sii hͻ sε kosua trεε mu,

³¹Maa emu nsuo ne emu nwira puepueeε.

³²Ɛna Ɔde mmepͻ nso atintim so pintinn,

³³(Woi nom) yε akͻnhoma ma mo ne mo ayεmmoa.

³⁴Sε Mmusuo Da kεseε no ba a,

³⁵Saa Da no na onipa bεkae ne mmͻden a ͻbͻeε.

³⁶Amanehunu gya bεda adi pefee ama obi a ohunu.

³⁷Na obi a ͻtee atua dii bͻne,

³⁸Na (ᴐhwԑԑ mu) yii wiase asetena yi no,

³⁹Nokorε sε, Amanehunu gya no mu ne ne fie.

⁴⁰Na obi a ͻno deε osuroo sε ͻbɛgyina ne Wura Nyankopͻn anim, na osii ne kraa ho kwan frii honam apεdeε anaa honam akͻnͻdeε ho no,

⁴¹(Saa nipa no) fie ne ͻsoro aheman no mu.

⁴²Wͻrebisa wo εberε no ho asεm sε, εberε bεn na ebesie?

⁴³(Ɛberε a εbesie no deε) deεn na wo (bɛtumi) aka fa ho?

⁴⁴Ne brε a εbesie no deε εwͻ wo Wura Nyankopͻn hͻ.

⁴⁵Na wo (Nkͻmhyεni) deε woyε kͻkͻbͻni ma obi a ɔsuro (saa Da no).

⁴⁶Ɛda a (wͻn a wͻnnye nnie no) bɛhunu (saa Da) no no, εbεyε wͻn sε anyumerε mu anaa anͻpa mu berε tiaa bi na wͻde tenaa (wiaseε).