'Abasa

¹(Nkͻmhyεni) anim sesaae, na ͻdanee ne ho.

²Efirisε onifirani no baa ne hͻ,

³Na εdeεn na εbεkyerε wo sε ebia (saa onifirani no) bεyε kronkron,

⁴Anaasε ͻde afutuo no bεto n’adwene mu ama afutuo no ho aba no mfasoͻ?

⁵Obi a ͻhwε ne ho sε ͻsom bo no,

⁶Ɔno mmom na wotie no.

⁷Sε wannyε kronkron a, εho asεm nna wo so.

⁸Obi a wabͻ mmͻden aba wo hͻ,

⁹Na osuro (Nyankopͻn no)

¹⁰Ɔno mmom na wayi w’adwen afiri ne soͻ.

¹¹Daabi, εyε Afutusεm,

¹²Enti obi a ͻpε no, ͻmfa ntu (ne ho) fo.

¹³Ɛwͻ Animuonyam Nwoma (a εwͻ Nyankopͻn hͻ) no mu.

¹⁴(Nwoma a) εkorͻn wͻ Animuonyam ne kronkron yε mu,

¹⁵Wͻ (Soro abͻfoͻ) Atwerεfoͻ nsam,

¹⁶(Atwerεfoͻ) Animuonyamfoͻ apapafoͻ no.

¹⁷Due nka onipa. Sεdeε ne boniayε si teε

¹⁸Ͻbͻͻ no fri adeε bεn mu?

¹⁹Ɔbͻͻ no fri ahobae mu, εna Osiesiee no,

²⁰Afei Ɔyɛε ne kwan so dwoodwoo maa no.

²¹Afei na Wasan ama no awu na Wasie no wͻ adakamena mu.

²²Na sε Ɔpε nso a na Wanyane no (afri owuo mu).

²³Daabi, nanso (onipa) nyε deε (Nyankopͻn) ahyε ( no sε ͻnyε).

²⁴Enti onipa nhwε n’aduane (ahyε ase),

²⁵Yɛhwie nsuo no ma ebuso paa,

²⁶Afei na Yɛama asaase no apaepae paa,

²⁷Na Yɛama nnuaba afifi wͻ so,

²⁸Ne bobe ne wira ne mfudeε ahodoͻ,

²⁹Ne nku dua ne akyiresua dua;

³⁰Ne Turo a yɛagye ho a nnua ateten ahyε mma,

³¹Ne nnuaba ne wira a mmoa weε.

³²Ԑyԑ akᴐnhoma ma mo ne moayεmmoa.

³³Na sε nteamu denden no ba a,

³⁴Saa Da no onipa bɛdwane ne nua,

³⁵Ne ͻmaame ne ne papa,

³⁶Ne ne yere ne ne mma.

³⁷Saa Da no, wͻn mu nipa biara ani bεbere wͻ asεm a εfa ͻno ara ne ho a, obi deε mmfa ne ho.

³⁸Saa Da no, ebinom anim bεhyerεn,

³⁹Asere wͻ anigyeε mu,

⁴⁰Saa Da no, ebinom nso anim bεyε mfuturo,

⁴¹Esum bεkata wͻn so, na animguaseε bεka wͻn,

⁴²Saa nkorͻfoͻ no ne (Kaafirfoͻ) boniayεfoͻ nnipa bͻnefoͻ no.