Ar-Rahman

¹Ahummͻborͻ Hene (Nyankopͻn).

²Ɔno na Wakyerε (Nkͻmhyεni) Qur’aan no.

³Ɔno na Ɔbͻͻ onipa,

⁴Kyerεε no kasa nkyerεkyerεmu.

⁵Awia ne bosome nnam wͻ nhyehyεε so.

⁶Wira mu nhoma (anaasε nsoromma) ne nnua nso (nyinaa) berε wͻn ho ase (ma Nyankopͻn).

⁷Ɛna Wapagya ͻsoro, εna Ɔde nsania ato ho,

⁸Sεdeε monyε mfomsoͻ wͻ ade susuo ho,

⁹Na moma nsania no nyina pεpεεpε, na monnte adeε a mobɛsusuo no so.

¹⁰Ɛna Ɔde asaase no ato hͻ ama abͻdeε (a wͻtumi tena asaase soͻ).

¹¹Emu na nnuaba, ne akyiresua a εbͻ esa-esa wͻ,

¹²Ne nnuaba (ahodoͻ tesε aburoo, ayuo, atokoͻ ne deε εkeka ho) a εwͻ nhahamma a nyεmmoa weε, εne nnuaba a etu hwa pa.

¹³Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

¹⁴Ɔno na Ɔde dɔteε a awoͻ bͻͻ onipa tesε ayowa anaa kukuo a yɛanwene atotoo.

¹⁵Ɛna Ɔbͻͻ Jinnfoͻ no nso fri ogya frama (anaa) ogya kεterεma mu.

¹⁶Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

¹⁷Apueε mmienu no Wura, ne Atͻeε mmienu no Wura.

¹⁸Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

¹⁹Ɔno na Wama ͻpo mmienu no (nsupa ne nkyene nsuo) bɛhyia mu,

²⁰Ɛhyeε da ne mmienu ntεm a emu biara ntumi mmu mfa baako soͻ.

²¹Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

²²Yɛyi nhwenepa ne aboͻ a εhyerεn wͻ (ͻpo no) mmienu mu.

²³Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

²⁴Ɔno na nsuom hyεn a εnenam po so tesε mmepͻ atenten no yε Ne dea.

²⁵Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

²⁶Adeε a εwͻ (asaase) soͻ biara bɛfiri hͻ,

²⁷Na εbεka wo Wura Nyankopͻn Kεseε Onimuonyamfoͻ no animuonyam nko ara.

²⁸Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

²⁹Wͻn a wͻwͻ soro ne wͻn a wͻwͻ asaase so nyinaa bisa no. Da biara N’animuonyam da adi .

³⁰Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

³¹Mo akuo mmienu no (Jinn ne nnipa) Yεbεtoto (montotoeε anaasε yεbɛbu mo atεn no) ama mo.

³²Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

³³Jinn ne nnipa fekuo, sε mobɛtumi akͻ soro ne asaase ntweaso babiara a motumi kͻ. Nanso montumi nkͻ gyesε monya tumi anaa nyinasoͻ bi (fri Nyankopͻn hͻ ansa).

³⁴Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

³⁵Ɔbεsoma ogya tanaa ne yaawa (a yananee) aba mo so, na montumi mmͻ mo ho ban.

³⁶Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

³⁷Sε ͻsoro mu dwidwa a afei εbεyε kͻͻ tesε aboa nwoma (a yɛahyε no) kͻͻ.

³⁸Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

³⁹Saa Da no yɛmmisa onipa anaa Jinn biara bͻne ho asεm.

⁴⁰Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁴¹Yεde abͻneεfoͻ no nsohyεdeε na εbɛhu wͻn, enti yεbεsͻ wͻn mu wͻ wͻn apampamu nwii ne wͻn nnan mu (na atwe wͻn aseε).

⁴²Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁴³Woi ne Amanehunu gya no a abͻneεfoͻ no faa no atorͻsεm no,

⁴⁴Wͻbɛtwa ahyia wͻ (Ogya) a ayε hyehyeehye ne nsuo a ayε hye atrasoͻ no ntεm.

⁴⁵Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁴⁶Obi a osuro sε ɔbɛgyina ne Wura Nyankopͻn anim no ͻwͻ Turo mmienu.

⁴⁷Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁴⁸Nnua mman a atrεtrε sononko-sononko ayε mu mma.

⁴⁹Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁵⁰Asutire mmienu bi wͻ mu a εtenee,

⁵¹Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁵²Na nnuaba biara a egu mmienu mmienu wͻ ne mmienu nyinaa mu.

⁵³Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁵⁴Wagyegye ada mu wͻ mpa anaa ahennwa a emu kuntu no yε kyeme ntoma a yɛadi mu adwini a ԑyԑ fԑ so. Aheman no mmienu no mu nnuaba no bεn (wͻn).

⁵⁵Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁵⁶Mmaa a wͻhwε wͻn ani so yie (anaasε wͻfεre adeε) a onipa (biara) anaasε Jinn mfaa wͻn ho nkaa wͻn da wͻ ne mmienu mu.

⁵⁷Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁵⁸Wͻn (ho fε) tesε dwetε ne sika aboͻ a εhyerεn.

⁵⁹Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁶⁰Enti εnyε papa akatua ne papa?

⁶¹Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁶²(Turo) mmienu no akyiri nso, Turo mmienu (foforͻ) bi nso wͻ hͻ.

⁶³Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁶⁴(Turo mmienu no mu) nhahan yԑ mono, εyε bunu paa.

⁶⁵Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁶⁶Nsuo aniwa mmienu bi wͻ ne mmienu mu a epue ba aberε biara.

⁶⁷Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁶⁸Nnuaba ne akyiresua ne ‘Rumaan’ (nyinaa) bi wͻ ne mmienu mu.

⁶⁹Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁷⁰Mmaa papa ahoͻfεfoͻ wͻ mu.

⁷¹Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁷²Mmaa ahoteefoͻ a wͻn ani akεseε fεfεεfε hyehyε ntoma dan mu.

⁷³Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁷⁴Onipa biara anaasε Jinn nnii kan mfaa ne ho nkaa wͻn da.

⁷⁵Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁷⁶Wagyegye ada mu wᴐ atε anaa mpikyi anaa sumuε a εyε ahahamono ne ‘Kapεt’ fεfεεfε so.

⁷⁷Enti (Jinn ne nnipa), mo Wura Nyankopͻn adom no emu deε εwͻ hen na mopoɔ?

⁷⁸Nhyira ne wo Wura Nyankopͻn din, Ɔno na Kεseyε ne Animuonyam yε Ne dea.