Al-Layl

¹Mede εberε a, adesaeε bεkata (biribiara) soɔ,

²Ne εberε a adekyeε bεhyerεn,

³Ne Nea Ɔbͻͻ onini ne ͻbedeε, anaa adeε a yεde bͻͻ onini ne ͻbedeε di nse sε:

⁴“Nokorε, mo mmͻdemmͻ gu sonoko-sonoko”.

⁵Enti obi a ͻbεyε ayεmyε, na ͻbɛsuro Nyankopͻn, (anaa ͻbεyε ahwεyie),

⁶Na ͻbεgye papa no (anaa) deε εyε no adie no,

⁷Yεbεma kwan pa no ayε mmerε ama no bͻkͻͻ.

⁸Na mmom obi a ͻbεyε pεpεε ahwε ne ho sε ͻsom bo-

⁹Na ͻbεpo papa no,

¹⁰Yεbεma ahokyerε kwan no ayε bͻkͻͻ ama no de no akͻ ahokyerε mu.

¹¹Ɛberε a ͻsεeε bεba ne so no, n’agyapadeε no ho mma mfasoͻ mma no.

¹²Ɛyε nokorε sε, Yεn na yεkyerε kwan,

¹³Na εyε nokorε nso sε, Daakye no ne (saa wiase) a edi kan yi nyinaa yε Yεn dea.

¹⁴Enti Meretu mo fo fa Ogya tanaa no ho.

¹⁵Obi nnkͻ mu, gye sε otibͻneni no;

¹⁶(Otibͻneni) no a, ͻpo (Nokorε) na ͻdane n’akyi dema.

¹⁷Nyamesuroni no nso bεtwe ne ho afiri (ogya tanaa no) ho

¹⁸(Nyamesuroni) no a, oyi ne sika (Nyame nti) de te ne (kraa) ho no,

¹⁹Na ɛnni (n’adwene mu) sε (ͻde papa a ͻreyε no) rehwehwε adom akatua bi afiri obi hͻ.

²⁰Na mmom ͻde hwehwε ne Wura Nyankopͻn Kokuroko no hͻ animuonyam.

²¹Na nokorε sε, n’ani bεgye (deε Nyankopͻn de bεma no no ho).