At-Takwir

التكوير

The Overthrowing • 29 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

إِذَا ٱلشَّمۡسُ كُوِّرَتۡ﴿١﴾

¹Nígbà tí wọ́n bá ká òòrùn kóróbójó dànù,

وَإِذَا ٱلنُّجُومُ ٱنكَدَرَتۡ﴿٢﴾

²àti nígbà tí àwọn ìràwọ̀ bá já bọ́ káàkiri,

وَإِذَا ٱلۡجِبَالُ سُيِّرَتۡ﴿٣﴾

³àti nígbà tí wọ́n bá mú àwọn àpáta rìn (kúrò ní àyè wọn, tí wọ́n kù wọ́n dànù),

وَإِذَا ٱلۡعِشَارُ عُطِّلَتۡ﴿٤﴾

⁴àti nígbà tí wọ́n bá pa àwọn ràkúnmí aboyún tì,

وَإِذَا ٱلۡوُحُوشُ حُشِرَتۡ﴿٥﴾

⁵àti nígbà tí wọ́n bá ko àwọn ẹranko jọ,

وَإِذَا ٱلۡبِحَارُ سُجِّرَتۡ﴿٦﴾

⁶àti nígbà tí wọ́n bá mú àwọn agbami odò gbiná,

وَإِذَا ٱلنُّفُوسُ زُوِّجَتۡ﴿٧﴾

⁷àti nígbà tí wọ́n bá so àwọn ẹ̀mí pọ̀ mọ́ra wọn, (ẹni rere pẹ̀lú ẹni rere, ẹni ibi pẹ̀lú ẹni ibi)

وَإِذَا ٱلۡمَوۡءُۥدَةُ سُئِلَتۡ﴿٨﴾

⁸àti nígbà tí ọmọbìnrin tí wọ́n bò mọ́lẹ̀ láàyè bá bèèrè pé

بِأَيِّ ذَنۢبٖ قُتِلَتۡ﴿٩﴾

⁹ẹ̀ṣẹ̀ wo ni wọ́n pa òun fún,

وَإِذَا ٱلصُّحُفُ نُشِرَتۡ﴿١٠﴾

¹⁰àti nígbà tí wọ́n bá ṣí àwọn tákàdá (iṣẹ́ ẹ̀dá) sílẹ̀,

وَإِذَا ٱلسَّمَآءُ كُشِطَتۡ﴿١١﴾

¹¹àti nígbà tí wọ́n bá ká sánmọ̀ kúrò lókè,

وَإِذَا ٱلۡجَحِيمُ سُعِّرَتۡ﴿١٢﴾

¹²àti nígbà tí wọ́n bá mú iná Jẹhīm jò fòfò,

وَإِذَا ٱلۡجَنَّةُ أُزۡلِفَتۡ﴿١٣﴾

¹³àti nígbà tí wọ́n bá sún Ọgbà Ìdẹ̀ra mọ́ (àwọn onígbàgbọ́ òdodo),

عَلِمَتۡ نَفۡسٞ مَّآ أَحۡضَرَتۡ﴿١٤﴾

¹⁴(nígbà náà ni) ẹ̀mí (kọ̀ọ̀kan) yóò mọ ohun tí ó mú wá (nínú iṣẹ́ ire àti iṣẹ́ ibi).

فَلَآ أُقۡسِمُ بِٱلۡخُنَّسِ﴿١٥﴾

¹⁵Nítorí náà, Èmi (Allāhu) ń fi àwọn ìràwọ̀ tó ń yọ ní alẹ́, tó ń wọ̀ọ̀kùn ní ọ̀sán búra,

ٱلۡجَوَارِ ٱلۡكُنَّسِ﴿١٦﴾

¹⁶(ìyẹn) àwọn ìràwọ̀ tó ń rìn lọ rìn bọ̀, tó ń wọ̀ọ̀kùn sí ibùwọ̀ wọn.

وَٱلَّيۡلِ إِذَا عَسۡعَسَ﴿١٧﴾

¹⁷Mo tún fi alẹ́ nígbà tí ó bá lọ búra.[1]

وَٱلصُّبۡحِ إِذَا تَنَفَّسَ﴿١٨﴾

¹⁸Mo tún fi òwúrọ̀ nígbà tí ó bá mọ́lẹ̀ búra.

إِنَّهُۥ لَقَوۡلُ رَسُولٖ كَرِيمٖ﴿١٩﴾

¹⁹Dájúdájú (al-Ƙur’ān) ni ọ̀rọ̀ (tí A fi rán Jibrīl) Òjíṣẹ́, alápọ̀n-ọ́nlé,[1]

ذِي قُوَّةٍ عِندَ ذِي ٱلۡعَرۡشِ مَكِينٖ﴿٢٠﴾

²⁰alágbára, ẹni pàtàkì ní ọ̀dọ̀ Ẹni t’Ó ni Ìtẹ́-ọlá,

مُّطَاعٖ ثَمَّ أَمِينٖ﴿٢١﴾

²¹ẹni tí wọ́n ń tẹ̀lé àṣẹ rẹ̀ níbẹ̀ yẹn (nínú sánmọ̀), olùfọkàntán.

وَمَا صَاحِبُكُم بِمَجۡنُونٖ﴿٢٢﴾

²²Àti pé ẹni yín (Ànábì Muhammad - kí ìkẹ́ àti ọlà Allāhu máa bá a -) kì í ṣe wèrè.

وَلَقَدۡ رَءَاهُ بِٱلۡأُفُقِ ٱلۡمُبِينِ﴿٢٣﴾

²³Ó kúkú rí i nínú òfurufú kedere.[1]

وَمَا هُوَ عَلَى ٱلۡغَيۡبِ بِضَنِينٖ﴿٢٤﴾

²⁴Àti pé kì í ṣe ahun (tàbí ẹni-afurasí) lórí ìró ìkọ̀kọ̀ (tí A fi ránṣẹ́ sí i).

وَمَا هُوَ بِقَوۡلِ شَيۡطَٰنٖ رَّجِيمٖ﴿٢٥﴾

²⁵Al-Ƙur’ān kì í sì ṣe ọ̀rọ̀ (tí A fi rán) aṣ-Ṣaetọ̄n, ẹni ẹ̀kọ̀.

فَأَيۡنَ تَذۡهَبُونَ﴿٢٦﴾

²⁶Nítorí náà, ibo l’ẹ̀ ń lọ?

إِنۡ هُوَ إِلَّا ذِكۡرٞ لِّلۡعَٰلَمِينَ﴿٢٧﴾

²⁷Kí sì ni al-Ƙur’ān bí kò ṣe ìrántí fún gbogbo ẹ̀dá.

لِمَن شَآءَ مِنكُمۡ أَن يَسۡتَقِيمَ﴿٢٨﴾

²⁸(Ó wà) fún ẹni tí ó bá fẹ́ nínú yín láti dúró déédé.

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ﴿٢٩﴾

²⁹Ẹ̀yin kò sì níí fẹ́ (láti dúró déédé) àyàfi tí Allāhu bá fẹ́, Olúwa gbogbo ẹ̀dá.

← 'Abasa Al-Infitar→

RELATED SURAHS

Ash-Shams

The Sun

Al-Fatiha

The Opening

Ya-Sin

Ar-Rahman

The Most Merciful

Browse all 114 surahs