Al-Mutaffifin

¹بڑی خرابی ہے ناپ تول میں کمی کرنے والوں کی.

²کہ جب لوگوں سے ناپ کر لیتے ہیں تو پورا پورا لیتے ہیں.

³اور جب انہیں ناپ کر یا تول کر دیتے ہیں تو کم دیتے ہیں.[1]

⁴کیا انہیں اپنے مرنے کے بعد جی اٹھنے کا خیال نہیں.

⁵اس عظیم دن کے لئے.

⁶جس دن سب لوگ رب العالمین کے سامنے کھڑے ہوں گے.[1]

⁷یقیناً بدکاروں کا نامہٴ اعمال سِجِّينٌ میں ہے.[1]

⁸تجھے کیا معلوم سِجِّينٌ کیا ہے؟

⁹(یہ تو) لکھی ہوئی کتاب ہے.

¹⁰اس دن جھٹلانے والوں کی بڑی خرابی ہے.

¹¹جو جزا وسزا کے دن کو جھٹلاتے رہے.

¹²اسے صرف وہی جھٹلاتا ہےجو حد سے آگے نکل جانے واﻻ (اور) گناه گار ہوتا ہے.

¹³جب اس کے سامنے ہماری آیتیں پڑھی جاتی ہیں تو کہہ دیتا ہے کہ یہ اگلوں کے افسانے ہیں.[1]

¹⁴یوں نہیں[1] بلکہ ان کے دلوں پر ان کےاعمال کی وجہ سے زنگ (چڑھ گیا) ہے.[2]

¹⁵ہرگز نہیں یہ لوگ اس دن اپنے رب سےاوٹ میں رکھے جائیں گے.[1]

¹⁶پھر یہ لوگ بالیقین جہنم میں جھونکے جائیں گے.

¹⁷پھر کہہ دیا جائے گا کہ یہی ہے وه جسے تم جھٹلاتے رہے.

¹⁸لرگزنہیں،بےشک نیکوکاروں کے اعمال نامے علییں میں ہیں .[1]

¹⁹اورتجھے کیا پتہ کہ عِلِّیین کیا ہے؟

²⁰(وه تو) لکھی ہوئی کتاب ہے.

²¹مقرب (فرشتے) اس کا مشاہده کرتے ہیں.

²²یقیناً نیک لوگ (بڑی) نعمتوں میں ہوں گے.

²³مسہریوں پر بیٹھے دیکھ رہے ہوں گے.

²⁴تو ان کے چہروں سے ہی نعمتوں کی تروتازگی پہچان لے گا.[1]

²⁵یہ لوگ سربمہر خالص شراب پلائے جائیں گے.[1]

²⁶جس پر مشک کی مہر ہوگی، سبقت لے جانے والوں کو اسی میں سبقت کرنی چاہئے.[1]

²⁷اور اس کی آمیزش تسنیم کی ہوگی.[1]

²⁸(یعنی) وه چشمہ جس کا پانی مقرب لوگ پیئں گے.

²⁹گنہگار لوگ ایمان والوں کی ہنسی اڑایا کرتے تھے.[1]

³⁰اور ان کے پاس سے گزرتے ہوئے آپس میں آنکھ کےاشارے کرتے تھے.[1]

³¹اور جب اپنے والوں کی طرف لوٹتے تو دل لگیاں کرتے تھے.[1]

³²اور جب انہیں دیکھتے تو کہتے یقیناً یہ لوگ گمراه (بے راه) ہیں.[1]

³³یہ ان پر پاسبان بنا کر تو نہیں بھیجے گئے.[1]

³⁴پس آج ایمان والے ان کافروں پر ہنسیں گے.[1]

³⁵تختوں پر بیٹھے دیکھ رہے ہوں گے.

³⁶کہ اب ان منکروں نے جیسا یہ کرتے تھے پورا پورا بدلہ پالیا.[1]