Al-Inshiqaq

¹جب آسمان پھٹ جائے گا.[1]

²اور اپنے رب کے حکم پر کان لگائے گا[1] اور اسی کے ﻻئق وه ہے.[2]

³اور جب زمین (کھینچ کر) پھیلا دی جائے گی.[1]

⁴اور اس میں جو ہے اسے وه اگل دے گی اور خالی ہو جائے گی.[1]

⁵اور اپنے رب کے حکم پر کان لگائے گی[1] اور اسی کے ﻻئق وه ہے.

⁶اے انسان! تو اپنے رب سے ملنے تک یہ کوشش اور تمام کام اور محنتیں کرکے اس سے ملاقات کرنے واﻻ ہے.[1]

⁷تو (اس وقت) جس شخص کے داہنے ہاتھ میں اعمال نامہ دیا جائے گا.

⁸اس کا حساب تو بڑی آسانی سے لیا جائے گا.[1]

⁹اور وه اپنے اہل کی طرف ہنسی خوشی لوٹ آئے گا.[1]

¹⁰ہاں جس شخص کا اعمال نامہ اس کی پیٹھ کے پیچھے سے دیا جائے گا.

¹¹تو وه موت کو بلانے لگے گا.[1]

¹²اور بھڑکتی ہوئی جہنم میں داخل ہوگا.

¹³یہ شخص اپنے متعلقین میں (دنیا میں) خوش تھا.[1]

¹⁴اس کا خیال تھا کہ اللہ کی طرف لوٹ کر ہی نہ جائے گا.[1]

¹⁵کیوں نہیں[1] ، حاﻻنکہ اس کا رب اسے بخوبی دیکھ رہا تھا.[2]

¹⁶مجھے شفق کی قسم[1] ! اور رات کی!

¹⁷اور اس کی جمع کرده[1] چیزوں کی قسم.

¹⁸اور چاند کی جب کہ وه کامل ہو جاتا ہے.[1]

¹⁹یقیناً تم ایک حالت سے دوسری حالت پر پہنچو گے.[1]

²⁰انہیں کیا ہو گیا کہ ایمان نہیں ﻻتے.

²¹اور جب ان کے پاس قرآن پڑھا جاتا ہے تو سجده نہیں کرتے.[1]

²²بلکہ جنہوں نے کفر کیا وه جھٹلا رہے ہیں.[1]

²³اور اللہ تعالیٰ خوب جانتا ہے جو کچھ یہ دلوں میں رکھتے ہیں.[1]

²⁴انہیں المناک عذابوں کی خوشخبری سنا دو.

²⁵ہاں ایمان والوں اور نیک اعمال والوں کو بے شمار اور نہ ختم ہونے واﻻ اجر ہے.