Al-Qiyamah

¹میں قسم کھاتا ہوں قیامت کے دن کی.[1]

²اور قسم کھاتا ہوں اس نفس کی جو ملامت کرنے واﻻ ہو.[1]

³کیا انسان یہ خیال کرتا ہے کہ ہم اس کی ہڈیاں جمع کریں گے ہی نہیں.[1]

⁴ہاں ضرور کریں گے ہم تو قادر ہیں کہ اس کی پور پور تک درست کردیں.[1]

⁵بلکہ انسان تو چاہتا ہے کہ آگے آگے نافرمانیاں کرتا جائے.[1]

⁶پوچھتا ہے کہ قیامت کا دن کب آئے گا.[1]

⁷پس جس وقت کہ نگاه پتھرا جائے گی.[1]

⁸اور چاند بے نور ہو جائے گا.[1]

⁹اور سورج اور چاند جمع کردیئے جائیں گے.[1]

¹⁰اس دن انسان کہے گا کہ آج بھاگنے کی جگہ کہاں ہے؟[1]

¹¹نہیں نہیں کوئی پناہ گاه نہیں.[1]

¹²آج تو تیرے پروردگار کی طرف ہی قرار گاه ہے.[1]

¹³آج انسان کو اس کے آگے بھیجے ہوئے اور پیچھے چھوڑے ہوئے سے آگاه کیا جائے گا.[1]

¹⁴بلکہ انسان خود اپنے اوپر آپ حجت ہے.[1]

¹⁵اگر چہ کتنے ہی بہانے پیش کرے.[1]

¹⁶(اے نبی) آپ قرآن کو جلدی (یاد کرنے) کے لیے اپنی زبان کو حرکت[1] نہ دیں.

¹⁷اس کا جمع کرنا اور (آپ کی زبان سے) پڑھنا ہمارے ذمہ ہے.[1]

¹⁸ہم جب اسے پڑھ[1] لیں تو آپ اس کے پڑھنے کی پیروی کریں.[2]

¹⁹پھر اس کا واضح کر دینا ہمارے ذمہ ہے.[1]

²⁰نہیں نہیں تم جلدی ملنے والی (دنیا) کی محبت رکھتے ہو.

²¹اور آخرت کو چھوڑ بیٹھے ہو.[1]

²²اس روز بہت سے چہرے تروتازه اور بارونق ہوں گے.

²³اپنے رب کی طرف دیکھتے ہوں گے.[1]

²⁴اور کتنے چہرے اس دن (بد رونق اور) اداس ہوں گے.[1]

²⁵سمجھتے ہوں گے کہ ان کے ساتھ کمر توڑ دینے واﻻ معاملہ[1] کیا جائے گا.

²⁶نہیں نہیں[1] جب روح ہنسلی تک[2] پہنچے گی.

²⁷اور کہا جائے گا کہ کوئی جھاڑ پھونک[1] کرنے واﻻ ہے؟

²⁸اور جان لیا اس نے کہ یہ وقت جدائی ہے.[1]

²⁹اور پنڈلی سے پنڈلی لپٹ جائے گی.[1]

³⁰آج تیرے پروردگار کی طرف چلنا ہے.

³¹اس نے نہ تو تصدیق کی نہ نماز ادا کی.[1]

³²بلکہ جھٹلایا اور روگردانی کی.[1]

³³پھر اپنے گھر والوں کے پاس اتراتا ہوا گیا.[1]

³⁴افسوس ہے تجھ پر حسرت ہے تجھ پر.

³⁵وائے ہے اور خرابی ہے تیرے لیے.[1]

³⁶کیا انسان یہ سمجھتا ہے کہ اسے بیکار چھوڑ دیا جائے گا.[1]

³⁷کیا وه ایک گاڑھے پانی کا قطره نہ تھا جو ٹپکایا گیا تھا؟

³⁸پھر وه لہو کا لوتھڑا ہوگیا پھر اللہ نے اسے پیدا کیا اور درست بنا دیا.[1]

³⁹پھر اس سے جوڑے یعنی نر وماده بنائے.

⁴⁰کیا (اللہ تعالیٰ) اس (امر) پر قادر نہیں کہ مردے کو زنده کردے.[1]