Al-Haqqah

¹ﺛابت ہونے والی.[1]

²ﺛابت ہونے والی کیا ہے؟[1]

³اور تجھے کیا معلوم ہے کہ وه ﺛابت شده کیا ہے؟[1]

⁴اس کھڑکا دینے والی کو ﺛمود اور عاد نے جھٹلا دیا تھا[1]

⁵(جس کے نتیجہ میں) ﺛمود تو بے حد خوفناک (اور اونچی) آواز سے ہلاک کردیئے گئے.[1]

⁶اور عاد بیحد تیز وتند ہوا سے غارت کردیئے گئے.[1]

⁷جسے ان پر لگاتار سات رات اور آٹھ دن تک (اللہ نے) مسلط رکھا[1] پس تم دیکھتے کہ یہ لوگ زمین پر اس طرح گر گئے جیسے کہ کھجور کے کھوکھلے تنے ہوں.[2]

⁸کیا ان میں سے کوئی بھی تجھے باقی نظر آرہا ہے؟

⁹فرعون اور اس سے پہلے کے لوگ اور جن کی بستیاں الٹ دی گئی[1] ، انہوں نے بھی خطائیں کیں.

¹⁰اور اپنے رب کے رسول کی نافرمانی کی (بالﺂخر) اللہ نے انہیں (بھی) زبردست گرفت میں لے لیا.[1]

¹¹جب پانی میں طغیانی آگئی[1] تو اس وقت ہم نے تمہیں کشتی میں چڑھا لیا.[2]

¹²تاکہ اسے تمہارے لیے نصیحت اور یادگار بنادیں[1] ، اور (تاکہ) یاد رکھنے والے کان اسے یاد رکھیں.[2]

¹³پس جب کہ صور میں ایک پھونک پھونکی جائے گی.[1]

¹⁴اور زمین اور پہاڑ اٹھا لیے جائیں[1] گے اور ایک ہی چوٹ میں ریزه ریزه کر دیے جائیں گے.

¹⁵اس دن ہو پڑنے والی (قیامت) ہو پڑے گی.

¹⁶اور آسمان پھٹ جائے گا اور اس دن بالکل بودا ہوجائے گا.[1]

¹⁷اس کے کناروں پر فرشتے ہوں گے[1] ، اور تیرے پروردگار کا عرش اس دن آٹھ (فرشتے) اپنے اوپر اٹھائے ہوئے ہوں گے.[2]

¹⁸اس دن تم سب سامنے پیش کیے[1] جاؤ گے، تمہارا کوئی بھید پوشیده نہ رہے گا.

¹⁹سو جسے اس کا نامہٴ اعمال اس کے دائیں ہاتھ میں دیا جائے گا تو وه کہنے لگے گا[1] کہ لو میرا نامہٴ اعمال پڑھو.[2]

²⁰مجھے تو کامل یقین تھا کہ مجھے اپنا حساب ملنا ہے.[1]

²¹پس وه ایک دل پسند زندگی میں ہوگا.

²²بلند وباﻻ جنت میں.[1]

²³جس کے میوے جھکے پڑے ہوں گے.[1]

²⁴(ان سے کہا جائے گا) کہ مزے سے کھاؤ، پیو اپنے ان اعمال کے بدلے جو تم نے گزشتہ زمانے میں کیے.[1]

²⁵لیکن جسے اس (کے اعمال) کی کتاب اس کے بائیں ہاتھ میں دی جائے گی، وه تو کہے گا کہ کاش کہ مجھے میری کتاب دی ہی نہ جاتی.[1]

²⁶اور میں جانتا ہی نہ کہ حساب کیا ہے.[1]

²⁷کاش! کہ موت (میرا) کام ہی تمام کر دیتی.[1]

²⁸میرے مال نے بھی مجھے کچھ نفع نہ دیا.

²⁹میرا غلبہ بھی مجھ سے جاتا رہا.[1]

³⁰(حکم ہوگا) اسے پکڑ لو پھر اسے طوق پہنادو.

³¹پھر اسے دوزخ میں ڈال دو.[1]

³²پھر اسے ایسی زنجیر میں جس کی پیمائش ستر ہاتھ کی ہے جکڑ دو.[1]

³³بیشک یہ اللہ عظمت والے پرایمان نہ رکھتا تھا.[1]

³⁴اور مسکین کے کھلانے پر رغبت نہ دﻻتا تھا.[1]

³⁵پس آج اس کا نہ کوئی دوست ہے.

³⁶اور نہ سوائے پیﭗ کے اس کی کوئی غذا ہے.[1]

³⁷جسے گناه گاروں کے سوا کوئی نہیں کھائے گا.[1]

³⁸پس مجھے قسم ہے ان چیزوں کی جنہیں تم دیکھتے ہو.

³⁹اور ان چیزوں کی جنہیں تم نہیں دیکھتے.[1]

⁴⁰کہ بیشک یہ (قرآن) بزرگ رسول کا قول ہے.[1]

⁴¹یہ کسی شاعر کا قول نہیں[1] (افسوس) تمہیں بہت کم یقین ہے.

⁴²اور نہ کسی کاہن کا قول ہے[1] ، (افسوس) بہت کم نصیحت لے رہے ہو.[2]

⁴³(یہ تو) رب العالمین کا اتارا ہوا ہے.[1]

⁴⁴اور اگر یہ ہم پر کوئی بھی بات بنا لیتا.[1]

⁴⁵تو البتہ ہم اس کا داہنا ہاتھ پکڑ لیتے.[1]

⁴⁶پھر اس کی شہ رگ کاٹ دیتے.[1]

⁴⁷پھر تم میں سے کوئی بھی مجھے اس سے روکنے واﻻ نہ ہوتا.[1]

⁴⁸یقیناً یہ قرآن پرہیزگاروں کے لیے نصیحت ہے.[1]

⁴⁹ہمیں پوری طرح معلوم ہے کہ تم میں سے بعض اس کے جھٹلانے والے ہیں.

⁵⁰بیشک (یہ جھٹلانا) کافروں پر حسرت ہے.[1]

⁵¹اور بیشک (و شبہ) یہ یقینی حق ہے.[1]

⁵²پس تو اپنے رب عظیم کی پاکی بیان کر.[1]