العاديات
The Chargers • 11 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1ہانپتے ہوئے دوڑنے والے گھوڑوں کی قسم![1]
2پھر ٹاپ مار کر آگ جھاڑنے والوں کی قسم![1]
3پھر صبح کے وقت دھاوا بولنے والوں کی قسم.[1]
4پس اس وقت گرد وغبار اڑاتے ہیں[1]
5پھر اسی کے ساتھ فوجیوں کے درمیان گھس جاتے ہیں.[1]
6یقیناً انسان اپنے رب کا بڑا ناشکرا ہے.[1]
7اور یقیناً وه خود بھی اس پر گواه ہے.[1]
8یہ مال کی محنت میں بھی بڑا سخت ہے.[1]
9کیا اسے وه وقت معلوم نہیں جب قبروں میں جو (کچھ) ہے نکال لیا جائے گا.[1]
10اور سینوں کی پوشیده باتیں ظاہر کر دی جائیں گی.[1]
11بیشک ان کا رب اس دن ان کے حال سے پورا باخبر ہوگا.[1]