At-Tariq

¹Sumpa man sa langit at sa tagapunta sa gabi.

²Ano ang nagpabatid sa iyo kung ano ang tagapunta sa gabi?

³[Ito] ang bituing tumatagos.

⁴Walang kaluluwa malibang dito ay may isang [anghel na] tagapag-ingat.

⁵Kaya tumingin ang tao mula sa ano siya nilikha.

⁶Nilikha siya mula sa isang likidong pumupulandit,

⁷na lumalabas mula sa pagitan ng gulugod [ng lalaki] at mga tadyang.

⁸Tunay na Siya, sa pagpapabalik dito,[1] ay talagang Nakakakaya.

⁹Sa Araw na sisiyasatin ang mga lihim [para ibunyag],

¹⁰walang ukol sa kanya na anumang lakas ni tagapag-adya.

¹¹Sumpa man sa langit na may pagpapabalik,

¹²sumpa man sa lupa na may bitak [ng pagtubo ng halaman];

¹³tunay na [ang Qur’ān na] ito ay talagang isang sinabing pambukod,

¹⁴at hindi ito ang biru-biro.

¹⁵Tunay na sila ay nanlansi ng isang panlalansi [laban sa inihatid ng Propeta],

¹⁶at nanlansi naman Ako ng isang panlalansi [laban sa kanila].

¹⁷Kaya mag-anta-antabay ka sa mga tagatangging sumampalataya, mag-antabay ka sa kanila nang hinay-hinay.