As-Saffat

¹Sumpa man [ni Allāh] sa mga [anghel na] nakahanay sa isang hanay [para sa pagsamba sa Kanya],

²saka sa mga [mga anghel na] tagapagtabog sa isang pagtatabog [ng mga ulap],

³saka sa mga [anghel na] bumibigkas ng isang paalaala [ni Allāh];

⁴tunay na ang Diyos ninyo ay talagang nag-iisa,

⁵ang Panginoon ng mga langit at lupa at anumang nasa pagitan ng mga ito at ang Panginoon ng mga silangan.

⁶Tunay na Kami ay gumayak sa langit na pinakamababa ng gayak: ang mga tala,

⁷at bilang pangangalaga laban sa bawat demonyong naghihimagsik.

⁸Hindi sila nakikinig-kinig sa konsehong pinakamataas [malibang] habang pinupukol sila mula sa bawat gilid

⁹sa isang pagpapalayas. Ukol sa mga ito ay isang pagdurusang palagian,

¹⁰maliban sa sinumang humahablot ng hablot [na salita] ngunit sinusundan siya ng isang ningas na nanunuot.

¹¹Kaya magsiyasat ka sa kanila [na nagkakaila ng pagkabuhay]: “Sila ba ay higit na matindi sa pagkakalikha o ang [ibang] nilikha Namin?” Tunay na Kami ay lumikha sa kanila mula sa isang putik na malagkit.

¹²Bagkus namangha ka [sa kapalaluan nila] habang nanunuya sila [sa iyo at sa Qur’ān].

¹³Kapag pinaalalahanan sila ay hindi sila nag-aalaala.

¹⁴Kapag nakakita sila ng isang tanda ay ipinatutuya nila.

¹⁵Nagsasabi sila: “Walang iba ito kundi isang panggagaway na malinaw.

¹⁶Kapag namatay ba kami at kami ay naging alabok at mga buto, tunay bang kami ay talagang mga bubuhayin [mula sa pagkamatay]

¹⁷at ang mga ninuno ba naming sinauna?”

¹⁸Sabihin mo: “Oo, at kayo ay mga aabahin.”

¹⁹Saka ito ay nag-iisang bulyaw lamang, saka biglang sila ay nakatingin.

²⁰Magsasabi sila: “O kapighatian sa amin! Ito ay ang Araw ng Pagtutumbas.”

²¹[Sasabihin sa kanila:] “Ito ay ang Araw ng Pagpapasya na kayo dati dito ay nagpapasinungaling.”

²²[Sasabihin sa mga anghel]: “Kalapin ninyo ang mga lumabag sa katarungan, ang mga kauri nila, at ang anumang dati nilang sinasamba

²³bukod pa kay Allāh, saka patnubayan ninyo sila tungo sa landasin ng Impiyerno,

²⁴at patigilin ninyo sila; tunay na sila ay mga pananagutin.”

²⁵[Sasabihin]: “Ano ang mayroon sa inyo [na mga tagatangging sumampalataya] na hindi kayo nag-aadyaan?”

²⁶Bagkus sila sa Araw na iyon ay mga susuko.

²⁷Lalapit ang iba sa kanila sa iba pa, na nagtatanungan.

²⁸Magsasabi sila: “Tunay kayo ay dating pumupunta sa amin buhat sa kanan.”

²⁹Magsasabi sila: “Bagkus hindi kayo dati mga mananampalataya.

³⁰Hindi kami nagkaroon sa inyo ng anumang kapamahalaan; bagkus kayo dati ay mga taong tagapagmalabis.

³¹Kaya nagindapat sa atin ang pag-atas ng Panginoon natin; tunay na tayo ay talagang mga lalasap [ng pagdurusa].

³²Kaya naglisya kami sa inyo; tunay na kami ay dating mga nalilisya.”

³³Kaya tunay na sila sa Araw na iyon sa pagdurusa ay mga lumalahok.

³⁴Tunay na Kami ay gagawa ng gayon sa mga salarin.

³⁵Tunay na sila dati, kapag sinabi sa kanila na walang Diyos [na karapat-dapat sa pagsamba] kundi si Allāh, ay nagmamalaki

³⁶at nagsasabi: “Tunay na kami ba ay talagang mga mag-iiwan sa mga diyos namin dahil sa isang manunulang baliw?”

³⁷Bagkus naghatid siya, [si Propeta Muḥammad], ng katotohanan at nagpatotoo sa mga [naunang] isinugo [ni Allāh].

³⁸Tunay na kayo ay talagang mga lalasap ng pagdurusang masakit.

³⁹Hindi kayo ginagantihan maliban ng ayon sa dati ninyong ginagawa,

⁴⁰maliban sa mga itinanging lingkod ni Allāh.

⁴¹Ang mga iyon ay may ukol sa kanila na isang panustos na nalalaman [sa Paraiso]:

⁴²mga bungang-kahoy, habang sila ay mga pinararangalan

⁴³sa mga hardin ng kaginhawahan,

⁴⁴sa mga kama na mga magkakaharap.

⁴⁵Magpapaikot sa kanila ng kopa [ng alak] mula sa isang [bukal na] umaagos,

⁴⁶na maputi, na kasarapan para sa mga iinom.

⁴⁷Wala ritong kalanguan ni sila buhat dito ay palalasingin.

⁴⁸Sa piling nila ay may mga babaing naglilimita ng sulyap, na [may magandang] mga mata,

⁴⁹na para bang sila ay mga itlog na itinatago.

⁵⁰Kaya lalapit ang iba sa kanila sa iba pa habang nagtatanungan.

⁵¹Sasabihin ng isang magsasabi kabilang sa kanila: “Tunay na ako ay dating may isang kapisan

⁵²na nagsasabi: “Tunay na ikaw ba ay talagang kabilang sa mga tagapagpatotoo [sa pagbuhay ng mga patay]?

⁵³Kapag ba namatay ba kami at kami ay naging alabok at mga buto, tunay bang kami ay talagang mga tutumbasan?”

⁵⁴Magsasabi ito: “Kayo kaya ay mga titingin?”

⁵⁵Kaya titingin ito saka makikita nito iyon sa kalagitnaan ng Impiyerno.

⁵⁶Magsasabi ito: “Sumpa man kay Allāh, tunay na muntik ka talagang sumawi sa akin.

⁵⁷Kung hindi dahil sa biyaya ng Panginoon ko, talaga sanang ako ay naging kabilang na sa mga padadaluhin [sa pagdurusa].

⁵⁸Kaya ba tayo ay hindi mga namatay,

⁵⁹maliban sa pagkamatay nating una, at tayo ay hindi mga pagdurusahin?”

⁶⁰Tunay na ito ay talagang ang pagkatamong sukdulan.

⁶¹Para sa tulad nito ay gumawa ang mga tagagawa.

⁶²Iyon ba ay higit na mabuti bilang tuluyan o ang puno ng zaqqūm?

⁶³Tunay na Kami ay gumawa roon bilang pagsubok para sa mga tagalabag sa katarungan.

⁶⁴Tunay na ito ay isang punong-kahoy na lumalabas sa ugat ng Impiyerno.

⁶⁵Ang mga usbong nito ay para bang ang mga iyon ay mga ulo ng mga demonyo.

⁶⁶Saka tunay na sila ay talagang mga kakain mula rito saka mga pupuno mula rito ng mga tiyan [nila].

⁶⁷Pagkatapos tunay na ukol sa kanila higit doon ay talagang isang halo ng nakapapasong tubig.

⁶⁸Pagkatapos tunay na ang babalikan nila ay talagang tungo sa Impiyerno.

⁶⁹Tunay na sila ay nakasumpong sa mga magulang nila na mga naliligaw.

⁷⁰Kaya sila sa mga bakas ng mga iyon ay nag-aapura.

⁷¹Talaga ngang naligaw bago nila ang higit na marami sa mga sinauna.

⁷²Talaga ngang nagsugo Kami sa gitna nila ng mga tagapagbabala.

⁷³Kaya tumingin ka kung papaano naging ang kinahinatnan ng mga binalaan [ngunit hindi pumansin],

⁷⁴maliban sa mga itinanging lingkod ni Allāh.

⁷⁵Talaga ngang nanawagan sa Amin si Noe, saka talagang kay inam ang Tagatugon [sa panalangin].

⁷⁶Nagligtas Kami sa kanya at sa mag-anak niya mula sa dalamhating sukdulan [ng paggunaw].

⁷⁷Gumawa Kami sa mga supling niya na sila ay ang mga natitira.

⁷⁸Nag-iwan Kami para sa kanya ng [magandang alaala] sa mga nahuli.

⁷⁹Kapayapaan ay sumakay Noe sa mga nilalang.

⁸⁰Tunay na Kami ay gayon gumaganti sa mga tagagawa ng maganda.

⁸¹Tunay na siya ay kabilang sa mga lingkod Naming mga mananampalataya.

⁸²Pagkatapos nilunod Namin ang mga iba pa.

⁸³Tunay na kabilang sa kakampi niya ay talagang si Abraham

⁸⁴noong dumating siya sa Panginoon niya nang may pusong malinis,

⁸⁵noong nagsabi siya sa ama niya at mga kababayan niya: “Ano ang sinasamba ninyo?

⁸⁶Isang panlilinlang ba na mga diyos bukod pa kay Allāh, na ninanais ninyo?

⁸⁷Kaya ano ang palagay ninyo sa Panginoon ng mga nilalang?”

⁸⁸Kaya tumingin siya nang isang tingin sa mga bituin,

⁸⁹saka nagsabi: “Tunay na ako ay [magiging] maysakit.”

⁹⁰Kaya tumalikod sila palayo sa kanya habang mga lumilisan.

⁹¹Kaya tumalilis siya sa mga diyos nila saka nagsabi: “Hindi ba kayo kumakain [ng mga alay sa inyo]?

⁹²Ano ang mayroon sa inyo na hindi kayo bumibigkas?”

⁹³Kaya tumalilis siya laban sa kanila ng isang hampas sa pamamagitan ng kanang kamay.

⁹⁴Kaya lumapit [ang mga mananamba ng anito] patungo sa kanya, na kumakaripas.

⁹⁵Nagsabi [si Abraham]: “Sumasamba ba kayo sa nilililok ninyo

⁹⁶samantalang si Allāh ay lumikha sa inyo at sa ginagawa ninyo?”

⁹⁷Nagsabi sila: “Magpatayo kayo para sa kanya ng isang gusali, saka itapon ninyo siya sa Impiyerno.”

⁹⁸Kaya nagnais sila sa kanya ng isang panlalansi ngunit gumawa Kami sa kanila bilang ang mga pinakamababa.

⁹⁹Nagsabi [si Abraham]: “Tunay na ako ay pupunta sa Panginoon ko; magpapatnubay Siya sa akin.

¹⁰⁰Panginoon ko, magkaloob Ka para sa akin [ng anak] kabilang sa mga maayos.”

¹⁰¹Kaya nagbalita Kami sa kanya ng nakagagalak hinggil sa isang batang matimpiin.

¹⁰²Kaya noong umabot ito kasama sa kanya sa [gulang ng] pagpupunyagi ay nagsabi siya: “O munting anak ko, tunay na ako ay nakakikita sa pagtulog na ako ay kumakatay sa iyo, kaya tumingin ka kung ano nakikita mo.” Nagsabi si Ismael: “O ama ko, gawin mo po ang ipinag-uutos sa iyo. Matatagpuan mo po ako, kung niloob ni Allāh, kabilang sa mga nagtitiis.”

¹⁰³Kaya noong nagpasakop silang dalawa [si utos ni Allāh] at naglapag siya rito sa noo,

¹⁰⁴nanawagan Kami sa kanya, [na nagsasabi]: “O Abraham,

¹⁰⁵nagpatotoo ka nga sa panaginip. Tunay na Kami ay gayon gumaganti sa mga tagagawa ng maganda.”

¹⁰⁶Tunay na ito ay talagang ang paglilitis na malinaw.

¹⁰⁷Tumubos Kami kay Ismael sa pamamagitan ng isang alay na dakila.

¹⁰⁸Nag-iwan Kami para sa kanya [ng magandang pag-alaala] sa mga nahuli.

¹⁰⁹Kapayapaan ay sumakay Abraham.

¹¹⁰Gayon Kami gumaganti sa mga tagagawa ng maganda.

¹¹¹Tunay na siya ay kabilang sa mga lingkod Naming mga mananampalataya.

¹¹²Nagbalita Kami sa kanya ng nakalulugod hinggil kay Isaac bilang propeta kabilang sa mga maayos.

¹¹³Pinagpala Namin siya at si Isaac. Mayroon sa mga supling nilang dalawa na tagagawa ng maganda at malinaw na tagalabag sa katarungan sa sarili nito.

¹¹⁴Talagang nagmagandang-loob Kami kina Moises at Aaron.

¹¹⁵Nagligtas Kami sa kanilang dalawa at sa mag-anak nilang dalawa mula sa dalamhating sukdulan [ng pang-aalipin].

¹¹⁶Nag-adya Kami sa kanila kaya sila ay naging ang mga nananaig.

¹¹⁷Nagbigay Kami sa kanilang dalawa ng kasulatang nagpapalinaw.

¹¹⁸Nagpatnubay Kami sa kanilang dalawa sa landasing tuwid.

¹¹⁹Nag-iwan Kami para sa kanilang dalawa ng [magandang alaala] sa mga nahuli.

¹²⁰Kapayapaan ay sumakina Moises at Aaron.

¹²¹Tunay na Kami ay gayon gumaganti sa mga tagagawa ng maganda.

¹²²Tunay na silang dalawa ay kabilang sa mga lingkod Naming mga mananampalataya.

¹²³Tunay na si Elias ay talagang kabilang sa mga isinugo,

¹²⁴noong nagsabi siya sa mga kalipi niya: “Hindi ba kayo mangingilag magkasala?

¹²⁵Dumadalangin ba kayo kay Baal [na anito] at nagtatatwa kayo sa pinakamaganda sa gawa sa mga tagalikha,

¹²⁶kay Allāh na Panginoon ninyo at Panginoon ng mga ninuno ninyong mga sinauna?”

¹²⁷Ngunit nagpasinungaling sila sa kanya kaya tunay na sila ay talagang mga padadaluhin [sa Impiyerno],

¹²⁸maliban sa mga itinanging lingkod ni Allāh.

¹²⁹Nag-iwan Kami para sa kanya ng [magandang alaala] sa mga nahuli.

¹³⁰Kapayapaan ay sumakay Elias.

¹³¹Tunay na Kami ay gayon gumaganti sa mga tagagawa ng maganda.

¹³²Tunay na siya ay kabilang sa mga lingkod Naming mga mananampalataya.

¹³³Tunay na si Lot ay talagang kabilang sa mga isinugo.

¹³⁴[Banggitin] noong nagligtas Kami sa kanya at sa mag-anak niya nang lahat-lahat,

¹³⁵maliban sa isang matandang babae [na maybahay niya na kabilang] sa mga nagpapaiwan.

¹³⁶Pagkatapos winasak Namin ang mga iba.

¹³⁷Tunay na kayo ay talagang nagdaraan sa kanila sa umaga

¹³⁸at sa gabi. Kaya hindi ba kayo nakapag-uunawa?

¹³⁹Tunay na si Jonas ay talagang kabilang sa mga isinugo [ni Allāh].

¹⁴⁰[Banggitin] noong tumakas siya patungo sa daong na nilulanan.

¹⁴¹Kaya nakipagpalabunutan siya ngunit siya ay naging kabilang sa mga natalo.

¹⁴²Kaya nilamon siya ng isda habang siya masisisi.

¹⁴³Kaya kung hindi dahil siya ay naging kabilang sa mga tagapagluwalhati [kay Allāh],

¹⁴⁴talaga sanang namalagi siya sa tiyan niyon hanggang sa Araw na bubuhayin sila [para tuusin].

¹⁴⁵Ngunit itinapon Namin siya sa baybaying hungkag habang siya ay maysakit.

¹⁴⁶Nagpatubo Kami sa ibabaw niya ng isang puno ng malakalabasa.

¹⁴⁷Nagsugo Kami sa kanya sa isang daang libo o nakahihigit sila.

¹⁴⁸Kaya sumampalataya sila kaya nagpatamasa Kami sa kanila hanggang sa isang panahon.

¹⁴⁹Kaya magsiyasat ka sa kanila: “Ukol ba sa Panginoon mo ang mga anak na babae samantalang ukol sa kanila ang mga anak na lalaki?”

¹⁵⁰O lumikha ba Kami ng mga anghel bilang mga babae habang sila ay mga sumasaksi?

¹⁵¹Pansinin, tunay na sila dala ng panlilinlang nila ay talagang nagsasabi:

¹⁵²“Nagkaanak si Allāh.” Tunay na sila ay talagang mga sinungaling.

¹⁵³Humirang ba Siya ng mga anak na babae higit sa mga anak na lalaki?

¹⁵⁴Ano ang mayroon sa inyo? Papaano kayong humahatol?[1]

¹⁵⁵Kaya hindi ba kayo nagsasaalaala?[2]

¹⁵⁶O mayroon ba kayong isang katunayang malinaw?

¹⁵⁷Kaya maglahad kayo ng kasulatan ninyo kung kayo ay mga tapat.

¹⁵⁸Gumawa sila sa pagitan Niya at ng mga [anghel na] nakakubli ng isang pagkakamag-anak. Talaga ngang nalaman ng mga [anghel na] nakakubli na tunay na sila ay talagang mga padadaluhin [sa pagtutuos].

¹⁵⁹Kaluwalhatian kay Allāh higit sa anumang inilalarawan nila [na maling paniniwala],

¹⁶⁰maliban sa mga itinanging lingkod ni Allāh.

¹⁶¹Kaya tunay na kayo at ang anumang sinasamba ninyo,

¹⁶²kayo palayo sa Kanya ay hindi mga makatutukso,

¹⁶³maliban sa sinumang masusunog sa Impiyerno.

¹⁶⁴[Magsasabi ang mga anghel]: “Walang kabilang sa amin malibang mayroon siyang isang katayuang nalalaman.

¹⁶⁵Tunay na kami [na mga anghel] ay talagang kami ang mga nakahilera [sa pagsamba kay Allāh].

¹⁶⁶Tunay na kami ay talagang kami ang mga tagapagluwalhati.”

¹⁶⁷Tunay na sila [na mga tagapagtambal] ay talagang nagsasabi dati:

¹⁶⁸“Kung sakaling mayroon tayong isang paalaala mula sa mga sinauna,

¹⁶⁹talaga sanang tayo ay naging mga itinatanging lingkod ni Allāh.”

¹⁷⁰Ngunit tumanggi silang sumampalataya rito, kaya malalaman nila.

¹⁷¹Talaga ngang nauna ang salita Namin para sa mga lingkod Naming mga isinugo:

¹⁷²Tunay na sila, ukol sa kanila [na maging] ang mga iaadya;

¹⁷³at tunay na ang mga kawal Namin, ukol sa kanila [na maging] ang tagadaig.

¹⁷⁴Kaya tumalikod ka palayo sa kanila [na mga tagatangging sumampalataya] hanggang sa isang panahon.

¹⁷⁵Tumingin ka sa kanila [na parurusahan] sapagkat makikita nila.

¹⁷⁶Kaya ba sa pagdurusang dulot Namin ay nagmamadali sila?

¹⁷⁷Ngunit kapag bumaba ito sa bakuran nila, kay sagwa ang umaga ng mga binalaan!

¹⁷⁸Tumalikod ka palayo sa kanila hanggang sa isang panahon.

¹⁷⁹Tumingin ka sapagkat makikita nila.

¹⁸⁰Kaluwalhatian sa Panginoon mo, ang Panginoon ng Kapangyarihan, higit sa anumang inilalarawan nila [na mga katangian ng kakulangan].

¹⁸¹Kapayapaan sa mga isinugo [ni Allāh].

¹⁸²Ang papuri ay ukol kay Allāh, ang Panginoon ng mga nilalang.