Al-Buruj

¹Sumpa man sa langit na may mga konstelasyon,

²sumpa man sa Araw na ipinangako,

³sumpa man sa isang tagasaksi[1] at sa isang sinasaksihan;

⁴isinumpa ang mga kasamahan ng bambang

⁵na [may] apoy na may panggatong,

⁶noong sila sa tabi nito ay mga nakaupo

⁷habang sila, sa ginagawa nila sa mga mananampalataya, ay mga saksi.

⁸Hindi sila naghinanakit sa mga ito maliban na sumampalataya ang mga ito kay Allāh, ang Makapangyarihan, ang Kapuri-puri,

⁹na sa Kanya ang paghahari sa mga langit at lupa. Si Allāh, sa bawat bagay, ay Saksi.

¹⁰Tunay na ang mga umusig sa mga lalaking mananampalataya at mga babaing mananampalataya, pagkatapos hindi sila nagbalik-loob, ay ukol sa kanila ang pagdurusa sa Impiyerno at ukol sa kanila ang pagdurusa ng pagsusunog.

¹¹Tunay na ang mga sumampalataya at gumawa ng mga maayos, ukol sa kanila ay mga hardin na dumadaloy mula sa ilalim ng mga ito ang mga ilog. Iyon ang pagkatamong malaki.

¹²Tunay na ang pagsunggab[2] ng Panginoon mo ay talagang matindi.

¹³Tunay na Siya ay nagpapasimula [ng paglikha] at nagpapanumbalik [nito].

¹⁴Siya ay ang Mapagpatawad, ang Mapagmahal,

¹⁵ang May trono, ang Maringal,

¹⁶palagawa ng anumang ninanais Niya.

¹⁷Nakarating kaya sa iyo ang sanaysay ng mga kawal

¹⁸ni Paraon at ng [liping] Thamūd?

¹⁹Bagkus ang mga tumangging sumampalataya ay nasa isang pagpapasinungaling,

²⁰samantalang si Allāh, mula sa likuran nila, ay Tagapaligid.

²¹Bagkus ito ay isang Qur’ān na maringal,

²²na nasa isang Tablerong Pinag-iingatan.