Al-Muddaththir

¹O nagtatalukbong,[1]

²bumangon ka saka magbabala ka.[2]

³Sa Panginoon mo ay dumakila ka.

⁴Sa mga damit mo ay magdalisay ka.

⁵Sa kasalaulaan[3] ay lumayo ka.

⁶Huwag kang magmagandang-loob habang humihiling ka ng marami.

⁷Alang-alang sa Panginoon mo ay magtiis ka.

⁸Kaya kapag nagpatunog sa trumpeta,

⁹iyon, sa araw na iyon, ay isang araw na mahirap,

¹⁰sa mga tagatangging sumampalataya ay hindi madali.

¹¹Hayaan mo Ako at ang nilikha Ko nang mag-isa.

¹²Gumawa Ako para sa kanya ng isang yamang pinalawak

¹³at mga anak na kapiling.

¹⁴Nagpaalwan Ako sa kanya sa isang pagpapaaalwan.

¹⁵Pagkatapos naghahangad siya na magdagdag Ako.

¹⁶Aba’y hindi! Tunay na siya sa mga tanda Namin ay mapagmatigas.

¹⁷Magpapabigat[4] Ako sa kanya ng isang pahirap.

¹⁸Tunay na siya ay nag-isip at nagtakda.

¹⁹Kaya panaigan nawa siya kung papaano siyang nagtakda!

²⁰Pagkatapos panaigan nawa siya kung papaano siyang nagtakda!

²¹Pagkatapos nagmasid siya.

²²Pagkatapos nagkunut-noo siya at sumimangot siya.

²³Pagkatapos tumalikod siya [sa pananampalataya] at nagmalaki siya.

²⁴Kaya nagsabi siya: “Walang iba [ang Qur’ān na] ito ay kundi isang panggagaway na ipinapasa-pasa.

²⁵Walang iba ito ay kundi sabi ng tao.”

²⁶Magsusunog Ako sa kanya sa Saqar.

²⁷Ano ang nagpabatid sa iyo kung ano ang Saqar?

²⁸Hindi ito nagtitira at hindi ito nag-iiwan.

²⁹Isang tagapagtupok ng mga balat,

³⁰sa ibabaw nito ay may labingsiyam [na anghel].[5]

³¹Hindi Kami naglagay[6] ng mga tanod ng Apoy maliban ng mga anghel. Hindi Kami gumawa sa bilang nila malibang bilang pagsubok para sa mga tumangging sumampalataya upang makatiyak ang mga [Hudyo at mga Kristiyano na] binigyan ng Kasulatan, madagdagan ang mga sumampalataya ng pananampalataya, at hindi mag-alinlangan ang mga [Hudyo at mga Kristiyano na] binigyan ng Kasulatan at ang mga mananampalataya, at upang magsabi ang mga sa mga puso nila ay may sakit at ang mga tagatangging sumampalataya: “Ano ang ninais ni Allāh dito bilang paghahalintulad?” Gayon nagliligaw si Allāh sa sinumang niloloob Niya at nagpapatnubay sa sinumang niloloob Niya. Walang nakaaalam sa mga kawal ng Panginoon mo kundi Siya. Walang iba ito kundi isang paalaala para sa mga tao.

³²Aba’y hindi! Sumpa man sa buwan,[7]

³³sumpa man sa gabi kapag tumalikod ito,

³⁴sumpa man sa madaling-araw kapag nagliwanag ito;

³⁵tunay na [ang Apoy na] ito ay isa sa mga pinakamalaki

³⁶bilang pagbabala para sa mga tao,

³⁷para sa sinumang lumuob kabilang sa inyo na mauna o maantala.

³⁸Bawat kaluluwa sa nakamit nito ay nakasangla,

³⁹maliban sa mga kasamahan ng kanan,

⁴⁰na sa mga Hardin ay magtatanungan sila

⁴¹tungkol sa mga salarin:

⁴²“Ano ang nagpasok sa inyo sa Saqar?”

⁴³Magsasabi ang mga ito: “Hindi kami dati kabilang sa mga nagdarasal,

⁴⁴hindi kami dati nagpapakain sa dukha,

⁴⁵kami dati ay sumusuong [sa kabulaanan] kasama sa mga sumusuong [sa kabulaanan],

⁴⁶at kami dati ay nagpapabula sa Araw ng Pagtutumbas,

⁴⁷hanggang sa pumunta sa amin ang katiyakan [ng kamatayan].”

⁴⁸Kaya hindi magpapakinabang sa kanila ang pamamagitan ng mga tagapamagitan.

⁴⁹Kaya ano ang mayroon sa kanila na sa pagpapaalaala ay mga tagaayaw?

⁵⁰Para bang sila ay mga asnong ligaw na naiilang,

⁵¹na tumakas mula sa isang leyon.

⁵²Bagkus nagnais ang bawat tao kabilang sa kanila na bigyan ng mga pahinang iniladlad.

⁵³Aba’y hindi! Bagkus hindi sila nangangamba sa Kabilang-buhay.

⁵⁴Aba’y hindi! Tunay na [ang Qur’ān na] ito ay isang pagpapaalaala.

⁵⁵Kaya ang sinumang lumuob ay mag-alaala siya nito.

⁵⁶Hindi sila nag-aalaala maliban na loobin ni Allāh. Siya ay ang karapat-dapat sa pangingilag magkasala at ang karapat-dapat sa pagpapatawad.