Al-Haqqah

¹Ang Magkakatotoo.

²Ano ang Magkakatotoo?

³Ano ang nagpabatid sa iyo kung ano ang Magkakatotoo?

⁴Nagpasinungaling ang [liping] Thamūd at ang [liping] `Ād sa Tagadagok.[1]

⁵Kaya hinggil naman sa [liping] Thamūd, ipinahamak sila sa pamamagitan ng labis-labis [na sigaw].

⁶Hinggil naman sa [liping] `Ād, ipinahamak sila sa pamamagitan ng isang hanging malamig[2] na nangangalit.

⁷Nagpataw Siya nito sa kanila ng pitong gabi at walong araw na magkakasunod, kaya makakikita ka sa mga tao roon na mga nakabuwal na para bang sila ay mga tuod ng punong datiles na hungkag.

⁸Kaya nakakikita ka ba para sa kanila ng anumang natitira?

⁹Naghatid si Paraon, ang bago niya, at ang mga [naninirahan sa mga bayang] pinagtauban ng kasalanan

¹⁰sapagkat sumuway sila sa sugo ng Panginoon nila, kaya dumaklot Siya sa kanila sa isang pagdaklot na lumulubha.

¹¹Tunay na Kami, noong umapaw ang tubig, ay nagdala sa inyo sa nagpapatianod[3]

¹²upang gumawa Kami nito para sa inyo bilang pagpapaalaala at magkamalay rito ang isang taingang nagkakamalay.

¹³Kaya kapag umihip sa tambuli nang nag-iisang pag-ihip,

¹⁴at dinala ang lupa at ang mga bundok, saka dinurog ang mga ito nang nag-iisang pagdurog,

¹⁵sa araw na iyon ay magaganap ang Magaganap.

¹⁶Mabibiyak ang langit sapagkat ito sa araw na iyon ay marupok.

¹⁷Ang mga anghel ay nasa mga gilid nito. May magpapasan, sa Trono ng Panginoon mo sa ibabaw nila sa araw na iyon, na walong [anghel].

¹⁸Sa Araw na iyon ay itatanghal kayo [para tuusin]; walang nakakukubli mula sa inyo na isang tagakubli.

¹⁹Kaya hinggil naman sa bibigyan ng talaan [ng mga gawa] niya sa kanang kamay niya, magsasabi siya: “Kunin ninyo; basahin ninyo ang talaan ko.

²⁰Tunay na ako ay nakatiyak na ako ay makikipagkita sa pagtutuos sa akin.”

²¹Kaya siya ay nasa isang pamumuhay na nalulugod,

²²sa isang harding mataas,

²³na ang mga napipitas doon ay naaabot.

²⁴[Sasabihan sa kanila]: “Kumain kayo at uminom kayo nang kaiga-igaya dahil sa inuna ninyo sa mga araw na nagdaan.”

²⁵Hinggil naman sa bibigyan ng talaan niya sa kaliwang kamay niya, magsasabi siya: “O kung sana ako ay hindi binigyan ng talaan ko

²⁶at hindi nakabatid sa kung ano ang pagtutuos sa akin!

²⁷O kung sana [ang kamatayang] ito ay naging ang tagapagpawakas!

²⁸Hindi nakapagpakinabang para sa akin ang yaman ko.

²⁹Napahamak sa akin ang kapamahalaan ko.”

³⁰[Sasabihin]: “Kunin ninyo siya at ikulyar ninyo siya.

³¹Pagkatapos sa Impiyerno ay sumunog kayo sa kanya.

³²Pagkatapos sa isang tanikalang ang haba nito ay pitumpung bisig ay isuot ninyo siya.”

³³Tunay na siya dati ay hindi sumasampalataya kay Allāh, ang Sukdulan.

³⁴at hindi humihimok sa pagpapakain sa dukha.

³⁵Kaya walang ukol sa kanya sa Araw na ito rito na isang tagapagtanggol,

³⁶at walang pagkain kundi mula sa isang tagas ng sugat.

³⁷Walang kakain niyon kundi ang mga nagkakasala.

³⁸Kaya talagang Ako ay sumusumpa sa anumang nakikita ninyo

³⁹at anumang hindi ninyo nakikita.

⁴⁰Tunay na [ang Qur’ān na] ito ay talagang sinabi [ni Allāh] sa isang Sugong marangal.

⁴¹Ito ay hindi sinabi ng isang manunula. Kaunti ang sinasampalatayanan ninyo!

⁴²Hindi [ito] sinabi ng isang manghuhula. Kaunti ang isinasaalaala ninyo!

⁴³Isang pagbababa [ito] mula sa Panginoon ng mga nilalang.

⁴⁴Kung sakaling nagsabi-sabi siya[4] laban sa Amin ng ilang mga sabi-sabi,

⁴⁵talaga sanang dumaklot Kami sa kanya sa pamamagitan ng kanang kamay,

⁴⁶pagkatapos talaga sanang pumutol Kami mula sa kanya ng ugat sa puso,

⁴⁷saka walang kabilang sa inyo na isa man, na para sa kanya ay mga makahahadlang [sa Amin].

⁴⁸Tunay na [ang Qur’ān na] ito ay talagang isang pagpapaalaala para sa mga tagapangilag magkasala.

⁴⁹Tunay na Kami ay talagang nakaaalam na mayroon sa inyo na mga tagapagpasinungaling.

⁵⁰Tunay na ito ay talagang isang [dahilan ng] panghihinayang sa mga tagatangging sumampalataya.

⁵¹Tunay na [ang Qur’ān na] ito ay talagang ang katotohanan ng katiyakan.

⁵²Kaya magluwalhati ka sa ngalan ng Panginoon mo, ang Sukdulan.