Al-'Adiyat

¹Sumpa man sa mga [kabayong] tumatakbo habang humihingal,

²saka sa mga nagpapaningas habang nakikiskis [ang mga kuko],

³saka mga nanlulusob sa madaling-araw,

⁴saka bumulabog ang mga ito sa pamamagitan nito ng mga alikabok,

⁵saka pumagitna ang mga ito dahil dito sa isang pagtitipon [ng mga kaaway];

⁶tunay na ang tao, sa Panginoon niya, ay talagang isang mapagkaila.

⁷Tunay na siya roon ay talagang isang saksi.

⁸Tunay na siya, sa pag-ibig sa kayamanan, ay talagang matindi.

⁹Kaya hindi ba siya nakaaalam kapag hinalukay ang nasa mga puntod

¹⁰at itinanghal ang nasa mga dibdib,

¹¹tunay na ang Panginoon nila sa kanila, sa Araw na iyon, ay talagang Mapagbatid.