Al-Infitar

¹Mbingu itakapochanika.

²Na nyota zitakapotawanyika.

³Na bahari zitakapopasuliwa.

⁴Na makaburi yatakapofukuliwa.

⁵Hapo kila nafsi itajua ilichotanguliza, na ilichobakisha nyuma.

⁶Ewe mwanadamu! Nini kilichokudanganya ukamwacha Mola wako Mlezi Mtukufu?

⁷Aliyekuumba, akakuweka sawa, akakunyoosha.

⁸Katika sura yoyote aliyoipenda akakujenga.

⁹Sivyo hivyo! Bali nyinyi mnaikanusha Siku ya Malipo.

¹⁰Na hakika bila ya shaka wapo walinzi juu yenu.

¹¹Waandishi wenye heshima.

¹²Wanayajua mnayoyatenda.

¹³Hakika wema bila ya shaka watakuwa katika neema.

¹⁴Na hakika waovu bila ya shaka watakuwa Motoni.

¹⁵Wataingia humo Siku ya Malipo.

¹⁶Na hawatoacha kuwamo humo.

¹⁷Na nini kitakachokujulisha Siku ya Malipo ni siku gani?

¹⁸Tena nini kitakachokujulisha Siku ya Malipo ni siku gani?

¹⁹Siku ambayo nafsi haitakuwa na mamlaka yoyote juu ya nafsi nyingine; na amri yote siku hiyo ni ya Mwenyezi Mungu tu.