العاديات
The Chargers • 11 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1හති දමමින් වේගයෙන් දිව යන්නන් මත දිවුරමින්,
2කුර ගැටීමෙන් ගිනි පුපුරු නංවන්නන් මත ද,
3තවද අලුයමෙහි ආක්රමණය කරන්නන් මත ද (දිවුරමින්.)
4එවිට එමඟින් උන් දූවිලි නංවති.
5කණ්ඩායම් වශයෙන් (සතුරන්) මැදට පිවිසෙති.
6නියත වශයෙන් ම මිනිසා තම පරමාධිපතිට ගුණමකු ය.
7තවද ඇත්තෙන් ම ඔහු එයට සාක්ෂිකරුවෙක් වේ.
8තවද ඇත්තෙන් ම ඔහු වස්තුවට දැඩි ලෙස ඇලුම් කරන්නෙක් වේ.
9එහෙත් මිනීවළවල් තුළ ඇති දෑ පිට කරනු ලබන වග ඔහු නො දන්නේ ද?
10තවද හදවත් තුළ ඇති දෑ හෙළි කරනු ලබන වග (ඔහු නො දන්නේ) ද?
11නියත වශයෙන් ම එදින ඔවුන්ගේ පරමාධිපති ඔවුන් පිළිබඳව අභිඥානවන්ත ය.