Ash-Shams

¹M wẽen ne wĩntoogã la a sõorã.

²La ne kiuugã t'a sã n wa pʋglg wĩndgã.

³La ne wĩntoogã t'a sã n wɑ vẽnege.

⁴La ne yʋng t'a sã n wa lut kiuugã.

⁵La ne saagã la bũmb ning sẽn me-a wã.

⁶La M wẽen ne Tẽngã la ɑ yɑdgrã.

⁷La ne yõore, la bũmb ning sẽn yõgen-a wã.

⁸t'A lεεms-a (yõorã) a kɩɩsgã la a wẽn-zoeerã!

⁹Hakɩɩka ned ning sẽn yɩlg-a tɩlgame.

¹⁰La hakɩɩka! Ned ning sẽn rẽgem-a bõname.

¹¹Samuud rãmb yagsame b kedgrã yĩnga.

¹²B sẽn wa n tʋms b zu-be-nedã.

¹³Tɩ Wẽnd Tẽn-tʋʋmã yeel-ba: "gũus-y Wẽnd yʋgemdã la a yũnugrã.

¹⁴Tɩ b yags-a, n kõs yʋgemdã, tɩ b Soabã halk-b b zunuubã yĩnga, n zems b sɩbgrã tɩ yɑɑ yembre.

¹⁵A mɑɑnɑ rẽ n nɑms-bɑ, n pɑ yaeesd yell bɑɑ fʋɩ nɑ n wɑ yɩ ye.