An-Nazi'at

¹M wẽen ne malεgs nins sẽn võogd kɩfr-dãmbã yõyã pãng-pãngã.

²La ne [malεgs nins] sẽn reegd sɩd-kõtbã yõyã yol-yolã.

³La ne sigdbã tɩ b yaa sẽn laande.

⁴La ne põsdbã sẽn rengd taab n na mɑɑn Wẽnd sɑglgã.

⁵La ne mɑlεgs nins sẽn yikd ne Wẽnd sɑglsã m mɑɑnd-ɑ wã.

⁶Raar ning rĩmsgã sẽn na n rĩmsã (Baorgã fʋʋs raẽengã).

⁷Tɩ fʋʋsg a yiibẽ soabã pʋgl-a.

⁸Baraare sũy n rigimdidi.

⁹B ninã yaa sẽn nodge.

¹⁰B yetame: "rẽ yĩnga b na n lebs-d-la yiibã zĩigẽ (dũni)."

¹¹Tɩ tõnd sã n wa lebg kõab sẽn weele.

¹²B yetame: "rẽnda yaa bõn lebgre".

¹³La ad yẽnda yaa tãs-vuk bala.

¹⁴Tɩ bãmb yaa sẽn be vʋʋgr n be rasempʋɩɩgẽ wã.

¹⁵Rẽ yĩngã a Musa kibarã waa fo nengẽ?

¹⁶Wakat ning a Soabã sẽn wa n boaal-a Ṭuuwaa koso-yɩlengẽ wã.

¹⁷Kẽng a Fɩr-ʿaoon nengẽ, bala a kedgame.

¹⁸N tɩ yεεl-a "rẽ yĩnga f na sak n yɩlg f menga?"

¹⁹Tɩ m peeg-f n tʋg f Soabẽ wã tɩ f yaees-A .

²⁰T'a wilg-a yel-soalem bεdã.

²¹T'a yags la a kɩɩse.

²²Rẽ poorẽ, a gõda a kuidg n fãeesdẽ.

²³N tʋg n tigim ɑ tãpã n moone.

²⁴N yeele: "Maam la yãmb soaben-zẽkdgã".

²⁵Tɩ Wẽnd wẽbg-a ne Yaoolem la Dũni naongã.

²⁶Ad bãng-yam be rẽnda pʋgẽ ne ned ning sẽn yaeesda.

²⁷Rẽ yĩnga yãmb naaneg n yɩɩd keelem bɩ yaa saagã? Wẽnd sẽn me-a wã.

²⁸A zẽka a beoongã n zems a taaba.

²⁹N sobg a yʋngã la A vẽneg a wĩndgã.

³⁰La Tẽngã, rẽ poorẽ lɑ A yɑdg-a.

³¹A yiisa a pʋgẽ a koomã la a yamdã.

³²La tãmsã, A sεl-b lame.

³³Yaa wʋm-noog ne yãmb la y rũmsã.

³⁴La yel-bed-kεgengã sã n wa( bɑrgã fʋʋs yɩlengã).

³⁵Raar ning ninsaal sẽn na n tagsd bũmb ning a sẽn tʋmã.

³⁶Tɩ b vẽneg Gεhɩɩm ne net fãa.

³⁷La ned ning sẽn maan-a n zʋʋge.

³⁸La a yɩɩs Dũni vɩɩmã.

³⁹Bɩ f bãng tɩ yaa Gεhɩɩm la a gãag zĩiga.

⁴⁰La sã n yaa ned ning sẽn yaees a Soabã ziiri, la a gɩdg yõorã n yi ɑ yamleoogo.

⁴¹Bɩ f bãng tɩ Arzãn la a gãag zĩiga.

⁴²B sokda foo dũni yikr yelle, a yɩɩbã yaa rabʋre?

⁴³Bõe la fo mi a pʋgẽ n nɑ n togse?

⁴⁴A bãngrã gill bee ne fo Soabã.

⁴⁵Ad fo yaa bugsd ne ned ning sẽn yaeesd-a.

⁴⁶Raar ning b sẽn na n ya wala bãmb pa zĩnd dũni sã n pa zaabr bala, ma yibeoogo.