'Abasa

¹A gãnem a neng n gũd a zãn-kuidga.

²Tɩ zõangã waa a nengẽ.

³La bõe n wilgd foo, sãnd-sãnde a na n yɩlgame?

⁴Ma t'a tẽeg-a tɩ tẽegrã naf-a?

⁵La ned ning sẽn sek a menga.

⁶Tɩ fo yãgd a sεgbo,

⁷A pa kãndg pa pak foo ye.

⁸La sã n ya ned ning sẽn yãgd n wat fo nengẽ wã.

⁹Tɩ yẽnda yaa sẽn zoet Wẽnde.

¹⁰Lɑ fo sẽn tar soagl ne kɩfr-dãmbã n bɑs ɑ sεgbã.

¹¹Pa woto ye! Ad a yaa tẽegre.

¹²Rẽnd ned ning sẽn tʋll-a bɩ a tẽeg-A, lɑ ɑ pɑɑm sɑgell ne Alkʋrãɑnã.

¹³N be karaas-waoogds pʋsẽ.

¹⁴N zẽk n yɩlge.

¹⁵N be mɑlεgs nusẽ.

¹⁶N yaa wagl n yaa sak-n-tũ-rãmba.

¹⁷B kãaba ninsaal kɩfre, a sõm-zɩɩlmã yĩnga.

¹⁸Yaa bõe la A naan ne-a?

¹⁹Yaa mani la A naan ne-a n kord-a.

²⁰Rẽnda poorẽ n yols a sorã t'ɑ yi ɑ mɑ wã pʋgẽ.

²¹Rẽ poorẽ t'A kʋ-a n kẽes a kabrẽ.

²²Rẽnda poorẽ, A sã n wa tʋlle, A na n yik-a lame.

²³Pa woto ye! A pa tũ b sẽn sagl-a wã ye.

²⁴Bɩ ninsaal ges a rɩɩbã, ɑ sẽn yɩt to-to.

²⁵Tɩ Tõnd kiigda koomã ne kiigri.

²⁶Rẽ poorẽ n pãrg tẽngã pãrgr tεkẽ

²⁷N buls a pʋgẽ bõn-bεεla.

²⁸La sibã la yam-maasã (zẽ-biisi).

²⁹La Zaeentʋʋn (olɩvɩye) la tamar-tɩɩse.

³⁰La pʋt sẽn tob bĩmm.

³¹La tɩ-biis la yamdo.

³²Tɩ yaa wʋm-noog ne yãmb la y rũmsã.

³³La tãs-kεgengã sã n wa.

³⁴Raar ned sẽn na n zoe n bas a ma-biiga.

³⁵La a ma, la a saamba.

³⁶La a pag la a koamba.

³⁷Ned fãa yell sεk-a-la raaren-kãngã.

³⁸Raaren-kãngã, nems sẽn pɩnd bee be.

³⁹N yaa sẽn laade, n yaa sẽn yolse.

⁴⁰Nems me sẽn yaa puddd bee raarã.

⁴¹Sablem n lud-ba.

⁴²Bãmb rãmbã la kɩfr-dãmbã n yaa nin-wẽnsã.