At-Takwir

¹B sã n wa põd wĩndgã n lobge.

²Ãdsã sã n wa lʋɩtẽ.

³B sã n wa kẽnes tãmsã.

⁴B sã n wa maan yam-kaalg ne yʋgem tʋtsã.

⁵B sã n wa tigim we-rũmsã.

⁶B sã n wa yõgneg moagã.

⁷B sã n wa pẽneg yõyã ne b wõns n taabse.

⁸Tɩ kom-pugli b sẽn bus vɩɩsã B sã n wa sokd-bɑ.

⁹Yaa bõe beegr yĩng la b kʋ-ba ?

¹⁰B sã n wa pʋɩ tʋʋmã karaase.

¹¹Lɑ saagã sã n wa fõke.

¹²Lɑ B sã n wa widg Gεhɩɩme.

¹³Lɑ Arzãnã B sã n wa pẽneg-ɑ.

¹⁴Yõor na bãng a sẽn tʋme.

¹⁵M wẽen ne ãd-solgdsã.

¹⁶Ãd-kẽnds sẽn menemd tɩ zĩigã sã n yẽegã.

¹⁷La ne yʋng t'a sã n wa limsi.

¹⁸La ne yibeoogo, t'a sã n wa vẽnege.

¹⁹Ad yẽnda (Alkʋrãɑnɑ) yaa Wẽnd goɑm tɩ Tẽn-tʋʋm ɑ Gɩbriil sẽn yaa wagellã tɑɑs-ɑ.

²⁰Sẽn yaa pãng-kεgeng soaba, n tɑr ziir al-ʿars-zẽkdgã Soab nengẽ.

²¹N yaa b sẽn tũud-a soaba, n leb n yaa bas-m-yam soaba.

²²La yãmb tũud-n-taagã pa gãeeng ye.

²³La hakɩɩka Tẽn-tʋʋmã yãa ɑ Gibriil sɑɑgã ween-n-vɩɩgã pʋgẽ.

²⁴La ad a pa yɩ n na maan beed ne yel-soaandɩ wã ye.

²⁵La a pa Sʋɩtãan b sẽn rig n zãag yolsgã gomd ye.

²⁶La yaa yε la yãmb rabda?

²⁷A (Alkʋrãanã) pa yɩ ralla tẽegr ne bõn-naandsã.

²⁸Ned ning sẽn wa n tʋll-a yãmb pʋgẽ bɩ a tẽeg tɩrga.

²⁹La yãmb pa tõe n tʋlla, ralla Wẽnd sã n tʋlla; bõn-naandsã Gʋʋndã.