الانفطار
The Cleaving • 19 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Saagã sã n wa pãrge.
2La ãdsã sã n wa lʋɩtẽ.
3La moagã sã n wa pus n yek tɑɑbɑ.
4La kabɑ wã sã n wa bugsdẽ.
5Yõor na bãng a sẽn tʋm tɩ reng taoor la a sẽn tʋm tɩ yaoole.
6Yaa foo ninsaalã! Bõe n belg foom ne fo Soab wagellã,
7Ning sẽn naan-a foo, n zems-f taab n tẽeg-f tɩrga?
8Nɑɑnd ning A sẽn tʋll la A sigd foo.
9Pa woto ye! Y kɩɩsda Rolbã raare.
10La ad gũusdb n be yãmb zutu,
11N yaa wagla, n yaa gʋlsdba.
12B mii yãmb sẽn tʋmdã.
13Ad manegdbã bee neema pʋga.
14La ad nin-wẽnsã bee Gεhɩɩm pʋgẽ.
15B kẽed-a lame Rolbã raare.
16La b pa na n tol n lill n bas-a ye.
17La bõe n wilg foo Rolbã raare?
18Rẽ poorẽ, bõe n wilgd foo Rolbã raare?
19Raar ning yõor sẽn pa so a yõ to ne ba fʋɩ; raaren-kãngã, yellã bee ne Wẽnde.