Al-Mutaffifin

¹Wɩɩbd be ne zãmbdbã.

²Bãmb sã n na n vug nebã nengẽ, b pidsdame.

³La b sã n na n vug n kõ nebã, ma b sã n na n make, b zãmbdame.

⁴Rẽ yĩnga bãmbã pa tẽed tɩ b na n yik-b lame lɑ?.

⁵Ra zɩsgã raarã.

⁶Raar ning nebã sẽn yikd n yãnese, bõn-naandsã Gʋʋnd yĩnga, tɩ b nɑ n geel b tʋʋmã.

⁷Pa woto ye! Ad nin-wẽnsã sebrã bee Sɩggiin tẽngrã pʋga.

⁸Bõe n wilgd foo Sɩggiine sẽn yɑɑ ɑ soɑbɑ?

⁹Yaa sebr sẽn gʋls n sε, m pɑ toeemdẽ ye.

¹⁰Wɩɩbd be ne zĩrimbe-rãmbã ra-kãng raare.

¹¹Sẽn yagsd-b rolbã raarã

¹²La ned pa yagsd-a, rẽnd maan-n-zʋʋg soab fãa sẽn yaa zunuub soaba.

¹³B sã n karemd a zug Tõnd aayayã a yetame tɩ yɑɑ: "pĩnd rãmb soɑlmɑ".

¹⁴Pa woto ye! Ad bũmb ning b sẽn tʋmã n lud b sũyã.

¹⁵Pa woto ye! Ad bãmb yaa b sẽn lill-b rãmbɑ ra-kãng raarã n yi b Soabã yãabo.

¹⁶Rẽ poorẽ, ad bãmba, b yaa gεhɩɩm Bugmã kẽedba.

¹⁷Rẽ poorẽ, b yet-b lame: "yãoã la yãmb sẽn da yɩ n yagsdẽ wã".

¹⁸Pa woto ye! Nin-sõmbsã sεbã be zĩ-zẽkdsẽ.

¹⁹Lɑ bõe n wilgd foo zĩ-zẽkdsã sẽn yɑ-ɑ soɑbã?

²⁰Yaa karaas sẽn gʋls n sε, m pɑ toeemdẽ ye.

²¹Malεgs pẽtbã sεεt-a lame.

²²Ad nin-sõmsã bee neema pʋgẽ.

²³B bee b gãas zut n getẽ.

²⁴F bãngda b nemsẽ wã neemɑ wã tagmase.

²⁵B yũnugd-b-la rã-yɩleng sẽn da page.

²⁶A baasgã yaa misk, la rẽ pʋgẽ, bɩ põsdbã põs taab a yĩngɑ.

²⁷La b gẽnegd-a-la ne Tasniim ko-nifri.

²⁸Yaa ko nif tɩ nin-pẽtsã yũuda.

²⁹Ad nin-wẽnsã b ra yɩɩme n laad sɩd-kõtbã.

³⁰La b sã n pɩʋʋg-b la b sẽn yĩgisd-ba.

³¹La b sã n lebg n kẽng b zagsẽ wã, b lebgda ne kɩdengɑ tɩ b yaa wʋm-noog rãmba.

³²La b sã n yã-ba, la b sẽn yete: " ad bãmbã la menemdbã".

³³La b yaool n pa tʋms-b tɩ b gũus-b ye.

³⁴La rũndã, sɩd-kõtbã laada kɩfr-dãmbã.

³⁵B bee b gãas zut n getẽ.

³⁶Rẽ yĩnga b pa rol kɩfr-dãmb bũmb ning b sẽn da yɩ n tʋmdẽ wã?