Al-Inshiqaq

¹Saagã sã n wa pãrge.

²La a kεlg a Soabã n sɑk n tũ, la sεgda ne-a t'ɑ mɑɑn rẽ.

³La Tẽngã B sã n wa yãbg-ɑ.

⁴La a yiis bũmb ning sẽn be a pʋgẽ wã gilli, n lebg vɩʋʋgo.

⁵La a kεlg a Soabã n sɑk n tũ, lɑ rẽ sεgda ne-a.

⁶Foom ɑ ninsaala, fo yaa yaamsda n tʋg f Soabã nengẽ ne yaamse, n na n yεk-A

⁷La ned ning b sẽn kõ a gaf ne ɑ rɩtgo.

⁸B na wa n gεεl-a geel-yol-yole.

⁹La a lebg n kẽng a zak rãmbẽ t'a sũur yaa sẽn noome.

¹⁰La ned ning b sẽn kõ a gaf a poor wεεngẽ.

¹¹A na bool halkre.

¹²La b kẽes-a Sa-ɩɩr Bugmẽ.

¹³Ad yẽnda ra bee a zak rãmbẽ t'a sũur yaa noogo.

¹⁴Ad a ra tẽedame t'a kõn tol n lebg ye.

¹⁵Pa woto ye! Ad a Soabã ra yaa Net ne-a.

¹⁶M wẽen ne zaabr zĩ-sobdã (sawat miidã).

¹⁷La ne yʋngo la a sẽn tigim bũmb ningã.

¹⁸La ne kiuugã t'a sã n wa pidi.

¹⁹Y na pɩʋʋg alhaal-rãmba.

²⁰La bõe n be ne bãmb tɩ b pa kõt sɩda.

²¹La b sã n karemd Alkʋrãan b nengẽ, b pa maan suguud ye۩.

²²La neb nins sẽn kɩfl-bã yagsdame.

²³La Wẽnd n mi bãmb yãɑdã sẽn tigim bũmb ningã.

²⁴Bɩ f noog b sũur ne naon-zabdga.

²⁵Rẽnda neb nins sẽn kõ-b sɩda, la b tʋm sẽn sõmbã, bãmb tara rolb sẽn pa wãagde.