Al-Buruj

¹M wẽen ne saagã sẽn tar kõom zĩisã. (sussã).

²La ne pʋlengã raarã.

³La ne sεεt fãɑ (wɑlɑ Nɑbiyɑɑmã) la b sẽn sεεt-a soab zugã (wɑlɑ ɑ poorẽ dãmbã).

⁴B kãaba Ʋẖdʋʋd (bogdã) rãmbã.

⁵B widgɑ bugum beenẽ sẽn tar ra-tugunds, n tusd sɩd-kõtbã n lubd beenẽ vɩɩse.

⁶Wɑkɑt ning b sẽn wa n zĩẽ a kɩrengã.

⁷La bãmb yaa kaset rãmbɑ ne b sẽn tʋmd sɩd kõtbã.

⁸La b pa kisg-bɑ sã n pɑ b sẽn kɩs sɩd ne Wẽnd sẽn yaa Na-zɩsgã n yaa Pẽgr Naabã bɑlɑ.

⁹Sẽn so-a saasã la Tẽngã; lɑ Wẽnd yɑɑ bũmb ɑ fãa Seeta.

¹⁰Ad neb nins sẽn nams-b muumin-roapã la muumin-pogsã, rẽ poorẽ tɩ b pa tuubi, ad Gεhannem naong bee ne-ba, la naon-yõogdg leb n bee ne-ba.

¹¹Ad neb nins sẽn kõ-b sɩdã la b tʋm sẽn sõmbã, Arzãn bee ne-ba, tɩ ko-sood zoet a tẽngrã, ad wãndã la paoong sẽn bedme.

¹²Ad fo Soabã yõkrã yaa kεgenga.

¹³Ad yaa Yẽ n sɩngd (naanegã) la A lebsdẽ.

¹⁴Yẽ la Yaafda n yaa Noanga

¹⁵N yaa Al-ars-zɩsgã Soaba,

¹⁶N yaa maand ne A sẽn rat fãa.

¹⁷Rẽ yĩnga tãpã kɩbar waa fo nengẽ?

¹⁸a Fɩr-ʿaoon ne a Ṯamuud.

¹⁹La neb nins sẽn kɩfl-bã bee yagsg pʋgẽ.

²⁰La Wẽnd yaool n gũbg-b-la gilli.

²¹A pɑ wɑ bãmb sẽn yetã ye, Ad a yaa Alkʋrãan-zɩsgo

²²N be walg b sẽn gũus pʋgẽ.