Al-Layl

¹M wẽen ne yʋngã t'a sã n wa lutẽ.

²La ne wĩndgã t'a sã n wɑ puki.

³La a sẽn naane, rao la paga.

⁴Ad yãmb tʋʋmã yaa toay-toaya.

⁵Rẽnd ned ning sẽn kõ la a zoe Wẽnde.

⁶La a kõ sõmã wã sɩda.

⁷Tõnd na n yols-a-la ne yol-yole.

⁸La ned ning sẽn maan beed la a sek a menga.

⁹La a yags sõmbã.

¹⁰D na n yols-a lame ne tʋʋm-wẽense tɩ sõmɑ yɩ toog ne-ɑ.

¹¹La a arzεkã pa tõe n sεk-a, t'a sã n wa halk ye.

¹²Ad kãndgrã bee ne Tõndo.

¹³La ad Yaoolmã la Rãeenmã yaa Tõnd n so.

¹⁴Tɩ M bugsda yãmb ne bugum sẽn witi.

¹⁵Pa kẽed-a , ralla zu-be-neda.

¹⁶Sẽn yags-a la ɑ gõd kuidga.

¹⁷La b na n zãag-a-la ne wẽn-zoεt-kɑsengã, (Abuubɑkɑr sidiik, Wẽnd yɑrd be ɑ yĩngɑ ).

¹⁸Sẽn kõt-a n baood yɩlgre.

¹⁹La ned ba a yembr pa tar mɑɑn-neer ɑ nengẽ t'ɑ mɑɑnd n nɑ n rol ye.

²⁰Rallame tɩ yaa a Soab-zẽkdgã yard baoob bɑlɑ.

²¹La yɩ bilfu, a na wa n yard bũmb ning A sẽn rol-ɑ wã.