الفجر
The Dawn • 30 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Mianiana aho ny amin'ny maraina vao mangiran-dratsy.
2Ny amin'ny alina folo (alin'ny volana Zol-Hijjah).
3Ny amin'ny ankasa sy tsy ankasa.
4ny amin'ny alina rehefa mandalo.
5moa va izany tsy fianianana ho an'ireo manan-tsaina ?
6Moa va tsy nodinihinao ny nanaovan'I Allah ireo vahoaka'i A'ad ?
7Ary i Iramah izay nanana andry niankinana ?
8Izay tsy nisy namboarina toa azy amin'ireo firenen-drehetra !
9Niaraka tamin'ny Samodo izay nanao lava-bato teny an-dohasaha.
10Ary i Farao nanana miaramila maro aman-defona.
11Izay nihoa-pefy tao amin'ny firenen'izy ireo.
12Ary nampiely faharatsiana maro tao.
13Noho izany dia nandefasan'ny Tomponao kapoka mavaivay izy ireo.
14Tena marina ! Ny tomponao dia manara-maso fatratra.
15Ny olombelona rehefa notsapàn'ny Tompony ka notahiny sy nomeny fahasoavana, dia hiteny izy ireo hoe : "Nitahy ahy ny Tompoko".
16Ary rehefa notsapàny koa izy ireo ka nampianjadiany fahasahiranana ; dia hiteny izy ireo hoe : "tsy norarahin'ny Tompoko aho".
17Tsia ! indrisy anefa fa manao tsinotsinona ny kamboty ianareo.
18Ary tsy mifamporisika amin'ny fanomezana sakafo ireo mahantra ianareo.
19Fa manao ampihi-mamba ny lovan'ireo kamboty.
20Tena tia harena diso tafahoatra ianareo !
21Tsia ! Rehefa montsana ka hihorohoro araka izay tsy izy ny tany.
22ary ho tonga ny Tomponao sy ireo anjely hitandahatra,
23koa amin'izany andro izany dia haseho ny Afobe, dia ilay andro izay hahatsiarovan'ny olombelona, nefa inona intsony moa no ilany ny fahatsiarovana amin'izany fotoana izany ?
24ka hiloa-bava hoe : "tahaka izay aho mba nanao hatsarana ho amin'ny fiainako ho avy !"
25Amin'izany andro izany dia tsy hisy famindram-po ny famaizan'I Tompo Allah,
26ary tsy hisy famindram-po tahaka izany ihany koa ny famatoran-drojon'I Allah,
27O ry fanahy feno fahatoniana !
28Miverena ianao any amin'ny Tomponao am-pahatoniana sy feno fakansitrahana.
29Mandrosoa ho anisan'ny mpanompoko.
30Ary midira ho ao amin'ny Paradisako.