At-Takwir

¹Күн бүктелген сәтте,

²Жұлдыздар солып шашылған сәтте,

³Таулар жүркізілген сәтте,

⁴Қаймал іңгендер ,иен жіберілген сәтте, (Сол күннің зардабынан бошалған түйе де естен шығады.)

⁵Жан-жануарлар жиналған сәтте,

⁶Теңіздер қайнатылған сәтте,

⁷Жан тәнмен бірлестірілген сәтте,

⁸Тірі көмілген қыздар сұралған сәтте,

⁹Қай күнәмен өлтірілді?

¹⁰Даптердер ашылған сәтте,

¹¹Аспан ашылған сәтте,

¹²Тозақ қыздырыдған сәтте,

¹³Ұжмақ жақындатылған сәтте;

¹⁴Әркім не әзірлегенін біледі.

¹⁵Жоқ,солғындаған жұлдыздарға серт,

¹⁶Жүріп барып батқан жұлдыздарға ант.

¹⁷Қараңғылана бастаған түнге серт,

¹⁸Ағара бастаған таңға серт;

¹⁹(Осы нәрселерде ашық дәлелдер бар.) Негізінен Құран әрине бір ардақта Елшінің сөзі. (69-С.40-А)

²⁰Ол күшті Елші,ғаршының иесінің қасында беделді,

²¹Ықпалды,онда сенімді. (Жебрейіл Ғ.С)

²²Жолдастарың (Мұхаммед Ғ.С) жынды емес.

²³Расында ол,оны ашық көк жиекте көрді.(Мұхаммде Ғ.С Жебрейіл Ғ.Сды шығыс көк жиекте көрген.Б.Ж.М.)

²⁴Мұхаммед (Ғ.С.) ғайыптан келген уахи туралы кемшілік істемеді. (Б.Ж.М.)

²⁵Құран,қуылған шайтанның сөзі емес.

²⁶Ендеше,Қайда кетіп бара жатырсыңдар?

²⁷Құран,бүкіл әлемге нәсихаттан басқа еш нәрсе емес.

²⁸Әрине сендерден тура жолды қалаған кісілер үшін;

²⁹Әлемдердің Раббы Алла,қаламайынша тілеулерің жүрмейді.